Neemia 5:3 - ꞌRe Ihâimana Uꞌâsi Mono Zadawa Wasuꞌu

³ Te duré tawamhã isiré ihâiba amo norĩ hã ãne nharĩ za'ra: — Mrap te wasi'utõrĩ tõ da hã, wa tô waburu mono na hã duré uwa 'ru wa te 're izuri mono na hã duré wanhorõwa mono na hã ropisutu na rob'uiprazé hã dawi 'ma'âri za'ra ni, amnho trigu wa te ãma i'uipra za'ra da hã.

Neemia 5:3 ပူးပေါင်းရင်းမြစ်များ

Neemia 5:11

Tahawa, ma'ãpé a norĩ wa'aba zama õ norĩ ma, sisisi za'ra wa'aba, taré ropisutu na rob'uiprazé, niha wamhã duré uwa 'rãi wa'u isé hã, niha wamhã, duré azeitona wa'u to hã, te te aiwi 're iwaibui wa'aba mono hã. Ãhã na awa'awi na te za tô iburu mono hã ite za'ra uwa 'ru hã, oriwera wede hã te te 're izuri mono hã, duré isõrõwa mono hã apâ tãma ĩsõmri za'ra wa'wa!

Neemia 5:2

Tawamhã ni'wam norĩ hã te ãne nharĩ za'ra: — 'Ri 're, wa'ra si'aibâ norĩ hã duré wa'ra sipi'õ norĩ hã ahâ uptabi mono di. Tahawa amnho trigu wasa za'ra zéb da hã te wawi sô tirobaba za'ra, wahâiba ré wahâimanazém na wa te ãma i'uzusi za'ra da hã.

Neemia 5:4

Tawamhã te duré isiré ihâiba amo norĩ hã nharĩ za'ra ãne: — Waburu wa'âbâ arĩ mono hã duré uwa 'ru wa te 're izuri mono wa'âbâ arĩ mono hã, apito ma, wa te wa'âbâ za'ra da hã, wa tô a'â rob'uiprazé hã taré dawi 'mai'âri za'ra ni, ropisutu na.