Neemia 8:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã ta norĩ, 'Re ihâimana u'âsi mono nhimiroti na rob'ui'éré te te dama siwi isõré hã ma tô ãma dama saprĩ za'ra. Ma tô duré nasi ãma dama rowasu'u za'ra, romnhihâdâ da te sadaihu'u wẽ za'ra da, te te siwi isõré hã.

Neemia 8:8 ပူးပေါင်းရင်းမြစ်များ

Esdra 4:18

“Romnhihâdâ we ĩma asiwi isõmri 'wa hã, ma tô Persia norĩ mreme u ãma isaprĩ na ĩma sõré ni.

Neemia 8:12

Tawamhã aihĩni danhorõwa u oto dasi'aba'réi wamhã, ma tô dasa hã huri ni. Ma tô duré dato sina nasi âhuri ni, dasa nhimihârizé hã. Tahawa, ma tô duré ni'wam norĩ wi, dasa norĩ zô tiwi sô irobaba za'ra norĩ ma hã da te sõmri. Ãne ma tô 'manharĩ za'ra ni, rob'ui'éré, da te dama isõré za'ra, da te sadaihu'u za'ra wa.

Neemia 8:7

Tawamhã apâ dawahutu za'ra wamhã, ma tô dasimasabzé mono bâ apâ dasimasa. Tawamhã levita norĩ ma tô 'Re ihâimana u'âsi mono nhimiroti na rob'ui'éré na hã ãma dama saprĩ za'ra. Ãne isisi norĩ hã: Zesua, Bani, Serebia, Zami, Acube, Sabeta'i, Hodia, Maaséia, Quelita, Azaria, Zozabade, Hana duré Pelaia.

Neemia 8:9

Tawamhã 'Re ihâimana u'âsi mono nhimiroti na rob'ui'éré, da te wapari za'ra wamhã, ma tô ta'ru'ru ni. Tawamhã Neemia dama i'rãnho'u hã, Esdra, 'Re ihâimana u'âsi mono nhimiroti waihu'u wẽ 'wa uptabi hã, duré levita norĩ hã, rob'ui'éré na te te ãma dama saprĩ za'ra da, ihâimana za'ra norĩ hã ma tô dama nharĩ za'ra ãne: — Ã hã bâdâ iwazéb zahi, te tihâiba, Uburé Danhib'apito, wate 'Re ihâimana u'âsi mono ma. Tahawa a norĩ wa'aba wi aiwi irobzei'õ za'ra wa'aba da hã mare di za. Duré nasi i'ai'ru'ru wa'aba da hã mare di za.

Neemia 9:3

Tawamhã hâiwi simasam haré ma tô duré Uburé Danhib'apito, ite za'ra 'Re ihâimana u'âsi mono nhimiroti na rob'ui'éré hã sõré za'ra, si'ubdatõ bâtâ pibuzé ãma isi'utõrĩ za'ra 're. Ma tô duré tawamhã si'ubdatõ bâtâ pibuzé ãma timorĩ za'ra, tiwasété na siwẽ'õ za'ra ré, duré Uburé Danhib'apito, tite za'ra 'Re ihâimana u'âsi mono ãma wata za'ra ré.

Luca 24:27

Romhâ ré, ma tô iwana Danho'reptui'wa na rob'ui'éré za'ra ni. Tawamhã Mozési te te ãma irob'ui'éré na, te oto tãma rob'rãzarõtõ zahuré. Taha pari, uburé 'Re ihâimana u'âsi mono zadawa 'mahârâ 'rata 'wa norĩ, te te ãma irob'ui'éré za'ra na, te tãma rob'rãzarõtõ zahuré duré.

Luca 24:32

Tahawa, te isa'u sima rowasu'u zahuré, ãne: — Bâdâdi na we te te wama rowasu'u mono ré hã, e iwatoi õre bété, wapẽ'ẽ 'remhã. Wato sina, wa we wa te wapari. Wapari ze ti.

Luca 24:45

Tawamhã ma tô ãne tãma waihu'u za'ra, ibaihâ na rob'ui'éré zarina: — Romhâ ré ma tô ãne ĩ'ãma rob'ui'éré za'ra ni: “Danho'reptui'wa te za robzépata za'ẽtẽ, 'Re ihâimana u'âsi mono te te ipisudu hã. Tane nherẽ, bâdâ maparane ãma si'utõrĩ õ ré, te za hâiwa'udu apâ, ab're hawi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:23

Tawamhã ma tô sima pisutu za'ra, nimahã bâtâ na itẽme dasi'rã'õtõ da. Tahawa, ma tô da'ahâ na itẽme tasi'rã'õtõ ni, Paulu hã isãmrazéb u. Bâtâ bâ ma tô dama romhu, 'Re ihâimana u'âsi mono, da'ãma 're isib'a'uwẽ mono zé wasu'u na. Mozésihi nhimi'ui'éré zarina, duré 'Re ihâimana u'âsi mono zadawa 'mahârâ'wa norĩ nhimi'ui'éré 'rata zarina, ma tô tãma ãma rowasu'u pese za'ra, Zezusi hã Danho'reptui'wa da, 'Re ihâimana u'âsi mono te te ipisutu na da te saze za'ra da.