Neemia 5:15 - ꞌRe Ihâimana Uꞌâsi Mono Zadawa Wasuꞌu

¹⁵ Ĩwana dama i'rãnho'õmo norĩ, ma tô ropire hã te te dama 're sõmri za'ra. Ma tô duré bâtâ sidâpâsi mreme tete na te te dawi 're waibu, ẽtẽ waipo prã prata 480 grama na ipire pibuzém na da te tãma ãma 're wa'âbâ za'ra mono da, dasa norĩ uiprazéb da hã duré uwa 'rãi wa'u isé uiprazéb da. Tãma romhuri'wa norĩ zama ma tô duré te te 're dawati za'ra. Tane nherẽ, wa hã wa tô romhâimanazé aimawi na tãma ãma romhâimana za'ra, 'Re ihâimana u'âsi mono hã, te 're wazé pese mono wa.

Neemia 5:15 ပူးပေါင်းရင်းမြစ်များ

Zenezi 20:11

Tawamhã Abra'ã, ma te ãne asa ãma sada'â: — Wa tô rosa'rata aré, ã hã daza'rui 're, 'Re ihâimana u'âsi mono wazé'wa 're da'maihâimana mono õ wa, za ni'wa ĩmro hâiba zô te te ĩwĩrĩ na hã.

Zenezi 42:18

Ãhã wa, si'ubdatõ bâtâ ãma te Zuzé tãma siwasu'u za'ra ãne: — Wa hã 'Re ihâimana u'âsi mono hã wa tô te 're wazé pese. Tahawa, te aima iwaihu'u za'ra wa'aba zéb zarina, ĩma 'manharĩ za'ra wa'aba wapsi, da te ai'uprosi aba da hã te dama asa'ré za'ra wa'aba õ di za.

Neemia 5:16

Wa hã wa tô duré aimawi ĩsima romhâimana, 'ri 'wawi wa'ra 'manharĩzé pese na si. Taha na si wa tô te 're romhuri pese. Te duré 'mai'uipra õ di, roptede'wa norĩ wi ti'ai wa'õno hã. Ma tô duré uburé ĩma romhuri'wa norĩ hã te te siwi 're ĩpawapto pese, 'ri 'wawi wa'ra na hã.

Neemia 5:9

Tawamhã wa duré tãma nharĩ za'ra ãne: — Marĩ a norĩ wa'wa 're i'manharĩ za'ra wa'aba mono hã, i'uwaibaba õ di! 'Re ihâimana u'âsi mono si 're iwazéb za'ra wa'aba mono zéb da si i'ruzahi. Duré i'uwaibaba na si uburé marĩ 're i'manharĩ za'ra wa'aba mono da si i'ruzahi hã, wasiré zudeu'õ wanhitob'ru norĩ, wa'ãma 're wa'ẽ za'ra mono tõ da.

Salmu 112:1

Uburé Danhib'apito ãma 're wawata u'âsi za'ra wa'aba mono! Ni'wa, Uburé Danhib'apito wazép sina 're isãmra mono hã, duré isimiroti te te 're iwapari zei u'âsi mono hã te za to sina 're hâimana.

Provébiu 16:6

Ni'wa hã 'Re ihâimana u'âsi mono te te 're sawi pese mono wamhã, duré sena na tãma 're hâimana mono wamhã, iwasédé hã te te ãma 're ab'madâ'â mono õ di za. Duré ni'wa, Uburé Danhib'apito te te 're iwazé mono hã te za marĩ iwasété wi hã tiwi sina 're hâiba za'o u'âsi, romhâ na.

Provébiu 29:12

Dama i'rãnho'u dazadawa nhipese na romreme te te 're wapari za'ra mono wamhã, te za uburé ipa'upari'wa norĩ hã tiwasété za'ra.

Mateu 5:47

Duré 'Re ihâimana u'âsi mono waihu'u'õ'wa norĩ hã te te 're saze za'ra mono õ nherẽ, te tisiwadi norĩ ma, marĩ iwẽ hã te te tãma 're 'manharĩ za'ra, siré 're ihâimana za'ra mono norĩ ma hã. A norĩ wa'wa hã bété, asiré 're aihâimana za'ra wa'aba mono norĩ ma si, marĩ iwẽ hã tãma 're 'manharĩ za'ra wa'aba mono wamhã, aiwapsi te aiwasété na dame 're aihâimana za'ra wa'aba mo, 'Re ihâimana u'âsi mono waihu'u'õ'wa norĩ siré.

2 Corĩtu 11:9

Ai'rata ĩnhamra aba ré, asimarĩ zô, te aiwasutu za'ra wa'aba da, te nasi aiwi rowaptẽrẽ za'ra wa'aba õ di, marĩ zô ĩwi rowaptâ'â wamhã. Wasisãnawã norĩ si, ma tô uburé marĩ na siwi ĩpawapto, ãma ĩhâimana mono zéb da hã, Masédonia hawi, ãma ĩsiré isi'aba'ré norĩ hã. Tahawa, ai'rata ĩnhamra aba ré hã, ĩnhiwari na hã te nasi ropire hã aima 'manharĩ za'ra wa'aba õ di. Tane, wa za duré ĩhâimana, apâ ĩmorĩ na te sahu wamhã, ãma atẽme za'ra wa'aba.

2 Corĩtu 12:13

E tawamhã ai'upana za'ra wa'aba si, wa tô darob amoi ãma isazei'wa norĩ 're ihâimana za'ra mono norĩ hã te 're apawapto pese, ta norĩ si ĩma sawi pese za'ra wa. Mare di. E marĩ na, wa tô bété a norĩ wa'wa hã ai'mararé za'ra wa'wa, sena na Zezusihi zadawa wasu'u'õ'wa na asiwi ĩwaihu'u za'ra wa'aba zéb da hã. Ãté asimarĩ aba zô, te 're aiwasutu za'ra wa'aba mono õ zém na si, wa tô ai'mararé za'ra wa'wa, ai'rata ĩnhamra aba ré hã. Ma'ãpé, ãne na tô ĩwasédé hã te aima 'manharĩ za'ra wa'aba ze te bâ, ĩma pari za'ra wa'aba.

1 Samuéu 8:15

Tawamhã ta norĩ hã amnho 10 na te te itehâri za'ra mono wasi hã tãma 're isimi'wara mono hã duré uwa'ru 'rã norĩ hã te za te te tãma 're sõmri za'ra, misi iwasisi na amnho teihi wasi hã, uwa'ru rã hã, tite da'madâ'â'wa norĩ ma hã, duré ihâiba amo tite romhuri'wa norĩ ma hã.