Neemia 8:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã apâ dawahutu za'ra wamhã, ma tô dasimasabzé mono bâ apâ dasimasa. Tawamhã levita norĩ ma tô 'Re ihâimana u'âsi mono nhimiroti na rob'ui'éré na hã ãma dama saprĩ za'ra. Ãne isisi norĩ hã: Zesua, Bani, Serebia, Zami, Acube, Sabeta'i, Hodia, Maaséia, Quelita, Azaria, Zozabade, Hana duré Pelaia.

Neemia 8:7 ပူးပေါင်းရင်းမြစ်များ

Esdra 8:18

Tawamhã 'Re ihâimana u'âsi mono iwẽ na te te wapawaptob za'ra wa, ma tô aibâ Serebia na isisi marĩ tãma iwaihu'u pe hã wei watẽme satõrĩ za'ra, levita Malihi hawi a'uwẽ hã. Tahawa, ma tô 18 na i'ra norĩ hã duré isisãnawã norĩ hã we isiré ai'aba'ré.

Neemia 10:2

Sasedoti hã: Seraia, Azaria, Zeremia, Pasu, Amaria, Malquia, Hatusi, Sebania, Maluque, Harĩ, Meremote, Obadia, Daniéu, Ginetõ, Baruqui, Mesulã, Abi'asi, Mi'ami, Maazia, Bilgai duré Semaia.

Neemia 11:16

Levita tisiré norĩ ma, ipire norĩ, Sabeta'ihi norĩ, Zozabadehe me, 'Re ihâimana u'âsi mono nhorõwa 'ri ãma rowi romhuri 'madâ'â'wa dama zahuré.

Neemia 11:19

'Re ihâimana u'âsi mono nhorõwa 'ri 'madâ'â'wa norĩ hã ãne: Acube, duré Talmo tisisãnawãi me hã. Ã hã uburé 172 na isa'rata za'ra hã ma tô watobro.

Neemia 12:33

Tawamhã sasedoti norĩ danhimnhihârâzé te te hãsi za'ra mono sina te te ropãrĩ za'ra, sõré pese na dazarina isi'aba'ré nhisi hã ãne: Azaria, Esdra, Mesulã, Zuda, Bẽzami, Semaia, duré Zeremia. Ta norĩ zarina ma tô duré Zacaria Zonataha 'ra hã mo, Semaiaha nhihudu hã. (Taha hi'rata hâiba amo norĩ hã ãne: Matania, Micaia, duré Zacu, Asafihi hawi a'uwẽ.)

Neemia 3:17

Tawamhã levita norĩ zama ma tô 'ri 'wawi wa'ra 'rãihâ 'manharĩ pese na hã dapawaptob za'ra. Ãne isisi na ãma irob'ui'éré za'ra hã: Reum, Banihi 'ra, ma tô isãna're iwa'õno hã 'manharĩ pese. Duré isãna're iwa'õno hã ma tô Hasabiasi, Queira na 'ri wa'õno aiwa ãma isipo'o ãma dama i'rãnho'u hã 'manharĩ pese.

Neemia 3:19

Tawamhã ihâiba amo iwa'õno hã ma tô duré Ézé, Zesuaha 'ra, Mispa na 'ri wa'õtõ ãma dama i'rãnho'u hã 'manharĩ pese, dasi'wapéi 'manharĩzé nhimi'warazém nho'remhã, 'ri 'wawi wa'ra wẽ'ẽzéb u.

Neemia 3:23

Taha nhana'remhã iwa'õno hã ma tô Bẽzami norĩ, Hasubehe me hã tinhorõwa zahuré 'ri nho're wa'waibaba hã 'manharĩ pese zahuré. Azaria, Maaséiaha 'ra, Ananiaha nhihudu hã tinhorõwa nho're wa'waibaba hã ma tô 'manharĩ pese.

Neemia 8:12

Tawamhã aihĩni danhorõwa u oto dasi'aba'réi wamhã, ma tô dasa hã huri ni. Ma tô duré dato sina nasi âhuri ni, dasa nhimihârizé hã. Tahawa, ma tô duré ni'wam norĩ wi, dasa norĩ zô tiwi sô irobaba za'ra norĩ ma hã da te sõmri. Ãne ma tô 'manharĩ za'ra ni, rob'ui'éré, da te dama isõré za'ra, da te sadaihu'u za'ra wa.

Neemia 8:4

Tawamhã Esdra te hâiwi wede 'manharĩ nhisiwi za. Tahawa, te isimire niwĩ, aibâ norĩ hã aimasa, ãne isisi za'ra hã: Matitia, Sema, Anaia, Uria, Hilquia duré Maaséia. Duré isimi'e niwĩ, aibâ norĩ hâiwi isimasam norĩ nhisi hã ãne: Pedaia, Mizaéu, Malquia, Hasu, Hasbadana, Zacaria duré Mesulã.

Neemia 8:6

Tawamhã te Esdra hã ãne dama tinha: — Ma'ãpé Uburé Danhib'apito, 'Re ihâimana u'âsi mono iwaihu'u pese uptabi ãma aiwata za'ra wa'aba! Tawamhã uburé hâimo danhib'rada da te wẽ za'ra sina, ma tô ãma sada'âbâ za'ra ni ãne: — Tane tô! Tane tô! Tawamhã dahi'rãtitõ dasi'ubumro sina, duré ti'ai u da'ubu na da te roptob za'ra sina, ma tô 'Re ihâimana u'âsi mono Uburé Danhib'apito ãma hã tawata za'ra ni.

Neemia 8:8

Tawamhã ta norĩ, 'Re ihâimana u'âsi mono nhimiroti na rob'ui'éré te te dama siwi isõré hã ma tô ãma dama saprĩ za'ra. Ma tô duré nasi ãma dama rowasu'u za'ra, romnhihâdâ da te sadaihu'u wẽ za'ra da, te te siwi isõré hã.

Neemia 9:3

Tawamhã hâiwi simasam haré ma tô duré Uburé Danhib'apito, ite za'ra 'Re ihâimana u'âsi mono nhimiroti na rob'ui'éré hã sõré za'ra, si'ubdatõ bâtâ pibuzé ãma isi'utõrĩ za'ra 're. Ma tô duré tawamhã si'ubdatõ bâtâ pibuzé ãma timorĩ za'ra, tiwasété na siwẽ'õ za'ra ré, duré Uburé Danhib'apito, tite za'ra 'Re ihâimana u'âsi mono ãma wata za'ra ré.

Neemia 9:4

Tawamhã wede 'manharĩ na wa'ra nhisiwi ma tô levita norĩ Zesua, Bani, Cadmi'é, Sebania, Buni, Serebia, Bani, duré Quenani norĩ, hâiwi simasab sina Uburé Danhib'apito, tite 'Re ihâimana u'âsi mono ma, mreme 'rãihâ na hã mreme zu.