Neemia 4:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Sãbalati, wa norĩ zudeu 'ri nho'õmo 'wawi wa'ra 'rãihâ apâ wa te wasiwi i'manharĩzé te te waihu'u wamhã, ma tô ab'rui pese. Ma tô duré wa'ãma iwa'ẽ za'ra zém na ãma sãna'rata.

Neemia 4:1 ပူးပေါင်းရင်းမြစ်များ

Neemia 13:28

Zoiada hã, Eriasibe sasedoti ipire 'ra, te 're hâimana. Tane nherẽ, Zoiadaha 'ra hã ma tô Sãbalatihi 'ra na hã timro, 'ri nho'u Bete-Horõ na isisi hawib 'ra na. Tahawa, wa tô Zoiada, Zeruzalẽ hawimhã waze.

Neemia 2:10

Tane nherẽ, Sãbalati hã 'ri nho'u Bete-Horõ ãmamhã, duré Tobia da'madâ'â'wa ti'ai wa'õtõ nho'u Amo na isisi ãma me, ma tô tawamhã tizahi zahuré, we ni'wa imorĩzé te te waihu'u zahuré wa, Izaraéu nhihudu norĩ te te ipawaptob za'ra da hã.

Neemia 2:19

Tane nherẽ, Sãbalati norĩ, Tobiaha me duré Gesẽ, Arabia norĩ siré me, ãne na wa te i'manharĩ za'ra zé te te waihu'u za'ra wamhã, ma tô wa'ãma to za'ra sina wa'ãma aihâ za'ra. Tahawa te ãne wazadanharĩ za'ra: — E marĩ te bété asiwi i'manharĩ 'wa. E taha zarina apito da, aihâimana za'ra wa'aba da.

Neemia 6:15

Tawamhã apâ 'ri 'wawi wa'ra 'manharĩ pese zé hã ma tô ai'utõ bâdâ 25 na, elul na a'amo nhisi ãma, bâdâ hã 52 na wa'ãma morĩ za'ra pari.

Neemia 6:16

Tawamhã uburé wanhitob'ru norĩ ãne hã te te waihu'u za'ra wamhã, ma tô uburé wawaptoma 're ihâimana za'ra mono norĩ hã tipẽ'ẽwara pese za'ra. Ma tô duré siwazé pese za'ra, romhuri isi'utõrĩzé 'Re ihâimana u'âsi mono nhimipawaptobzém hawimhã te te waihu'u za'ra wa.

Mateu 2:16

Tawamhã apito Erodi aibâ norĩ, bâtâ pusizém hawi we isi'aba'ré norĩ pi'uriwi tiwi isi'aba'ré na te te ãma rowaihu'u za'ra wa, ma tô ab'rui pese. Sib'rui wa, tãma da'wapéi'wa norĩ hã ma tô satõrĩ za'ra Belẽ u, 'watébrémi zô si'aba'ré da, uburé te te dawi uprosi mono da, maparane ãma iwahu mono õ hã, Belẽ ãma 're idahâimana za'ra mono norĩ 'ra hã, duré Belẽ 'rata 're idahâimana za'ra mono norĩ 'ra zama. Aibâ norĩ hã wasi te te i'madâ'â za'ra zém na te te tãma iwaihu'u za'ra zéb zarina, ma tô apito Erodi hã ãne 'manha.

Mateu 27:29

'Wabzéré panhipti hã ma duré sada 'ma'manharĩ za'ra, i'wa ahâ hã. Taha pari, ma duré i'rã nhisiwi tãma hiri za'ra, te te ãma siwi sõpre da, danhib'apito hã ãma 're isisõpre za'ra mono ne. Wedehu ma duré isib'rata tãma hiri za'ra, isib'rata nhimire niwĩ, danhib'apito hã tinhiwedehu ré, 're isimasisi mono ne. Tawamhã hi'rãtitõ ma tô nasi isõ're tãma asimro, ãma wa'ẽ za'ra sina te te nasi sawi za'ra da, ãne: — Zudeu norĩ nhib'apito, rowẽ na 're aihâimana mono.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:17

Tawamhã sasedoti tisiré norĩ nhipai u ipire uptabi hã, duré uburé saduseu norĩ me, ma tô ta Zezusihi zadawa wasu'u'wa norĩ hã ãma sõ'ru za'ra. Tawamhã ma tô sima ãma roti za'ra, niha te te tãma rob'manharĩ za'ra da.

Hebreu 11:36

Ni'wam norĩ ãma, ma tô duré 're dawa'ẽ za'ra. Powawẽ hâiwaré 'manharĩ na ma tô da te dasiwi 're hâ za'ra. Duré ni'wam norĩ hã ma tô da te 're pawasisi za'ra, isi'uwazi nhorõ rutu na, dazazéb 're, da te 're séme mono da hã.