Neemia 8:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã te Esdra hã ãne dama tinha: — Ma'ãpé Uburé Danhib'apito, 'Re ihâimana u'âsi mono iwaihu'u pese uptabi ãma aiwata za'ra wa'aba! Tawamhã uburé hâimo danhib'rada da te wẽ za'ra sina, ma tô ãma sada'âbâ za'ra ni ãne: — Tane tô! Tane tô! Tawamhã dahi'rãtitõ dasi'ubumro sina, duré ti'ai u da'ubu na da te roptob za'ra sina, ma tô 'Re ihâimana u'âsi mono Uburé Danhib'apito ãma hã tawata za'ra ni.

Neemia 8:6 ပူးပေါင်းရင်းမြစ်များ

Zenezi 14:22

Tane nherẽ, Abrã ma te ãne asa ãma tãma wa'rã: — Uburé Danhib'apito, danhipai u 're ihâimana mono, hâiwa 'manharĩ'wa, duré ti'ai 'manharĩ'wa, taha nho'a wa za ĩnhib'rada hã hâimo wẽ,

Zenezi 24:26

Tawamhã aibâ hi'rãtitõ sãmra sina, ma tô Uburé Danhib'apito ãma hã tiwata.

Neemia 5:13

Tawamhã ĩsi'awasisizé isinhai ré hã wa tô waze. Te wazere wamhã, wa tô oto sãsã'ã. Tahawa, wa tô tãma nharĩ za'ra ãne: — Ãne te za 'Re ihâimana u'âsi mono hã ai'masãsã'ã 'wa, asimiropisutuzé tãma ãma 'mai'uwaimrami aba õ wamhã. Tawamhã te za asõrõwa wa'wa hã aiwi 'maiwazere 'wa. Te za duré uburé asimarĩ wa'wa hã aiwi 'mazani wa'wa, asimarĩ õ uptabi na oto 're ai'maihâimana aba mono da. Tawamhã uburé õme idahâimana za'ra hã te ãne nharĩ za'ra: — Tane tô! Tane romhâimana da hã iwẽ! Tawamhã Uburé Danhib'apito ãma te tiwata za'ra. Tawamhã tinhimiropisudu te te i'manharĩ za'ra zém na hã ma tô oto duré ãma uwaimrami za'ra.

Neemia 8:7

Tawamhã apâ dawahutu za'ra wamhã, ma tô dasimasabzé mono bâ apâ dasimasa. Tawamhã levita norĩ ma tô 'Re ihâimana u'âsi mono nhimiroti na rob'ui'éré na hã ãma dama saprĩ za'ra. Ãne isisi norĩ hã: Zesua, Bani, Serebia, Zami, Acube, Sabeta'i, Hodia, Maaséia, Quelita, Azaria, Zozabade, Hana duré Pelaia.

Salmu 41:13

Uburé Danhib'apito, Izaraéu nhihudu norĩ te, 'Re ihâimana u'âsi mono ãma si 're wawata za'ra wa'aba mono, õne u'â si'utõrĩ ãna! Tane tô! Tane tô!

Salmu 95:3

E marĩ wa. 'Re ihâimana u'âsi mono hã sa'ẽtẽ uptabi di. Duré Apito isa'ẽtẽ uptabi uburé ihâiba'õ norĩ nhisiwi 're isãmra mono.

Ezodu 12:27

ãhã wa, te za ãne duré ãma tãma 're irowasu'u za'ra wa'aba mo za: “Ã hã, danhimizama zata na Pascowa na dato nhisi hã 'Re ihâimana u'âsi mono, ezipsiu norĩ te te 'mapãrĩ mono da, Ezitu nhisi baba 're morĩ wa, te te iwa'aza'rei waré mono zé, duré tinhimihâzé te te wama iba'a za'ra zé. Ta hã, ã hã Pascowa, iwasaihurizé, duré 'Re ihâimana u'âsi mono ma, wanhimizama, wa te 're isimroi mono zé.” Ãne te za ãma tãma 're irowasu'u za'ra wa'aba mo za romhutu'õmhã. Tawamhã te te wapari za'ra pari, ma tô Izaraéu nhihudu norĩ hã asimro hi'rãtitõ, ãma tãma wata za'ra da, Uburé Danhib'apito uptabi ãma.

