Neemia 9:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã a'amo 24 bâtâ ãma ma tô Izaraéu nhihudu norĩ hã si'rã'õtõ, sai ãna a'â hâimana za'ra da. Tahawa, ma tô duré sa'u ihâiro na si'uza za'ra. Ma tô duré ti'a na hã si'rã zazub za'ra.

Neemia 9:1 ပူးပေါင်းရင်းမြစ်များ

Esdra 8:21

Tawamhã Aava na panho'õmo 'rata, wa tô wasai ãna misi bâtâ na wahâimana za'ra da hã dama pisutu, taha ré uburé wa norĩ hã wate 'Re ihâimana u'âsi mono nho'remhã wahi'rãtitõ tãma wasisimro da, wa'ra norĩ ré, duré uburé wanhimarĩ ré, wasi'aba'réi ré we te te wanhimroi wẽ mono da, wa te tiwi waptẽrẽ za'ra da hã.

Esdra 8:23

Tahawa, wa tô wasai ãna wamreme zusi ni, 'Re ihâimana u'âsi mono ma, te te wa'madâ'â za'ra mono da, wasi'aba'réi ré. Tawamhã ma tô wa te tiwi irowaptẽrẽ za'ra zém na hã wawapari za'ra.

Neemia 8:2

Tawamhã Esdra, 'Re ihâimana u'âsi mono nhimiroti na rob'ui'éré ré hã ma tô ti'â, aibâ norĩ, pi'õ norĩ, duré ai'uté norĩ rob'ui'éré te te isadaihu'u za'ra da zama isi'rã'õtõzéb u.

Zuéu 2:12

Uburé Danhib'apito te tinha ãne: “Tane nherẽ, ma'ãpé oto apâ ĩtẽme aipizari za'ra wa'aba, aipẽ'ẽ na, asai ãna aihâimana za'ra wa'aba sina, duré aiwawa za'ra wa'aba sina, duré ai'ru'ru wa'aba sina.

Zozué 7:6

Tawamhã Zozué, ti'uza ma tô hâiwazu, robzei'õ zé te. Ti'ai u, ma tô duré sime. Ti'ubu na ma te ti'ai u ropto, Uburé Danhib'apito nhimiroti ré wedehâ're 'manharĩ nho're. Tawamhã tô õne Zozuéhé siré ma tô Izaraéu nhihudu norĩ ma i'rãnho'õmo norĩ hã siwi 'manha. Tahawa ma tô hâiwahâ u ime tihâimana za'ra. Duré isine ma tô siwi 'manha: Ti'a na ma tô si'rãzazub za'ra, robzei'õ na tihâimana za'ra zém na siwasu'u za'ra da.

Apocalipsi 11:3

Taha ré, wa za ĩzadawa wasu'u'wa norĩ hã satõrĩ zahuré, tô 1.260 na bâdâ isi'utõrĩzéb u simi'ẽ na te te ĩzadawa wasu'u zahuré mono da. Tawamhã pone'ẽrebâ zéré 'manharĩ na uza wasété ré, te za tineb zahuré, pẽ'ẽzé uptabi zahuré wa, da te dasiwi 're ĩwẽ'õ pese za'ra mono wa.

Zuize 20:26

Tahawa uburé Izaraéu nhihudu norĩ, ma tô Bétéu u apâ ai'aba'ré, 'ru'ru da hã. Tawamhã tame Uburé Danhib'apito nho're hâimana za'ra wamhã, saihuri ãna, ma tô tihâimana za'ra, ãma ihâiwahâ pese za'ra zéb u. Tawamhã tinhimizama zata na ma tô tãma tinhoprub za'ra, 'Re ihâimana u'âsi mono ma, danhoprubzé ãma irowẽ za'ẽtẽ na.

1 Samuéu 4:12

Tawamhã taha bâtâ na ma tô aibâ Bẽzamihĩ nhihudu hã wara dasi'wapézém hawi Silo u hã. Tawamhã tô bâtâ na ma tô wi. Duré robzei õ na da te waihu'u za'ra da hã ma tô uza hâsi wazui ré wi, duré ti'a na 'rãzazub ré.

1 Samuéu 7:6

Tawamhã ãne ma tô uburé Izaraéu nhihudu norĩ hã si'rã'õtõ, Mispa ãma. Tahawa, ma tô â hã duré siwi waze. Ta hã ma tô duré siwi sa'wa, Uburé Danhib'apito ma tinhoprubzém na hã. Tawamhã si'upari ãna ma tô bâtâ bâre tihâimana za'ra. Tahawa, te ãne tãma siwẽ'õ za'ra, 'Re ihâimana u'âsi mono ma: — Uburé Danhib'apito, wa norĩ hã wa tô wawasédé hã 'manharĩ za'ra ni aiwi. Tawamhã tame ma tô Samuéu hã Izaraéu nhihudu norĩ ma si'ĩ'rãnho'u, Mispa ãma. Tame ma tô duré da'ãma rowairébé'wa na hã 're hâimana.