Neemia 8:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã aihĩni danhorõwa u oto dasi'aba'réi wamhã, ma tô dasa hã huri ni. Ma tô duré dato sina nasi âhuri ni, dasa nhimihârizé hã. Tahawa, ma tô duré ni'wam norĩ wi, dasa norĩ zô tiwi sô irobaba za'ra norĩ ma hã da te sõmri. Ãne ma tô 'manharĩ za'ra ni, rob'ui'éré, da te dama isõré za'ra, da te sadaihu'u za'ra wa.

Neemia 8:12 ပူးပေါင်းရင်းမြစ်များ

Neemia 8:10

Ma'ãpé oto aiwairébé aba, 'ri tẽme ai'aba'réi aba da, rowẽ te, dato isa'ẽne hã asiwi 'manharĩ aba da. Tawamhã te za dasa norĩ hã, duré uwa 'rãi wa'u isé hã, ni'wam norĩ wi, tiwi sô irobaba za'ra norĩ ma, isõmri za'ra wa'aba mo. Ã hã bâdâ, te tô iwazéb zahi hã tãma tihâiba, Uburé Danhib'apito ma. Tahawa duré aiwi robzei'õ za'ra wa'aba tõ. E marĩ wa. Rowẽ isa'ẽne hã Uburé Danhib'apito te te aima isõmri za'ra wa'aba si te za asiptete za'ra wa'wa.

Neemia 8:11

Tawamhã levita norĩ hã, ma tô atãma na dahâimanazé hiri za'ra. Ãne te tahawa, dama nharĩ za'ra: — Ma. Atãma aihâimana za'ra wa'aba, ã hã bâdâ iwazéb zahi, hâimana wa. Duré aiwi robzei'õ za'ra wa'aba tõ!

Neemia 8:13

Tawamhã a'amo nhana'rata hawi maparane bâtâ ãma, uburé a'uwẽ wa'õtõ ma ipire norĩ hã, sasedoti norĩ hã, duré levita norĩ hã ma tô Esdra ihâimanazéb u hã ai'aba'ré, 'Re ihâimana u'âsi mono nhimiroti na rob'ui'éré na taha siré te te ãma romnhoré za'ra da.

Salmu 119:111

Asimiroti hã te ĩnhimarĩ pese zém ne hã õne u'â ĩma 're hâimana. Ta hã te duré 're ĩpẽ'ẽ toi mono zém na ĩma 're hâimana.

Salmu 119:127

Asimiroti hã wa tô te 're sawi pese, ẽtẽ waipo pré oru nhipai u, duré tô oru uptabi marĩ na itõmo wazari'õ nhipai u.

Salmu 119:130

Aimreme na ãma isaprĩzé hã te rowa'a hã te te dama sina 're sani. Te duré 'rãiwaihu'u wẽ ãna 're ihâimana za'ra mono norĩ ma, i'rãnhimiza're hã te te tãma 're sõmri za'ra.

Salmu 119:14

Ĩma rowẽ za'ẽtẽ di, asimiroti te 're iwapari pese mono zarina 're ĩhâimana mono zém na hã, danhimarĩ pese na 're idahâimana za'ra mono zém nhipai u.

Salmu 119:16

Asimiroti ĩma ise zarina, aimreme na hã 're ĩpo're simrami waihu'u mono õ di.

Salmu 119:72

Asimiroti hã uburé pese danhimarĩ dama 're ihâimana za'ra mono nhipai u, tô sena ĩma iwẽ uptabi na te 're hâimana.

Salmu 119:97

Asimiroti hã wa te te 're sawi pese. Tahawa, wa bâtâ bâre õne u'â te ĩsima ãma 're rosa'rata u'âsi.

Luca 24:32

Tahawa, te isa'u sima rowasu'u zahuré, ãne: — Bâdâdi na we te te wama rowasu'u mono ré hã, e iwatoi õre bété, wapẽ'ẽ 'remhã. Wato sina, wa we wa te wapari. Wapari ze ti.

Roma 7:18

Marĩ iwẽ hã ĩpẽ'ẽ 'remhã ĩma 're hâimana mono õ di. Ãne hã ĩma waihu'u pese di. Uburé marĩ iwẽ si te 're ab'manharĩ mono da, te ĩsima 're awẽ mono nherẽ, te ĩsina 're uwaimrami waihu'u mono õ di, ĩsi'uihâ na hã.

Apocalipsi 11:10

Tawamhã ti'ai ãma daro mono bâ 're idahâimana wasété za'ra mono norĩ ma hã rowẽ za'ra di za, isadawa wasu'u'wa norĩ hã dâ'â zahuré wa. Tahawa, te za 're dato za'ra. Te za duré danhibzari na tasisawi za'ra ni. Isadawa wasu'u'wa norĩ hã dawasété wi 're dasipizari za'ra mono da, te te dama 're ropipa zahuré mono ré, dâ'â zahuré wa, te za 're dato za'ra.