Neemia 3:20 - ꞌRe Ihâimana Uꞌâsi Mono Zadawa Wasuꞌu

²⁰ Isãna're iwa'õno hã ma tô duré Baruqui, Zaba'ihi 'ra hã 'manharĩ pese, 'ri 'wawi wa'ra wẽ'ẽzém hawi, Eriasibe sasedoti tisiré norĩ nhipai u ipire uptabi nhib'ridawa ihâimana u.

Neemia 3:20 ပူးပေါင်းရင်းမြစ်များ

Esdra 10:28

Beba'ihi hawi a'uwẽ norĩ hã: Zeoãna, Hanania, Zaba'i duré Atla'i.

Neemia 13:28

Zoiada hã, Eriasibe sasedoti ipire 'ra, te 're hâimana. Tane nherẽ, Zoiadaha 'ra hã ma tô Sãbalatihi 'ra na hã timro, 'ri nho'u Bete-Horõ na isisi hawib 'ra na. Tahawa, wa tô Zoiada, Zeruzalẽ hawimhã waze.

Neemia 13:4

Tawamhã ãne na romhâimana wana ré, sasedoti Eriasibe, 'Re ihâimana u'âsi mono nhorõwa 'ri ãma marĩ 're isimi'wara mono 'madâ'â'wa hã te Tobiaha sisãnawã siwadi na 're hâimana.

Neemia 3:1

Tawamhã 'ri nho'õmo 'wawi wa'ra ma tô ãne apâ dasiwi 'manharĩ ni: Sasedoti tisiré norĩ nhipai u ipire uptabi Eriasibe na isisi hã, duré sasedoti isiré norĩ ma tô Pone'ẽrebâ na 'ridawa za'ẽtẽ nhisi hã siwi 'manha apâ. Tahawa, ma tô ãma sima romhu'u za'ra, te te siwi isaiwĩrĩzém na. Taha pari ma tô oto ãma siwi te te sasõmri 'ridawa za'ẽtẽ mono hã, 'ri 'wawi wa'ra 'rãihâ na. Cem na 'ri 'rãihâ nhisi u ma tô duré 'ri 'wawi wa'ra wahutu na hã ãma siwi tita, duré Hananeu na 'ri 'rãihâ nhisi u zama.

Neemia 3:21

Tawamhã taha nhana'remhã iwa'õno hã ma tô duré Meremote, Uriaha 'ra, Hacozi na isisi nhihudu hã 'manharĩ pese, Eriasibehe nhorõwa hawi, 'ri 'rãsudu ihâimana u hã.

Roma 12:11

Aiwa'a ãna, te za duré 're iromhuri pese za'ra wa'aba mo. Wanhib'apito ma si, te za asimi'ẽi uptabi na 're iromhuri u'âsi za'ra wa'aba mo, aihâiba tiwi 're sawi za'ra wa'aba mono ãna.