Neemia 8:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã 'Re ihâimana u'âsi mono nhimiroti na rob'ui'éré, da te wapari za'ra wamhã, ma tô ta'ru'ru ni. Tawamhã Neemia dama i'rãnho'u hã, Esdra, 'Re ihâimana u'âsi mono nhimiroti waihu'u wẽ 'wa uptabi hã, duré levita norĩ hã, rob'ui'éré na te te ãma dama saprĩ za'ra da, ihâimana za'ra norĩ hã ma tô dama nharĩ za'ra ãne: — Ã hã bâdâ iwazéb zahi, te tihâiba, Uburé Danhib'apito, wate 'Re ihâimana u'âsi mono ma. Tahawa a norĩ wa'aba wi aiwi irobzei'õ za'ra wa'aba da hã mare di za. Duré nasi i'ai'ru'ru wa'aba da hã mare di za.

Neemia 8:9 ပူးပေါင်းရင်းမြစ်များ

Esdra 2:63

Tawamhã dama i'rãnho'u dasa iwazéb zahi na dasaihuri tõ da, ma tô a'â dawi sawi, nima hã sasedoti ẽne i'ui'éré ré Urĩ norĩ Tumihi me te te wabzuri da, imorĩ wisi õ ré, te te irowairébézéb da hã.

Esdra 7:11

à hã, apito Artazesihi nhimiromnhihâdâ, sasedoti rowaihu'u pese 'wa Esdraha ma te te isõmri, Uburé Danhib'apito, Izaraéu nhihudu norĩ ma, tinhimiroti, te te isõmri waihu'u wẽ 'wai ma:

Neemia 10:1

Tawamhã imorĩ'rata na dama i'rãnho'u, Neemia, Hacaliasihi 'ra hã ma tô sisihâtâ. Taha parimhã ma tô duré Zedequia hã sisihâtâ. Taha nhana'remhã isiré norĩ zama ma tô oto sisihâtâ za'ra. Ãne isisi za'ra hã.

Neemia 12:26

à norĩ hã, Zoiaquĩ, Zozuéhé 'ra, Zozadaquihi nhihudu 're hâimana mono ré, Neemia dama i'rãnho'õmo na 're hâimana mono ré, duré Esdra sasedoti na dama 're hâimana mono ré, ma tô, tô 're hâimana za'ra.

Neemia 7:65

Tahawa dama i'rãnho'u zudeu hã ma tô timreme hã ãma hiri za'ra, 'Re ihâimana u'âsi mono ma, danhoprubzém na dasa hã te te dame 're huri tõ mono da, nima hã sasedoti ẽne i'ui'éré ré Urĩ norĩ Tumihi me te te wabzuri da, wisi õ ré, te te ãma irowairébézéb da hã.

Neemia 7:70

Tawamhã nima norĩ a'uwẽ wa'õtõ ma ipire norĩ hã ma tô 'Re ihâimana u'âsi mono nhorõwa 'ri pese zé wa'âbâzéb da rob'uiprazé hã sõmri za'ra. Tahawa, dama i'rãnho'u hã ma tô ẽtẽ waipo pré oru, 8 kilu na ipire pibuzém na, 50 na piza 're zapoto wawẽ hã, duré 530 na sasedoti norĩ nho'utu hâ'ubuzé hã sõmri za'ra.

Neemia 8:2

Tawamhã Esdra, 'Re ihâimana u'âsi mono nhimiroti na rob'ui'éré ré hã ma tô ti'â, aibâ norĩ, pi'õ norĩ, duré ai'uté norĩ rob'ui'éré te te isadaihu'u za'ra da zama isi'rã'õtõzéb u.

Roma 3:20

E 'Re ihâimana u'âsi mono nhimiroti 'rata na rob'ui'éré zarina, marĩ hã da te 're i'manharĩ wẽ za'ra mono na, te za te te sima da'ãma 're aroti, dawasédé hã te te oto da'ãma 're ab'madâ'â tõ mono da, taha zarina te te oto 're da'awẽsãmri mono da, dapo're'õ nherẽ, te te 're da'ahâ za'ra mono tõ da. Mare di. Taha nai õ di. Uburé marĩ hã da te 're i'manharĩ wasété za'ra mono na, 'râwi 're dasiwaihu'u za'ra mono da si, te dama 're hâimana, rob'ui'éré 'rada hã.

Roma 7:9

Duréihã 'Re ihâimana u'âsi mono nhimiroti 'rata na rowasu'u hã te waihu'u õ nherẽ, wa tô aré ĩsi'ãma rosa'rata na te 're upa. Ĩwasété na 're ĩsi'madâ'â mono ãna, wa tô 're ĩhâimana. Tane nherẽ, isimiroti 'rata na rob'ui'éré wasu'u hã te oto waihu'u wamhã, ãne na te oto ĩsi'ãma 're rosa'rata mono õ di. 'Re ihâimana u'âsi mono ma, ĩwasété na aré 're ĩhâimana mono zém na hã wa tô ĩsi'ãma waihu'u. Ĩdâ'â u'âsi, wa tô aré 're ĩhâimana, ĩpẽ'ẽ 're. 'Re ihâimana u'âsi mono hã ma tô tinhimiroti 'rata na rob'ui'éré hã wama sõmri za'ra, wa te wasina tãma 're i'uwaimrami za'ra mono zéb zarina, rowẽ uptabi na ãma 're wanomro wẽ mono da. Tane nherẽ, te ĩsina tãma uwaimrami õ di, wa hã. Tahawa, wa tô aré ĩdâ'â u'âsi 're ĩhâimana u'âsi, 'Re ihâimana u'âsi mono nhiti.

Tiagu 4:9

Aiwasété na 'râwi 're asisãmri za'ra wa'aba mono wa, te za 're ai'ru'ru wa'aba mo. Rowẽ te, aipẽ'ẽ 're, 're ato za'ra wa'aba mono õ di za a'â. Robzei'õ na te za a'â 're aihâimana za'ra wa'aba mo.