Neemia 4:9 - ꞌRe Ihâimana Uꞌâsi Mono Zadawa Wasuꞌu

⁹ Tane nherẽ, wate 'Re ihâimana u'âsi mono ma, wa tô nasi tãma wamreme zusi ni. Aibâ te te irob'madâ'â za'ra da hã wa tô duré nasi wasiwi sõré ni, bâtâ na, duré bara na da'wawi nasi isõpré da hã.

Neemia 4:9 ပူးပေါင်းရင်းမြစ်များ

Zenezi 32:28

Tawamhã te duré tãma tinha ãne: — Asisi õ di za oto, Zaco na. 'Re ihâimana u'âsi mono ma tô i'wapé. Duré aibâ norĩ zama ma tô i'wapé za'ra. Tahawa, ma tô ãma i'ai'uté za'ra. Ãhã wa, asisi hã za oto Izaraéu na.

Neemia 4:10

Tawamhã Zudaha nhihudu norĩ ma tô ãne tinho're za'ra: “Ro'wapéi'wa norĩ ma tô te ãma ãpusire. Tane nherẽ, zahadu 'ri sipru za'wari hã sa'ẽtẽ di, te te nasi i'wasari da hã. Ã hã 'ri 'wawi wa'ra 'rãihâ 'manharĩ pesezé hã e wa te wasiwi i'uprosi da bâ bété.”

Neemia 4:11

Wanhitob'ru norĩ, ma tô ãne sima nharĩ za'ra: “Te te wa'upsibi me za'ra wana ré, duré titõmo na te te wa'madâ'â za'ra wana ré, 'râwibre wa za iwa'wab za'ra hã wahâimana za'ra ni. Tahawa, wa za wasiwi simro ni za. Wa za duré isimiromhuri hã tiwi uprosi za'ra ni za.”

Provébiu 22:12

Uburé Danhib'apito tõmobre, te rowaihu iwẽ hã 're hâimana. Tane nherẽ, te senai'õ na 're ihâimana za'ra mono norĩ nhimirowa'õno hã te te tiwi 're awa'rutu.

Luca 21:36

Tahawa, te za asimiza'rese sina 're aihâimana u'âsi za'ra wa'aba mo. Te za duré asima 're irowaptẽrẽ u'âsi za'ra wa'aba mo. E marĩ da. Marĩ hã 're wairébé mono wamhã, asiptete na 're aihâimana za'ra wa'aba mono da, apâ we ĩmorĩ wa, ĩnho're asisép te, ai'rãipo tõ za'ra wa'aba da, ti'ai ãma dasiré ĩpoto nho're.

1 Pedru 5:8

Ma'ãpé, aihâimana nhimiza'rese sina 're aihâimana za'ra wa'aba mono. Duré 're asi'madâ'â pese za'ra wa'aba mono. E marĩ wa. Da'rui'wa hã datẽme 're morĩ wa, wa'uburé norĩ nhib'apito hã. Hu'u zéré pa hã wairõ sina, tisa zô 're inomro mono ne, te ta hã datẽme 're morĩ u'â, Wanhib'apito si da te dasina 're i'madâ'â u'âsi za'ra mono zé hã te te dawi 're a'uprosi mono da.