Neemia 6:13 - ꞌRe Ihâimana Uꞌâsi Mono Zadawa Wasuꞌu

¹³ Ta norĩ hã ma tô rob'uiprazé tãma sõmri zahuré, te te ãma ĩpahi wazere da hã aré, taha zarina ĩwasédé te i'manharĩ da hã. Ãne 'wa'âhã, te aré ĩnhisi wẽ hã ĩwi uprosi zahuré. Te aré duré ãma ĩnhisém hiri zahuré.

Neemia 6:13 ပူးပေါင်းရင်းမြစ်များ

Neemia 6:12

Tawamhã wa tô upsibi me, Semaia, 'Re ihâimana u'âsi mono we te te ĩtẽme isatõrĩ õ na hã. Duré Tobia norĩ, Sãbalatihi me, 'Re ihâimana u'âsi mono zadawa wasu'u zarina newa, te te ĩma waihu'u da, wa tô duré upsibi me, õhõ ma, te te tãma iwa'âbâ zahuré zém na hã.

Neemia 6:6

Ãne imreme na rob'ui'éré hã: “Gesẽ hã ma tô ĩma aiwasu'u, aiwaptoma a'uwẽ norĩ 'remhã te te ai'ãma sima irobâsi za'ra zém na hã ãne: A hã zudeu norĩ me, te u, dama ipire norĩ zada aihâimana za'ra wa'aba da, rosa'rada hã asima i'manharĩ za'ra wa'wa. Duré tahawa te u, apâ 'ri 'wawi wa'ra hã asiwi i'manharĩ pese 'wa. Te duré u, asima irosa'ra, dama i'asi'apito da hã.

Provébiu 22:1

Danhisi wasu'u wẽ hã wẽ uptabi di, danhimarĩ pese na 're idahâimana za'ra mono zém nhipai u. Ẽtẽ waipo prã prata nhipai u, duré ẽtẽ waipo pré oru nhipai u we uptabi di, da te 're idawazé wẽ za'ra mono zé hã.

Provébiu 29:5

Ni'wa tisiwaihu'u ma, timreme wazidi na senai'õ na, te te 're robzanhamri mono wamhã, te za 'râwi ãma 're simrami, niha timreme na hã.

Mateu 10:28

Dahâiba te te dawi 're isimroi mono norĩ ma hã, tãma 're aipahi za'ra wa'aba mono õ di za, dapẽ'ẽzani hã te te dawi 're simroi waihu'u mono dai õ wa. 'Re ihâimana u'âsi mono si te za asima 're ipipa za'ra wa'aba mo. Taha ma si waihu'u pese di, dahâiba hã duré dapẽ'ẽzani zama, te te dawi 're i'a'uprosi mono zéb da hã.

Mateu 22:15

Tawamhã farizeu norĩ hã ma tô ai'aba'ré Zezusihi nhiti, si'rã'õtõ da, a'â. Si'rã'õtõ wamhã, ma tô sima ãma roti za'ra, Zezusi hã te te siwi pibu da, tinhimirowasu'u na te te tãma ãma upa za'ra zô, te te tãma ãma upa za'ra wa, da te dasiwi wẽ'õ da, duré da te dasiwi âri da.

Mateu 26:59

Tawamhã sasedoti ipire norĩ hã, duré uburé zudeu norĩ ma roti'wa norĩ hã, te ni'wam norĩ zô tinhopré, Zezusi hã marĩ te te 're i'ab'manharĩ wasété mono zém na, sadawa nhipese na te te siwi ãma hiri da, tawapsi romanu norĩ hã te te siwi wĩrĩ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:13

Tawamhã Estewãhã mreme te te siwi iwẽ'õ za'ra norĩ zô, ma tô sô tihârâ za'ra, taré te te siwi iwasu'u wasété 'wa norĩ zô, Estewã te te tãma wasu'u wasété za'ra da. Ãne te dama ipire za'ra norĩ ma, Estewã hã taré wasu'u za'ra: — Õ hã aibâ hã, rowasu'u wasédé hã te te sazâri õ di, 'Re ihâimana u'âsi mono nhorõwa 'ri na hã. Duré 'Re ihâimana u'âsi mono nhimiroti wẽ wa'rãmi, ma tô te te dama 're rowasu'u wasété u'âsi.

2 Corĩtu 11:12

Zezusihi zadawa wasu'u'wa newa, tô senai'õ na te te dama 're iroti za'ra mono norĩ hã, aiwa ĩsine hã te te dama 're iromhuri za'ra mono na dama 're siwasu'u za'ra mono tõ da, wa za tô ĩpawa'âbâ ãna te 're da'apawaptob u'âsi.

1 Timotiu 5:14

Tahawa, wa tô ĩsima wẽ za'ra, duré apâ timro na te te 're sahu za'ra mono da, pi'õi mrotõ hâiba tém norĩ hã. Te za duré apâ 're 'ra za'ra. Tawamhã tinhorõwa ãma te za ti'ra norĩ hã te te 're 'madâ'â pese za'ra. Ãne dama 're hâimana wẽ za'ra mono wamhã, damreme hã te te sina 're 'rã'õtõ za'ra mono õ di za, wazawi'õ'wa norĩ mreme hã.

2 Timotiu 1:7

E wasina wapahi sina 're wahâimana za'ra mono da, ma tô 'Re ihâimana u'âsi mono hã Tipẽ'ẽzani hã te te wama 're anhomri. Mare di. Wanhiptete sina ãma 're wahâimana za'ra mono da, duré wanhimizawi pese sina 're wahâimana za'ra mono da, duré wanhimirosa'rata na hã atãma 're wahâimana za'ra mono da, ma tô te te wama 're anhomri, Tipẽ'ẽzani hã.

Titu 2:8

Iwasu'u uwaibaba si, te za dama 're irowahutu mo, da te aima 're nharĩ za'ra mono tõ da, taré da te aima 're nharĩ za'ra mono wa, timreme niwĩ wawẽ'õ'wa norĩ hã 're siséb za'ra mono da.

Tiagu 4:17

Tahawa, wa za ãne aima waihu'u za'ra wa'wa. Marĩ iwẽ na da te dama ãma 're i'uwaimrami za'ra mono da hã, wẽ di. Tane nherẽ, taha wasu'u hã dama waihu'u pese za'ra nherẽ, marĩ iwẽ na da te dama ãma 're uwaimrami za'ra mono õ wamhã, ta hã duré dawasédé.

Apocalipsi 21:8

Tane nherẽ, ni'wam norĩ hã te za unhama ro'o u'âsi wa'wa 're hâimana u'âsi za'ra, aré da te 're simroi mono pipa te, ĩwi 're isipizari za'ra mono norĩ hã, duré te te 're ĩzazei utõrĩ za'ra mono norĩ hã, duré marĩ iwasété uptabi na 're ihâimana wasété za'ra mono norĩ hã, duré dapãrĩ'wa norĩ hã, duré dahâiba na 're ihâimana wasété za'ra mono norĩ hã, duré simi'â na 're ihâimana za'ra mono norĩ hã, duré romhâiba 'manharĩ ãma ĩ'upana 're iwata za'ra mono norĩ hã, duré sadawa nhipese na 're ihâimana za'ra mono norĩ hã. Uburé pese, te za ẽtẽ ro'o nhizédé uzé pire wa'wa 're dahâimana u'âsi za'ra, 're idahâimana wasété za'ra mono norĩ hã, unhama ro'o u'âsi wa'wa. Unhama ro'o u'â hã maparane ãma 're idadâ'â zahu za'ra mono zé, te wasu'u.