Neemia 6:19 - ꞌRe Ihâimana Uꞌâsi Mono Zadawa Wasuꞌu

¹⁹ Ta norĩ hã ma tô duré ĩ'ubu nho'a hã Tobia marĩ iwẽ te te 're i'ab'manharĩ mono zé hã dama wasu'u za'ra. Ma tô duré uburé te 're inharĩ mono zéb zama õhõ ma, tãma wasu'u za'ra. Tawamhã Tobia, ĩma rob'ui'éré nhomri na hã ma tô te ãma uzusi, te te ãma ĩpahi wazere pese da.

Neemia 6:19 ပူးပေါင်းရင်းမြစ်များ

Neemia 6:13

Ta norĩ hã ma tô rob'uiprazé tãma sõmri zahuré, te te ãma ĩpahi wazere da hã aré, taha zarina ĩwasédé te i'manharĩ da hã. Ãne 'wa'âhã, te aré ĩnhisi wẽ hã ĩwi uprosi zahuré. Te aré duré ãma ĩnhisém hiri zahuré.

Neemia 6:18

Zuda ti'ai ãma te da'ahâ uptabi na Tobiaha niwĩmhã 're hâimana za'ra, zudeu Araha 'ra, Secaniasi na isisi isa'õmo na 're hâimana mono wa, duré i'ra Zoãna na isisi Berequiaha 'ra, Mesulãhã 'ra sipi'õ na mro wa.

Neemia 6:9

Õ norĩ hã ma tô aré wapahi te te wama sõmri za'ra da hã wapibu za'ra, romhuri na wa te ãma 'rãiwa'õmo za'ra tõ da. Tane nherẽ, wa tô ãne na 'Re ihâimana u'âsi mono ma mre: “'Re ihâimana u'âsi mono, ma'ãpé ãhã na ĩnhiptetezé hã sa'ẽtẽ na ĩma sõmri!”

Neemia 7:1

Tawamhã 'ri 'wawi wa'ra 'rãihâ 'manharĩ pese zé si'utõrĩ wa, duré uburé 'ridawa za'ẽtẽ mono hã imono bâ da te ãma sasõmri pari za'ra mono wa, ma tô 'ridawa za'ẽtẽ 'madâ'â'wa da hã, isõ're'wa da hã, duré levita norĩ hã tinhimiromhuri za'ra mono bâ te te 're iromhuri za'ra mono da hã, pisutu za'ra ni.

Provébiu 28:4

Ni'wa, 'Re ihâimana u'âsi mono nhimiroti te te rẽme wamhã, iwasété norĩ ãma oto 're iwata za'ra mono zé, te wasu'u. Tane nherẽ, te te 're iwapari pese za'ra mono norĩ te sada 're hâimana za'ra.

Zuwã 15:19

Ĩzazei'õ'wa norĩ niwĩ 're anomro u'âsi aba mono 'wa'âhã, te aré da te dasiwi 're asawi pese za'ra wa'wa. Tane nherẽ, a norĩ wa'wa hã ĩzazei'õ'wa norĩ niwĩ 're anomro aba mono õ di oto. Wa hã wa tô aipisutu za'ra wa'wa, ĩniwĩp si 're anomro aba mono da. Tahawa, te za tô ĩzazei'õ'wa norĩ hã te te siwi 're ai'ruiwapari u'âsi za'ra wa'wa, isiniwĩ 're anomro u'âsi aba mono õ wa.

Zuwã 7:7

Da te 're ai'ruiwapari za'ra wa'aba mono õ di za. Ĩwétési te da te dasiwi 're ĩ'ruiwapari. E marĩ wa. Da te 're i'manharĩ wasété za'ra mono zé hã te dama 're awaihu'u mono wa.

1 Zuwã 4:5

Ta norĩ hã te 'Re ihâimana u'âsi mono wẽ'õ'wa norĩ me 're hâimana za'ra. Tahawa, te iwẽ'õ'wa norĩ nhimirosa'rata wasété zarina si te te tãma 're rowasu'u za'ra, ta norĩ hã. Taha na si te te tãma 're rowasu'u za'ra mono wamhã, wapari ze ti, isimiroti wasété za'ra hã, 'Re ihâimana u'âsi mono wẽ'õ'wa norĩ ma hã.