Neemia 8:10 - ꞌRe Ihâimana Uꞌâsi Mono Zadawa Wasuꞌu

¹⁰ Ma'ãpé oto aiwairébé aba, 'ri tẽme ai'aba'réi aba da, rowẽ te, dato isa'ẽne hã asiwi 'manharĩ aba da. Tawamhã te za dasa norĩ hã, duré uwa 'rãi wa'u isé hã, ni'wam norĩ wi, tiwi sô irobaba za'ra norĩ ma, isõmri za'ra wa'aba mo. Ã hã bâdâ, te tô iwazéb zahi hã tãma tihâiba, Uburé Danhib'apito ma. Tahawa duré aiwi robzei'õ za'ra wa'aba tõ. E marĩ wa. Rowẽ isa'ẽne hã Uburé Danhib'apito te te aima isõmri za'ra wa'aba si te za asiptete za'ra wa'wa.

Neemia 8:10 ပူးပေါင်းရင်းမြစ်များ

Neemia 8:11

Tawamhã levita norĩ hã, ma tô atãma na dahâimanazé hiri za'ra. Ãne te tahawa, dama nharĩ za'ra: — Ma. Atãma aihâimana za'ra wa'aba, ã hã bâdâ iwazéb zahi, hâimana wa. Duré aiwi robzei'õ za'ra wa'aba tõ!

Neemia 8:12

Tawamhã aihĩni danhorõwa u oto dasi'aba'réi wamhã, ma tô dasa hã huri ni. Ma tô duré dato sina nasi âhuri ni, dasa nhimihârizé hã. Tahawa, ma tô duré ni'wam norĩ wi, dasa norĩ zô tiwi sô irobaba za'ra norĩ ma hã da te sõmri. Ãne ma tô 'manharĩ za'ra ni, rob'ui'éré, da te dama isõré za'ra, da te sadaihu'u za'ra wa.

Salmu 89:17

'Re ihâimana u'âsi mono, a hã, aiwaihu'u pe duré aiwasété ãna 're i'aihâimana wẽ uptabi mono, te wama za'ra 're aihâimana mo. Duré 're i'asimi'manharĩ wẽ mono zéb zarina, wa wa te da'ãma 're ai'uté za'ra.

Provébiu 17:22

Dapẽ'ẽ 're rowẽzé hã te wedenhi iwẽ uptabi ne hã dama 're hâimana. Tane nherẽ, õne u'â dapẽ'ẽ 're robzei ãna 're idahâimana za'ra mono zé hã te za atãma na te te 're danhib'uwa zani za'ra.

Zuéu 2:23

“Siã ãma a'uwẽ norĩ, 're ato za'ra wa'aba mono, wa hã Asib'apito za'ra wa'wa 'Re ihâimana u'âsi mono, marĩ isa'rese'õ hã te 're ab'manharĩ mono wa. Wa hã wa tô tãi ma hã te 're rob'ru, 're ita'a mono zéb uwaibaba 're ta'a mono da, 're a'ẽ ta'a mono da hã, duréi we te 're i'ab'manharĩ mono zém ne hã.

Luca 11:41

Tahawa, ma'ãpé isibrob'õ norĩ ma, 're asõprub za'ra wa'aba mono. Ãne dama 're 'manharĩ za'ra wa'aba mono wamhã, asimirosa'rata wẽ na, te za te te 're ai'awaihu'u 'wa, 'Re ihâimana u'âsi mono hã.

2 Corĩtu 8:2

Ta norĩ hã da te ãma 're irowasété za'ra mono na, te te 're robzépata za'ẽtẽ za'ra mono nherẽ, duré sibrob ãna 're hâimana za'ra mono nherẽ, ma tô to sina, dama tinhoprub za'ẽtẽ za'ra, tite rob'uiprazém na hã.

Filipu 3:4

Ni'wam norĩ hã te tô 'râwi 're si'madâ'â ze za'ra, marĩ hã si'uihâ na te te 're i'manharĩ za'ra mono zém na hã, taha zarina, 'Re ihâimana u'âsi mono hã ãma 're sib'a'uwẽ za'ra mono da newa. Marĩ hã wasihawi wasi'uihâ na wa te 're i'manharĩ za'ra mono zém na, 'Re ihâimana u'âsi mono hã te te 're wa'anho'reptui mono 'wa'âhã, tô ibâre wa aré wa hã danhipai u 're ĩsi'umnhasi, marĩ hã ĩsihawi te 're i'ab'manharĩ mono zém na hã, taha zarina, ĩsi'uihâ na ĩsisõ'reptuzé hã te ĩsina ãma uwaimrami da.

Apocalipsi 11:10

Tawamhã ti'ai ãma daro mono bâ 're idahâimana wasété za'ra mono norĩ ma hã rowẽ za'ra di za, isadawa wasu'u'wa norĩ hã dâ'â zahuré wa. Tahawa, te za 're dato za'ra. Te za duré danhibzari na tasisawi za'ra ni. Isadawa wasu'u'wa norĩ hã dawasété wi 're dasipizari za'ra mono da, te te dama 're ropipa zahuré mono ré, dâ'â zahuré wa, te za 're dato za'ra.

1 Samuéu 25:8

Ma'ãpé asimizama 'madâ'â'wa norĩ sadanharĩ za'ra na, te te aima wawasu'u za'ra da. Dawi hã te we aiwi rowaptẽ, wawaibui wẽ da, datozé bâtâ na we wasi'aba'ré dâ'âsina. Ãne wa, ma'ãpé aima romhuri'wai ma, marĩ wama sõmri za'ra na, duré asiwaihu aima isawi Dawihi ma zama.”