Neemia 4:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã ãne wa tô bâdâ pusi nhidâpâsi mararé hawim haré, mara na wasi norĩ 're isihâi'ré za'ra mono zéb u, aiwa wasima iwasipo'o norĩ hã 'ri 'wawi wa'ra 'rãihâ 'manharĩ pese na hã wa te romhuri za'ra, isi'uwazi 'rã'wa ré, rob'madâ'â'wa ihâimana za'ra norĩ me.

Neemia 4:21 ပူးပေါင်းရင်းမြစ်များ

Neemia 4:20

Tawamhã danhimnhihârâzém hârâ hã wapari za'ra wa'aba wamhã, te za we watẽme ato aba mo, ãwa. Tawamhã wate 'Re ihâimana u'âsi mono te za wa'ãma ai'wapé za'ra.

Neemia 4:22

Tahawa, wa tô dama tinha ãne: “Aihâiba mono bâ wa'aba aipawapto wa'aba 'wa norĩ me te za bara na Zeruzalẽ ãma nasi asimroi wa'wa za, bara na rob'madâ'â'wa na nasi aihâimana za'ra wa'aba da, duré bâtâ na romhuri na nasi rob'ma'wamarĩ aba da.”

1 Corĩtu 15:10

Tane nherẽ, 'Re ihâimana u'âsi mono hã tinhimizawi pese zéb zarina si, ma tô ĩma tinhopru, tô õhõ na si dama 're ĩhâimana mono da oto, Cristuhu zadawa wasu'u'wa na. E tawamhã, taré ma tô ĩma tinhopru, 'Re ihâimana u'âsi mono hã. Mare di. Wa tô te ĩsina tãma 're uwaimrami u'âsi. Uburé ĩsiré Cristuhu zadawa wasu'u'wa norĩ hã, wa tô romhuri na te 're 'rãnhipai u'âsi za'ra. Tane nherẽ, ĩsi'uihâ na te dama 're romhuri mono õ di. 'Re ihâimana u'âsi mono si, ma tô te te 're ĩpawapto, ãne na te dama 're romhuri mono da, ĩma isõprubzéb zarina si.

1 Corĩtu 15:58

Ĩsisãnawã norĩ, ĩma asawi pese za'ra wa'aba norĩ hã, tahawa, te za asiptete u'âsi Cristuhu ãma si 're anomro aba mo, tiwi 're aipizari za'ra wa'aba mono ãna. Wanhib'apito ma, 're iromhuri za'ra wa'aba mono zé hã taréi õ di. Ãne na asina waihu'u za'ra wa'aba wa, te za tãma 're iromhuri pese u'âsi za'ra wa'aba mo, asimi'ẽ na.

Galata 6:9

Tahawa, ma'ãpé wawa'a ãna marĩ iwẽ na, wa te 're dapawaptob u'âsi za'ra wa'aba mono za, wa norĩ hã. Tawamhã bâdâ iwa waptã'ã wapsi, 'Re ihâimana u'âsi mono te te wa'ãma sima irotizé hã te za iwa'rãmi marĩ iwẽ hã te te wama 're anhomri.

Colosu 1:29

Ãne da, wa tô 're ĩsi'wapéi u'âsi, ĩnhiptete sina te tãma 're romhuri mono da. Cristu hã tinhiptetezé te te ĩma 're sõmri mono wa, wa iré te ãma 're romhuri pese, taha na si 're ĩnhiptete uptabi mono wa.