Neemia 3:25 - ꞌRe Ihâimana Uꞌâsi Mono Zadawa Wasuꞌu

^25-26 Tawamhã taha nhana'remhã iwa'õno hã ma tô Pala'u, Uza'ihi 'ra hã 'manharĩ pese. Ta hã ma tô 'ri 'wawi wa'ra 'rãihâ wẽ'ẽzém hawi i'manharĩ na romhuri hã ãma sãna'rata, apito nhimiromhurizé 'ri hawi, apito 'madâ'â'wa norĩ 'ri zahâpâ wa, 're isi'ubumroi mono zéb 'rata. Taha nhana'remhã iwa'õno hã ma tô Pedaia, Paroho 'ra hã 'manharĩ pese, bâtâ pusizém niwĩ ro 're ihâimana mono u hã, Â na 'ridawa za'ẽtẽ nhisi 'rata, duré 'ri 'rãihâ 'rata, 'Re ihâimana u'âsi mono nhorõwa 'madâ'âzéb ãmamhã. Ãhã 'ri hã te Ofe'u na 'ri nho'õmo wa'õtõre 'rata 're sa, aibâ norĩ 'Re ihâimana u'âsi mono nhorõwa 're, romhuri'wa norĩ 're ihâimana za'ra mono zéb ãma.

Neemia 3:25 ပူးပေါင်းရင်းမြစ်များ

Esdra 2:3

Paroho nhib'a'uwẽ wa'õtõ 'remhã dahâiba za'rada hã: 2.172 na dahâiba hã;

Neemia 12:39

Tawamhã Efraĩ na 'ridawa za'ẽtẽ nhisi na, Zesana na 'ridawa za'ẽtẽ nhisi na, Tepe na 'ridawa za'ẽtẽ nhisi na, Hananeu na 'ri 'rãihâ nhisi na, duré Cem na 'ri 'rãihâ nhisi na wa tô duré ãma ro'rahâri za'ra ni, Pone'ẽrebâire na 'ridawa za'ẽtẽ nhisi u iwasihutuzéb u. Tame 'Re ihâimana u'âsi mono nhorõwa 'ridawa za'ẽtẽ 'rata, ma tô wanhoré pese na iwasi'aba'rézé hã oto ti'rãsutu.

Neemia 7:8

à hã Babilonia hawi we apâ idasihutu norĩ nhisi i'upsãtã mono bâ ãma irob'ui'éré za'ra. Imorĩ'rata na a'uwẽ upsãtã hi'rata nhisi mono hã. Taha pari, duré dahawi a'uwẽ upsãtã za'rata mono hã ãne: Paroho hawi a'uwẽ hã ãne: 2.172 na ihâiba hã

Neemia 8:4

Tawamhã Esdra te hâiwi wede 'manharĩ nhisiwi za. Tahawa, te isimire niwĩ, aibâ norĩ hã aimasa, ãne isisi za'ra hã: Matitia, Sema, Anaia, Uria, Hilquia duré Maaséia. Duré isimi'e niwĩ, aibâ norĩ hâiwi isimasam norĩ nhisi hã ãne: Pedaia, Mizaéu, Malquia, Hasu, Hasbadana, Zacaria duré Mesulã.