Neemia 3:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã taha nhana'remhã si'ubdatõ iwa'õtõ mono hã ma tô aibâ norĩ hã siwi 'manha: Imorĩ'rada Meremote na isisi, Uriaha 'ra, Hacozihi nhihudu hã ma tô 'manha. Duré maparane ãma hã ma tô Mesulã, Berequiaha 'ra, Mesezabehe nhihudu hã 'manha. Duré si'ubdatõ ãma hã ma tô Zadoqui, Ba'anahã 'ra hã 'manha.

Neemia 3:4 ပူးပေါင်းရင်းမြစ်များ

Esdra 2:61

Tawamhã sasedoti Habaiasihi nhib'a'uwẽ wa'õtõ norĩ hã, Cozihi nhib'a'uwẽ wa'õtõ me hã, duré Bazira'ihi nhib'a'uwẽ wa'õtõ me hã te te siwi sõpẽtẽ za'ra õ di, ni'wa nhihudu norĩ na, da te ãma iwaihu'u za'ra zéb da hã. (Bazira'ihi nhib'a'uwẽ norĩ hi'rada ma tô Ziliadi norĩ siré hã Bazira'ihi 'ra sipi'õ na timro. Tahawa, ma tô timaprebaba nhisi na tinhisi.)

Esdra 8:33

Taha pari maparane si'uiwa na bâtâ ãma wa tô duré oto 'Re ihâimana u'âsi mono nhorõwa 'ri u hã ai'aba'ré ni. Tahawa, prata norĩ hã, oru hã, duré marĩ 'manharĩ mono hã wa tô pire pibu za'ra ni. Taha pari wa tô duré sasedoti Meremote, Uriaha 'ra ma sõmri za'ra ni. Taha siré te ã norĩ hã oto tihâimana za'ra: Finezaha 'ra Eriaza hã; duré maparane levita norĩ hã: Zesuaha 'ra Zozabade hã, duré Binu'ihi 'ra, Noadiasi hã.

Neemia 3:21

Tawamhã taha nhana'remhã iwa'õno hã ma tô duré Meremote, Uriaha 'ra, Hacozi na isisi nhihudu hã 'manharĩ pese, Eriasibehe nhorõwa hawi, 'ri 'rãsudu ihâimana u hã.

Neemia 3:3

Hasenahã 'ra norĩ ma tô Tepe na 'ridawa za'ẽtẽ wamri hã siwi 'manha. Tawamhã wedepo'o hâza'õno hã taha na ma tô te te ãma sa'ra za'ra. 'Ridawa isurure zama ma duré taha na te te ãma siwi tété, isimasabzé mono bâ. Taha pari ma tô duré isi'uwazi na itété mono zé hã te te ãma sa'ra za'ra.

Neemia 3:30

Taha nhana'remhã ma tô Hanania Selemiaha 'ra, Hanu Zalafehe 'ra 6 ãma ipoto me iwa'õtõ hâiba amo hã 'manharĩ pese zahuré. Tawamhã duré isababab zahuré hã Mesulã, Berequiaha 'ra, ma tô tinhorõwa nho'remhã 'manharĩ pese, 'ri 'wawi wa'ra 'rãihâ wa'õno hã.

Neemia 3:5

Taha nhana'remhã ma tô duré 'rinho'u Tecoa na isisi hawi aibâ 're ihâimana za'ra mono norĩ hã siwi 'manha, 'ri 'wawi wa'ra wa'õno hã. Tane nherẽ, 'ri nho'õmo ãma dama ipire norĩ romhuri na tipa te te dame isarõtõ za'ra da hã te te sima wẽ za'ra õ di, romhuri na dawada'uri'wa te te tãma i'ru za'ra hã.

Neemia 6:18

Zuda ti'ai ãma te da'ahâ uptabi na Tobiaha niwĩmhã 're hâimana za'ra, zudeu Araha 'ra, Secaniasi na isisi isa'õmo na 're hâimana mono wa, duré i'ra Zoãna na isisi Berequiaha 'ra, Mesulãhã 'ra sipi'õ na mro wa.

Neemia 7:63

sasedoti norĩ 'remhã ãne: Habaiasihi nhihudu norĩ, Hacozihi nhihudu norĩ me, duré Bazira'ihi nhihudu norĩ me, ta hã tinhipsara Bazira'i na isisi 'ra na imro, Ziliadi ãmam na. Taha aibâ hã ma tô, tô timaprebaba nhisi na hã sisisi.