Neemia 5:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã wa hã Neemia, dasiwapsari te wapari wa, ma tô sina ĩnhiti'ru waze.

Neemia 5:6 ပူးပေါင်းရင်းမြစ်များ

Neemia 13:25

Tahawa aibâ norĩ ma, wa tô pẽtẽ za'ra. Wa tô duré 'Re ihâimana u'âsi mono nhimi'ahârizé hã sada waptẽrẽ za'ra. Tahawa, wa tô duré hâ za'ra. Wa tô duré séré zano za'ra. Tawamhã 'Re ihâimana u'âsi mono nhisi na wa tô tiwi waptẽrẽ za'ra, niwamhã i'ra norĩ hã wasiré a'uwẽ'õ norĩ nhipi'õ na hã 're mro zahu za'ra mono tõ da.

Neemia 13:8

Tahawa, wa hã ĩnhib'rui pese wa, wa tô 'ri 're wa'õtõ hawimhã Tobiaha nhimarĩ hã, rob u sãmra.

Neemia 5:7

Tahawa, wa tô marĩ te i'manharĩ da hã ĩsima rowairébé. Tawamhã dama ipire norĩ ma, duré dama roti'wa norĩ ma, wa ĩmreme na hã tãma pri'i za'ra ãne: — Asisãnawã norĩ wa'aba wi, ma tô rob'uiprazé ropisutu na te te aiwi 're iwaibui wa'aba mono zém na ãma tiwi 're isisiwi za'ra wa'aba mo, isipai u te te aima 're wa'âbâ za'ra wa'aba mono da hã! Tawamhã ãne na te rosa'rata pari, wa tô uburé ĩsima da'ubumro, marĩ ipire na niha na, wa te wasima rowairébé za'ra da.

Salmu 119:53

Wa sa'ẽtẽ 're ĩnhiti'rui pusi u'âsi, iwasété norĩ asimiroti te te siwi 're iwẽ'õ mono u'âbâmhã.

Ezodu 11:8

Tawamhã Mozési, te te tãma inharĩzém na hã ma ãma tãma uzusi ãne: — Ã hã uburé aima romhuri'wa norĩ we ĩtẽme isi'aba'ré hã, te za ĩpapara hi'rãtitõ ĩnho'remhã asimro, ĩnhib'a'uwẽ norĩ te oto isimroi mono zé te te ĩwĩ waptẽrẽ za'ra da ãne: “Ã hawimhã te za a hã oto aiwato, asib'a'uwẽ norĩ aime si'aba'ré da.” Ãne te te ĩma nharĩ za'ra parip si, wa za wa hã ĩsi'uihâ na watobro. Tawamhã Mozési, apito Fara'oho hawimhã ma tô sahi sina watobro.

Marcu 3:5

Tawamhã Zezusi te da'ab'madâ. Te te ãma irosa'rata norĩ ãma hã, toi õ di. Simirosa'rata wasété nhiptete za'ra wa, ta norĩ ãma pẽ'ẽzé za'ra di. Tawamhã isimizu'rã're ma, te tãma tinha, ãne: — Ma'ãpé, asimizu wahutu. Tawamhã ma tô tinhimizu hã wahutu, aibâ hã. Tahawa, ma tô tinhimizu pese.

Éfézu 4:26

Nimahã na 're asiti'ru za'ra wa'aba mono wamhã, 're aiwasété za'ra wa'aba mono õ di za, aiwasédé hã 're 'manharĩ za'ra wa'aba mono tõ da. Duré asiti'rui ré bâdâ hã wahuré ai'ãma 're si'utõrĩ za'ra wa'aba mono tõ da, te za asiwi 're iwẽ'õ za'ra wa'aba mo, Wa'uburé nhimiwada'uri zarina aiwasédé hã 're 'manharĩ za'ra wa'aba mono tõ da dama.