Neemia 4:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã wanhitob'ru norĩ ma tô waihu'u za'ra, isimirosa'rada wa te tiwi i'upsibi me za'ra zé hã. Ma tô duré waihu'u za'ra, 'Re ihâimana u'âsi mono niha na te te sima irowa'õtõ za'ra zé te te tiwi i'wa'rutu za'ra na hã. Tahawa, wa tô wa norĩ hã apâ 'ri 'wawi wa'ra 'rãihâ 'manharĩ pese na romhuri hã wasiwi âri ni.

Neemia 4:15 ပူးပေါင်းရင်းမြစ်များ

Neemia 4:16

Tawamhã ta hawim haré aibâ norĩ aiwa sima isipo hã ma tô 'ri 'wawi wa'ra na nasi romhuri pese za'ra. Taha ré, ma tô duré aiwa sima isipo'o hâiba amo norĩ hã isi'uwazi 'rã'wa ré, duré ibaihâ 'manharĩ na dasi'wawi dasimapazéb ré, umnhi'ãsi ré, duré dahâiba ubuzé itete ré hã nasi rob'madâ'â za'ra. Tawamhã dama ipire norĩ hã ma tô tinhiptede hã tãma 'manharĩ za'ra,

Provébiu 21:30

Ti'ai ãma rowaihu hã duré da'rã nhimiza're hã, Uburé Danhib'apito da hã siptete waihu'u õ di.

Marcu 13:34

Romnhimiré'é na, wa za marĩ hã aima waihu'u siromo za'ra wa'wa. Ãté aibâ hã te za tinhorõwa hawi watobro, romhâ na 're morĩ da. Tawamhã sisõ'a ré, tãma iromhuri'wa norĩ ma, te za romhuri hã te te tãma pisutu. Duré 'ridawa 'madâ'â'wai ma zama te za roti, te te sô 're rob'madâ'â pese mono da.

Roma 12:11

Aiwa'a ãna, te za duré 're iromhuri pese za'ra wa'aba mo. Wanhib'apito ma si, te za asimi'ẽi uptabi na 're iromhuri u'âsi za'ra wa'aba mo, aihâiba tiwi 're sawi za'ra wa'aba mono ãna.

1 Tesalonita 4:11

Ai'rata wasi'ubumroi wa'aba ré, ãne wa tô aima roti za'ra wa'aba ni, rowẽ na si 're aihâimana za'ra wa'aba mono da, duré asima 're ropibui wẽ za'ra wa'aba mono da, duré asimi'ẽ na asi'uihâ na aihâimanazéb da, 're romhuri za'ra wa'aba mono da, aihâiba mono bâ wa'aba. Ãne, wa tô aima roti za'ra wa'aba ni. Ãne iwẽ uptabi hã te za tô 're i'manharĩ u'âsi za'ra wa'aba mo.