Ezodu 4:31

Tawamhã ma tô uburé ãma saze za'ra, isimirowasu'u na hã. Uburé Danhib'apito itẽme imorĩ za'ra zém na te te sina waihu'u za'ra wa, duré da te tãma 're irob'manharĩ wasété za'ra mono zém na te te 're i'madâ'â za'ra mono na te te sina waihu'u za'ra wa, hi'rãtitõ ma tô asimro, 'Re ihâimana u'âsi mono ãma wata za'ra da hã.

Mateu 26:39

Tawamhã romhâ prã na ma tô isiti timorĩ za'ra, Zezusi hã. Dumana na te nomro ti'ai wa, Timama ma, mreme da. Ãne te tãma mre: — Ĩmama, asima wẽ wamhã, ĩma ba'a, ĩdâ'âzé hã te sépata tõ da. Tane nherẽ, te ĩsima iwẽzéb uwaibaba, ĩma pisutu õ di za. Asima iwẽzéb uwaibaba si, te 'manharĩ da hã, ĩma wẽ di, wa hã.

Mateu 6:13

Duré, 're wa'ab'madâ'â nhimini mono õ di za, Wa'uburé hã te te 're wa'a'upi mono wa, wawasété u 're warere'e tõ mono da. Ma'ãpé, 're wa'anho'reptui u'âsi mono, iwasété uptabi wi.”

1 Corĩtu 14:16

A norĩ wa'wa hã asiré 're asi'rã'õtõ aba mono wamhã, ãté te za aipẽ'ẽ na si 'Re ihâimana u'âsi mono ãma 're aiwata za'ra wa'aba mo, damreme dama iwaihu'u'õ na si, tãma 're aimreme zusi aba mono ré. Ãne wamhã, e niha te za aiwapari'wa norĩ hã ãma 're aiwata za'ra wa'aba mono zém na, te te 're ai'uzei pese za'ra wa'wa, aimreme na te te 're asadaihu'u za'ra wa'aba mono õ nherẽ, ta norĩ hã.

Éfézu 1:3

'Re ihâimana u'âsi mono hã sõpru uptabi di, Wanhib'apito Zezu Cristuhu mama hã. Ta hã Cristuhu ãma 're wanomro mono wa, ma tô marĩ mono bâ wama ãma 're sõpru, uburé marĩ iwẽ na, hâiwa hawi. Tahawa, wama 're sõprub za'ra mono wa, ãma 're wawata u'âsi za'ra wa'aba mono za.

1 Timotiu 2:8

Wa za oto aima waihu'u, te ĩsima 're ida'awẽ mono zém na hã. Aibâ norĩ hã nimame 're ihâimana za'ra mono zé mono bâ te za 're mreme zusi, 'Re ihâimana u'âsi mono ma. Ta norĩ hã dama 're hâimana wẽ za'ra mono wamhã, te za tãma 're mreme zusi, tãma 're simiwẽ za'ra mono sina, hâiwa u, te te 're da'ruiwapari za'ra mono ãna, duré tizadawa na 're isi'wapé za'ra mono ãna.

1 Pedru 1:3

'Re ihâimana u'âsi mono ãma si oto 're wawata u'âsi za'ra wa'aba mono, Wanhib'apito Zezu Cristuhu mama ãma. E marĩ wa. Ipẽ'ẽzézé hã sa'ẽtẽ na tãma 're hâimana mono wa, ma tô wa'apoto té, wapẽ'ẽ 're, wahâimanazép té iwẽ na si oto ãma 're wahâimana za'ra mono da. Zezu Cristu hã dâ'â uptabi nherẽ, ma tô Imama hã ab're hawi hâiwa'utu, tiwaihu'u pese na. Taha zarina, wa za duré wasina sô 're wanhimipari za'ra, 're wadâ'â za'ra mono pari, te te 're iwa'ahâiwa'utu mono zéb zô.

Apocalipsi 7:11

Tawamhã hâiwa ãma romhuri'wa norĩ hã te zahadu danhib'apito simasisizé mana wawi aimasa. 24 na dama ipire za'ra norĩ hã isisõré mana wawib zama te zahadu aimasa, maparane si'uiwa na ropoto na ihâiba norĩ mana wawib zama. Ta norĩ hã hâiwa ãma romhuri'wa norĩ hã ma tô duré danhib'apito simasisizém nho're hi'rãtitõ ana, 'Re ihâimana u'âsi mono ãma wata za'ra da.