Neemia 4:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã 'ri 'wawi wa'ra 'rãihâ 'manharĩ pese na hã wa tô ãma uzusi za'ra ni. Tahawa, waptu na wa tô ãma wasiwi aipo'o ni, i'manharĩ 'rãihâ na hã, dato sina da te ãma rob'ma'wamarĩ wa.

Neemia 4:6 ပူးပေါင်းရင်းမြစ်များ

Neemia 4:5

Tiwasédé te te 're i'manharĩ za'ra mono zé hã tãma pari za'ra tõ, duré iwasété za'ra zém na hã ãma aipo're si'âri za'ra tõ. E marĩ wa. Ta norĩ hã 'ri 'wawi wa'ra 'manharĩ'wai ãma te te wa'ãma wasété za'ra wa.”

Neemia 4:7

Tane nherẽ, ma tô Sãbalati, Tobia, Arabia hawi a'uwẽ norĩ, Amo na romnhisi ãma 're idahâimana za'ra mono norĩ, duré Asidodi na 'ri nho'õmo nhisi ãma 're idahâimana za'ra mono norĩ, ma tô tizahi pese za'ra, Zeruzalẽ ãma 'ri 'wawi wa'ra 'manharĩ pese na romhuri hã wa te ãma i'uzusi za'ra zé te te waihu'u za'ra wa, duré 'ri 'wawi wa'ra isiprum na dazasizé mono hã wa te wasiwi isito mono zé, te te waihu'u za'ra wa.

Neemia 6:15

Tawamhã apâ 'ri 'wawi wa'ra 'manharĩ pese zé hã ma tô ai'utõ bâdâ 25 na, elul na a'amo nhisi ãma, bâdâ hã 52 na wa'ãma morĩ za'ra pari.

Salmu 110:3

Nimahã na asitob'ru norĩ zada aihâimana da, bâdâ pisutu wamhã, te za asib'a'uwẽ norĩ hã oto aima sihâi'ré za'ra, sihawim na isipisutu za'ra norĩ hã. Awẽ wi atébré 're ihâimana mono ne, te za ihâiba tém norĩ hã ẽne iwazéb zahi ãma siwi asõpẽtẽ.

Filipu 2:13

E marĩ wa. 'Re ihâimana u'âsi mono hã aipẽ'ẽ 're, te te ai'ãma 're romhuri u'âsi za'ra wa'aba mono wa, isimipawaptobzém na marĩ na ãma 're sazei pese za'ra wa'aba mono da, duré taha zarina i'uwaibaba si marĩ hã tãma 're 'manharĩ wẽ za'ra wa'aba mono da, te te sima 're i'aiwẽ za'ra wa'aba mono zéb uwaibaba.