Neemia 6:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Sãbalati norĩ, Tobiaha me, Gesẽhẽ me, duré wanhitob'ru ihâiba amo norĩ me ma tô 'ri 'wawi wa'ra 'manharĩ pese zé wa te oto wasiwi i'uprosizé hã siwi waihu'u, duré isipru mono zém na 'ridawa mono hã oto ihâimana õ zé hã. Tane nherẽ, zahadu 'ridawa za'ẽtẽ mono hã wa te ãma sasõmri za'ra mono õ di.

Neemia 6:1 ပူးပေါင်းရင်းမြစ်များ

Neemia 13:4

Tawamhã ãne na romhâimana wana ré, sasedoti Eriasibe, 'Re ihâimana u'âsi mono nhorõwa 'ri ãma marĩ 're isimi'wara mono 'madâ'â'wa hã te Tobiaha sisãnawã siwadi na 're hâimana.

Neemia 2:10

Tane nherẽ, Sãbalati hã 'ri nho'u Bete-Horõ ãmamhã, duré Tobia da'madâ'â'wa ti'ai wa'õtõ nho'u Amo na isisi ãma me, ma tô tawamhã tizahi zahuré, we ni'wa imorĩzé te te waihu'u zahuré wa, Izaraéu nhihudu norĩ te te ipawaptob za'ra da hã.

Neemia 2:19

Tane nherẽ, Sãbalati norĩ, Tobiaha me duré Gesẽ, Arabia norĩ siré me, ãne na wa te i'manharĩ za'ra zé te te waihu'u za'ra wamhã, ma tô wa'ãma to za'ra sina wa'ãma aihâ za'ra. Tahawa te ãne wazadanharĩ za'ra: — E marĩ te bété asiwi i'manharĩ 'wa. E taha zarina apito da, aihâimana za'ra wa'aba da.

Neemia 3:1

Tawamhã 'ri nho'õmo 'wawi wa'ra ma tô ãne apâ dasiwi 'manharĩ ni: Sasedoti tisiré norĩ nhipai u ipire uptabi Eriasibe na isisi hã, duré sasedoti isiré norĩ ma tô Pone'ẽrebâ na 'ridawa za'ẽtẽ nhisi hã siwi 'manha apâ. Tahawa, ma tô ãma sima romhu'u za'ra, te te siwi isaiwĩrĩzém na. Taha pari ma tô oto ãma siwi te te sasõmri 'ridawa za'ẽtẽ mono hã, 'ri 'wawi wa'ra 'rãihâ na. Cem na 'ri 'rãihâ nhisi u ma tô duré 'ri 'wawi wa'ra wahutu na hã ãma siwi tita, duré Hananeu na 'ri 'rãihâ nhisi u zama.

Neemia 3:3

Hasenahã 'ra norĩ ma tô Tepe na 'ridawa za'ẽtẽ wamri hã siwi 'manha. Tawamhã wedepo'o hâza'õno hã taha na ma tô te te ãma sa'ra za'ra. 'Ridawa isurure zama ma duré taha na te te ãma siwi tété, isimasabzé mono bâ. Taha pari ma tô duré isi'uwazi na itété mono zé hã te te ãma sa'ra za'ra.

Neemia 3:6

Tawamhã Zoiada, Paséiaha 'ra, Mesulã, Bezodiaha 'ra me ma tô 'Ridawa 'rata na 'ridawa za'ẽtẽ nhisi hã apâ 'manharĩ zahuré. Tawamhã wedepo'o hâza'õno taha na ma tô ãma te te aza'ra zahuré. 'Ridawa isurure zama ma duré taha na te te ãma atété zahuré, isimasabzé mono bâ. Taha pari ma tô duré isi'uwazi na itété mono zé hã te te ãma aza'ra zahuré.

Neemia 4:1

Tawamhã Sãbalati, wa norĩ zudeu 'ri nho'õmo 'wawi wa'ra 'rãihâ apâ wa te wasiwi i'manharĩzé te te waihu'u wamhã, ma tô ab'rui pese. Ma tô duré wa'ãma iwa'ẽ za'ra zém na ãma sãna'rata.

Neemia 7:1

Tawamhã 'ri 'wawi wa'ra 'rãihâ 'manharĩ pese zé si'utõrĩ wa, duré uburé 'ridawa za'ẽtẽ mono hã imono bâ da te ãma sasõmri pari za'ra mono wa, ma tô 'ridawa za'ẽtẽ 'madâ'â'wa da hã, isõ're'wa da hã, duré levita norĩ hã tinhimiromhuri za'ra mono bâ te te 're iromhuri za'ra mono da hã, pisutu za'ra ni.

Daniéu 9:25

Daniéu, marĩ waihu'u da, ma'ãpé ĩwapari pese. Zeruzalẽ apâ za da te dasiwi 'ri da, te te dama 'rui parimhã, te za 7 x 7 na wahu hã ai'utõ, 'Re ihâimana u'âsi mono dama i'rã nho'õmo da hã te te ipisutuzéb u. Tawamhã Zeruzalẽ 're, 'ri nhi'ridi ité ihâimana za'ra ãma hã, duré 'ri 'wawi wa'ra 'rãihâ ãma hã te za wahu hã ai'utõ, 62 x 7 na. Tane nherẽ, taha ré hã te za we romhâimana mono, robzépata za'ẽtẽ na hã.