Neemia 5:2 - ꞌRe Ihâimana Uꞌâsi Mono Zadawa Wasuꞌu

² Tawamhã ni'wam norĩ hã te ãne nharĩ za'ra: — 'Ri 're, wa'ra si'aibâ norĩ hã duré wa'ra sipi'õ norĩ hã ahâ uptabi mono di. Tahawa amnho trigu wasa za'ra zéb da hã te wawi sô tirobaba za'ra, wahâiba ré wahâimanazém na wa te ãma i'uzusi za'ra da hã.

Neemia 5:2 ပူးပေါင်းရင်းမြစ်များ

Zenezi 41:57

Tawamhã uburé ti'ai wa'õtõ nho'u ihâiba amo norĩ ãma 're idahâimana za'ra mono, ma tô Ezitu u hã 're danomro, Zuzéhé wi amnho, da te 're uipra za'ra mono da, dasa zô hã ropâ dawi sô 're robaba za'ra mono wa.

Zenezi 42:2

Ezitu ãma amnho ahâ wasu'u hã wa tô wapa. Tahawa te za tamomo ai'aba'réi wa'wa, dawi 'mai'uipra za'ra wa'aba da, mrap te, wasi'utõrĩ tõ da ãmemhã.

Zenezi 43:8

Tawamhã Zuda te duré timama ma tinha ãne: — Ma'ãpé ai'ra si'ritéi'wa satõrĩ, ãma ĩsiré morĩ da. Ãhã wamhã, awa'awi wa za oto ai'aba'ré ni. Ãne wamhã, ni'wa idâ'â da hã mare di za, niha hã wamhã wa norĩ hã, duré a hã, duré wa'ra norĩ hã.

Zenezi 47:19

Mrap te, wasi'utõrĩ da hã taré wa'madâ'â za'ra tõ. Duré atõmobre, wanhipti'a za'ra baba na 're sa'wari mono da hã, taré 'madâ'â tõ. Ma'ãpé wa'uipra za'ra na. Duré wanhipti'a za'ra hã uipra na, trigu wa'rãmi. Tawamhã wa za wa norĩ hã apito Fara'oho ma, wapawa'âbâ ãna wa te tãma 're romhuri za'ra. Duré romnhamare zama wama 'manhomri za'ra na, wa te zuri mono wa, wahâimanazém na wa te tô ãma uzusi za'ra da, mrap te, wasi'utõrĩ tõ da, wanhipti'a za'ra iwa rob're õ pese na 're sa'wari tõ mono da taré.

Neemia 5:3

Te duré tawamhã isiré ihâiba amo norĩ hã ãne nharĩ za'ra: — Mrap te wasi'utõrĩ tõ da hã, wa tô waburu mono na hã duré uwa 'ru wa te 're izuri mono na hã duré wanhorõwa mono na hã ropisutu na rob'uiprazé hã dawi 'ma'âri za'ra ni, amnho trigu wa te ãma i'uipra za'ra da hã.