Neemia 4:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã danhimnhihârâzém hârâ hã wapari za'ra wa'aba wamhã, te za we watẽme ato aba mo, ãwa. Tawamhã wate 'Re ihâimana u'âsi mono te za wa'ãma ai'wapé za'ra.

Neemia 4:20 ပူးပေါင်းရင်းမြစ်များ

Neemia 4:19

Tawamhã wa hã, a'uwẽ norĩ ma, dama roti'wa norĩ ma, duré dama ipire norĩ ma, wa tô tãma nharĩ za'ra ãne: — Romhuri hã te romhâ na wama hâimana za'ra. Tahawa wa wasisiti 'ri 'wawi wa'ra nhoré na hã wasimasa mono.

Neemia 4:21

Tawamhã ãne wa tô bâdâ pusi nhidâpâsi mararé hawim haré, mara na wasi norĩ 're isihâi'ré za'ra mono zéb u, aiwa wasima iwasipo'o norĩ hã 'ri 'wawi wa'ra 'rãihâ 'manharĩ pese na hã wa te romhuri za'ra, isi'uwazi 'rã'wa ré, rob'madâ'â'wa ihâimana za'ra norĩ me.

Ezodu 14:14

A norĩ wa'wa, marĩ hã 'manharĩ za'ra wa'aba dai õ di. Uburé Danhib'apito si te za ai'ãma ai'wapé za'ra wa'wa.

Ezodu 14:25

Tahawa, wedewara zapore na dasi'wapézé hã sisa'rei waihu'u õ di. E marĩ wa. 'Re ihâimana u'âsi mono, ti'ai wai'o na para nhisisi da, te te tãma 'manharĩ za'ra wa. Tawamhã te ezipsiu norĩ nharĩ za'ra ãne: — Oto Izaraéu nhihudu norĩ hawimhã wasisa'rei wa'aba mono! Uburé Danhib'apito, te ihâiba za'ra u'âbâ hã wazada tihâimana za'ra.

Zozué 23:10

Izaraéu nhihudu si misi nherẽ, te za tinhitob'ru norĩ ma hã te te arob'manharĩ, miu na ihâiba ma, sisa'rei mono da. E marĩ wa. Uburé Danhib'apito, ate 'Re ihâimana u'âsi mono 'wa hã, ai'ãma za'ra wa'aba 're si'wapéi mono wa, te te iropisutuzéb zarina.