Neemia 3:22 - ꞌRe Ihâimana Uꞌâsi Mono Zadawa Wasuꞌu

²² Tawamhã sasedoti norĩ zama ma tô 'ri 'wawi wa'ra 'manharĩ pese na dapawaptob za'ra. Ãne ãma irob'ui'éré za'ra norĩ hã isisi na: Sasedoti norĩ, Zeruzalẽ waptoma 're ihâimana za'ra mono norĩ hã ma tô isãna're iwa'õno hã duré siwi 'manharĩ pese, 'ri 'wawi wa'razé hã.

Neemia 3:22 ပူးပေါင်းရင်းမြစ်များ

Neemia 12:28

Isõ're'wa norĩ hã Zeruzalẽ waptoma, Netofa waptoma, Bete-Ziuga waptoma, Zeba waptoma, duré Azmaweti waptoma 're isi'ubumroi mono zém hawi me, ma tô oto sina ubumro.

Neemia 3:21

Tawamhã taha nhana'remhã iwa'õno hã ma tô duré Meremote, Uriaha 'ra, Hacozi na isisi nhihudu hã 'manharĩ pese, Eriasibehe nhorõwa hawi, 'ri 'rãsudu ihâimana u hã.

Neemia 3:23

Taha nhana'remhã iwa'õno hã ma tô Bẽzami norĩ, Hasubehe me hã tinhorõwa zahuré 'ri nho're wa'waibaba hã 'manharĩ pese zahuré. Azaria, Maaséiaha 'ra, Ananiaha nhihudu hã tinhorõwa nho're wa'waibaba hã ma tô 'manharĩ pese.

Neemia 6:2

Tawamhã ma tô Sãbalati norĩ, Gesẽhẽ me, romreme hã we ĩma me zahuré, ãne: “Ma'ãpé we aimorĩ, ẽtẽ siwa'aba wa romharé Ono na isisi ãma, nimahã 'ri wa'õtõ ãma wasisõpẽtẽ za'ra da.” Tane nherẽ, ma tô õ norĩ hã 'rã nhipese na ĩzada rosa'rata zahuré, ĩma isimiza're pese zahuré zéb da.