Neemia 9:11 - ꞌRe Ihâimana Uꞌâsi Mono Zadawa Wasuꞌu

¹¹ A hã wahi'rata norĩ nhowa â poré na ma tô ãma aipo, ti'a i'ré na te te ãma saprĩ za'ra da hã. Duré isarina isisa'rei mono norĩ ma hã, ma tô i'manha, â 'rehâ uptabi u sisisi da hã, âporé sisasisi 'rowi ẽne 're isisisi mono ne.

Neemia 9:11 ပူးပေါင်းရင်းမြစ်များ

Salmu 78:13

 na ma tô ãma aipo'o, te te ãma saprĩ za'ra da hã. Ãhã wa, te taré â zada'ré si'uiwa hã ti'âtâ zahuré, 'ri 'wawi wa'ra 'rãihâ ne.

Ezodu 14:14

A norĩ wa'wa, marĩ hã 'manharĩ za'ra wa'aba dai õ di. Uburé Danhib'apito si te za ai'ãma ai'wapé za'ra wa'wa.

Ezodu 14:25

Tahawa, wedewara zapore na dasi'wapézé hã sisa'rei waihu'u õ di. E marĩ wa. 'Re ihâimana u'âsi mono, ti'ai wai'o na para nhisisi da, te te tãma 'manharĩ za'ra wa. Tawamhã te ezipsiu norĩ nharĩ za'ra ãne: — Oto Izaraéu nhihudu norĩ hawimhã wasisa'rei wa'aba mono! Uburé Danhib'apito, te ihâiba za'ra u'âbâ hã wazada tihâimana za'ra.

Ezodu 14:29

Tane nherẽ, Izaraéu nhihudu norĩ hã ma tô â wa'waibaba ti'ai 'ré na hã saprĩ za'ra, â nhitõmo si'uiwa wa'wamhã.

1 Corĩtu 10:1

Ĩsisãnawã norĩ, ãne hã wa za oto aima ãma rob'rãzarõtõ za'ra wa'wa, aima ãma ĩpo're pu'u za'ra wa'aba zém na, ãma 're aipo're simrami za'ra wa'aba mono tõ da. Duréihã wahi'rata norĩ Mozési hã Ezitu hawi te te sani za'ra wamhã, 'Re ihâimana u'âsi mono hâiwa'a na te isõwab za'ra hã mo, bâdâdi te te tãma wasu'u za'ra mono da, te te 'madâ'â pese za'ra mono sina. Â pré na pu'u nhisi wa'wai baba, ma tô duré te te simro, rob'ré na, zara u te te saprĩ za'ra da, ezipsiu norĩ wi hã, te te sõ'reptu za'ra da.

Hebreu 11:29

Duré Izaraéu nhihudu norĩ hã, 'Re ihâimana u'âsi mono si te te sina 're i'umnhasi za'ra mono zéb zarina, ma tô â poré na hã saprĩ za'ra, zara u, Â ipré na â poré nhisi na. Â 'ré na da te 're isaprĩ za'ra mono ne, ma tô rob'ré na saprĩ za'ra, â zada'ré amoi u hã, i'uiwada u. Tane nherẽ, ezipsiu norĩ hã rob'ré na dazarina te te aré saprĩ za'ra da, si'aba'réi wamhã, ma tô â hã apâ iré atob za'ra. Tahawa, ezipsiu norĩ hã â poré na ma tô uburé ai'utõ.

Apocalipsi 18:21

Tawamhã ãne, wa tô duré te azabu. Hâiwa ãma romhuri'wa isimiwada'uri pire hã ma tô ẽtẽ tõmo wawẽ uptabi hã sarõtõ. Te te sarõtõ wamhã, ma tô âi ba time, â poré ãma. Te te me sina, te ãne tinha: — Ãne te za Babilonia hã 'ri nho'õmo za'ẽne hã sa'ẽtẽ uptabi daré uprosi, si'utõrĩ da. Tawamhã ropsi hã te za oto sô nomro.