Neemia 7:70 - ꞌRe Ihâimana Uꞌâsi Mono Zadawa Wasuꞌu

⁷⁰ Tawamhã nima norĩ a'uwẽ wa'õtõ ma ipire norĩ hã ma tô 'Re ihâimana u'âsi mono nhorõwa 'ri pese zé wa'âbâzéb da rob'uiprazé hã sõmri za'ra. Tahawa, dama i'rãnho'u hã ma tô ẽtẽ waipo pré oru, 8 kilu na ipire pibuzém na, 50 na piza 're zapoto wawẽ hã, duré 530 na sasedoti norĩ nho'utu hâ'ubuzé hã sõmri za'ra.

Neemia 7:70 ပူးပေါင်းရင်းမြစ်များ

Neemia 10:1

Tawamhã imorĩ'rata na dama i'rãnho'u, Neemia, Hacaliasihi 'ra hã ma tô sisihâtâ. Taha parimhã ma tô duré Zedequia hã sisihâtâ. Taha nhana'remhã isiré norĩ zama ma tô oto sisihâtâ za'ra. Ãne isisi za'ra hã.

Neemia 7:65

Tahawa dama i'rãnho'u zudeu hã ma tô timreme hã ãma hiri za'ra, 'Re ihâimana u'âsi mono ma, danhoprubzém na dasa hã te te dame 're huri tõ mono da, nima hã sasedoti ẽne i'ui'éré ré Urĩ norĩ Tumihi me te te wabzuri da, wisi õ ré, te te ãma irowairébézéb da hã.

Neemia 7:69

Isimizama za'ra awaru ba'õmore norĩ hã, 435 na ihâiba hã. Duré isimizama za'ra awaru po're pore hã, 6.720 na ma watobro, isa'ratazé hã.

Neemia 7:71

Nima norĩ a'uwẽ wa'õtõ ma ipire norĩ hã ma tô ẽtẽ waipo pré oru 160 kilu na ipire pibuzém na hã, duré ẽtẽ waipo prã prata 1.320 kilu na ipire pibuzém na hã sõmri za'ra, romhuri te te nasi ãma iwa'âbâ za'ra zéb da hã dama.

Neemia 8:9

Tawamhã 'Re ihâimana u'âsi mono nhimiroti na rob'ui'éré, da te wapari za'ra wamhã, ma tô ta'ru'ru ni. Tawamhã Neemia dama i'rãnho'u hã, Esdra, 'Re ihâimana u'âsi mono nhimiroti waihu'u wẽ 'wa uptabi hã, duré levita norĩ hã, rob'ui'éré na te te ãma dama saprĩ za'ra da, ihâimana za'ra norĩ hã ma tô dama nharĩ za'ra ãne: — Ã hã bâdâ iwazéb zahi, te tihâiba, Uburé Danhib'apito, wate 'Re ihâimana u'âsi mono ma. Tahawa a norĩ wa'aba wi aiwi irobzei'õ za'ra wa'aba da hã mare di za. Duré nasi i'ai'ru'ru wa'aba da hã mare di za.

Ezodu 12:22

Tawamhã piza'a 're nho'a iwaprui ré isimasa mono na te za wesuirã suiro hã nasi sada ãma isuti'i za'ra wa'aba mo, rowi hawi 'ridawa zada'ré baba, ãma 'ridawa zapré za'ra wa'aba mono da. Tawamhã bara na hã ai'maiwatobro aba õ di za, rob u hã.

Ezodu 24:6

Tawamhã Mozési, danhimizama wapru aiwa ãma isipo'o na ma tô piza'a 're nho'a 'reptõ wa tisẽ. Tawamhã ma tô i'apo'o amo hã ẽtẽ za'ra nhisiwimhã sa'wa.