Neemia 4:7 - ꞌRe Ihâimana Uꞌâsi Mono Zadawa Wasuꞌu

⁷ Tane nherẽ, ma tô Sãbalati, Tobia, Arabia hawi a'uwẽ norĩ, Amo na romnhisi ãma 're idahâimana za'ra mono norĩ, duré Asidodi na 'ri nho'õmo nhisi ãma 're idahâimana za'ra mono norĩ, ma tô tizahi pese za'ra, Zeruzalẽ ãma 'ri 'wawi wa'ra 'manharĩ pese na romhuri hã wa te ãma i'uzusi za'ra zé te te waihu'u za'ra wa, duré 'ri 'wawi wa'ra isiprum na dazasizé mono hã wa te wasiwi isito mono zé, te te waihu'u za'ra wa.

Neemia 4:7 ပူးပေါင်းရင်းမြစ်များ

Zenezi 3:15

Wa za duré aima pisutu 'wa, asi'rui wa'aba na asisada 're aihâimana aba mono da hã. Tawamhã ãne zarina te za asihudu norĩ wa'aba zama si'ru na hã sisada 're hâimana za'ra. Ãhã pi'õ nhihudu norĩ hã te za zahadu wapsi siwi ai'rãihâpâ. Tawamhã a hã te za duré pi'õ nhihudu norĩ hã ipara na'rata wi hã 're i'ahâzu mo.

Esdra 5:8

Ãne wa za ãma aima wasu'u za'ra ni, apito. Zuda ãma daza'rui wa'õtõ u wasi'aba'réi wamhã, wa tô dama isa'ẽne 'Re ihâimana u'âsi mono nhorõwa wasiwi 'madâ'â ni, ẽne itõmo za'ẽtẽ nhisu'u pese na da te dasiwi i'ri hã, duré wedepo ipo'o hâ za'õno hã da te dasiwi tãma isõré mono hã, 'ri na'rata 'manharĩzé ma. Romhuri hã te wẽ uptabi na dasiwi 'manharĩ ni ãma. Te duré sa'ẽtẽ romhuri hã mo.

Neemia 2:10

Tane nherẽ, Sãbalati hã 'ri nho'u Bete-Horõ ãmamhã, duré Tobia da'madâ'â'wa ti'ai wa'õtõ nho'u Amo na isisi ãma me, ma tô tawamhã tizahi zahuré, we ni'wa imorĩzé te te waihu'u zahuré wa, Izaraéu nhihudu norĩ te te ipawaptob za'ra da hã.

Neemia 2:19

Tane nherẽ, Sãbalati norĩ, Tobiaha me duré Gesẽ, Arabia norĩ siré me, ãne na wa te i'manharĩ za'ra zé te te waihu'u za'ra wamhã, ma tô wa'ãma to za'ra sina wa'ãma aihâ za'ra. Tahawa te ãne wazadanharĩ za'ra: — E marĩ te bété asiwi i'manharĩ 'wa. E taha zarina apito da, aihâimana za'ra wa'aba da.

Neemia 4:1

Tawamhã Sãbalati, wa norĩ zudeu 'ri nho'õmo 'wawi wa'ra 'rãihâ apâ wa te wasiwi i'manharĩzé te te waihu'u wamhã, ma tô ab'rui pese. Ma tô duré wa'ãma iwa'ẽ za'ra zém na ãma sãna'rata.

Neemia 4:6

Tawamhã 'ri 'wawi wa'ra 'rãihâ 'manharĩ pese na hã wa tô ãma uzusi za'ra ni. Tahawa, waptu na wa tô ãma wasiwi aipo'o ni, i'manharĩ 'rãihâ na hã, dato sina da te ãma rob'ma'wamarĩ wa.

Neemia 4:8

Tawamhã ta norĩ hã ma tô si'rã'õtõ simisutu, wazada wa'ãma sisaze za'ra da, Zeruzalẽ te te siwi rési da, duré te te ãma siwi ro'wa'rutu da.

Neemia 6:16

Tawamhã uburé wanhitob'ru norĩ ãne hã te te waihu'u za'ra wamhã, ma tô uburé wawaptoma 're ihâimana za'ra mono norĩ hã tipẽ'ẽwara pese za'ra. Ma tô duré siwazé pese za'ra, romhuri isi'utõrĩzé 'Re ihâimana u'âsi mono nhimipawaptobzém hawimhã te te waihu'u za'ra wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:33

Tawamhã dama roti'wa norĩ hã ãne te te wapari za'ra wamhã, ma tô sada tizahi za'ra. Tahawa, ma tô sima ãma roti za'ra, te te dama 'ru za'ra da, da te dasiwi simro da.

Apocalipsi 12:17

Tawamhã ho'orã hâiba ne ropoto siwamnarĩ hã ma tô pi'õ da tizahi pese, tiwi simani wa. Tahawa, ma tô isihudu norĩ zô mo, te te 'wapé za'ra da. E 'wam norĩ hã te wasu'u, isihudu norĩ hã. Ta norĩ hã 'Re ihâimana u'âsi mono nhimiroti te te 're iwapari pese za'ra mono, duré tô sena na Zezusihi zazei'wa na 're isiwasu'u za'ra mono, te wasu'u. Ta norĩ zô te mo, ho'orã hâiba ne ropoto siwamnarĩ hã te te 'wapé za'ra da.

1 Samuéu 11:2

Tawamhã apito Na'asi ma tô ãma sada'âbâ za'ra ãne: — Wa za tô aima 'manharĩ za'ra wa'wa ĩnhimiropisudu hã ãne: Aihâiba mono bâ wa'aba wa za atõmo nhimire niwĩp si atopu'u za'ra wa'wa. Tawamhã ãne wamhã, wa hã wa za uburé Izaraéu nhihudu norĩ hã ãma sisém nomri za'ra za, ĩnhimi'manharĩzém na hã.