Neemia 3:15 - ꞌRe Ihâimana Uꞌâsi Mono Zadawa Wasuꞌu

¹⁵ Salu, Col-Hozéhé 'ra, 'ri wa'õno Mispa na 'ri wa'õtõ nhisi ãma dama i'rãnho'u ma tô Â'a'a na 'ridawa za'ẽtẽ nhisi hã apâ 'manha. Tawamhã taha nhisiwimhã 'ridawa upsibizé hã ma tô duré 'manha. Tahawa, ma duré 'ridawa mono hã te te ãma azasõmri. Ma tô duré isi'uwazi na itétézé hã te te ãma aza'ra. Tawamhã duré apito te rob're 're ihâimana mono zababa Siroé na â nhowada nhisi ãma ma tô 'ri 'wawi wa'ra 'rãihâ hã 'manharĩ pese Salu hã, sai'urizé Dawihi te 'ri nho'õmo hawi te te isi'ra tẽme.

Neemia 3:15 ပူးပေါင်းရင်းမြစ်များ

Neemia 12:37

Tawamhã Â'a'a na 'ridawa za'ẽtẽ nhisi ãma ma tô sai'urizé Dawihi te 'ri nho'õmo tẽme inomro na hã sai'uri za'ra. Taha pari, ma tô duré Dawihi nhimiromhurizé 'ri 'rãihâ wa'waibaba ro'rahâri za'ra. Taha pari ma tô duré Â na 'ridawa za'ẽtẽ nhisi u siwa'rãmi apâ hã ai'aba'ré, bâtâ pusizém niwĩ 'ri nho'u 're ihâimana mono zababa.

Neemia 2:14

Tawamhã hâiwa nhimi'e niwĩ oto ĩsipi'rai wamhã, Â'a'a na 'ridawa za'ẽtẽ nhisi u, duré apito te â nhowada u zama wa tô mo. Tane nherẽ, ĩte awaru po're pore hã niha te te ãma saprĩ waihu'u õ di, 'ri sipru wa'waibabamhã.

Neemia 2:17

Tawamhã ta norĩ ma, wa tô oto tãma nharĩ za'ra ãne: — Ma'ãpé ãma rosa'rata pese za'ra wa'aba, ipire wama ihâimana za'ra zém na hã! 'Ri nho'u Zeruzalẽ hã te siprum haré 're sa'wari. Duré ite 'ridawa za'ẽtẽ mono hã ma tô unhama na ãma dasiwi sazu za'ra ni. Tahawa oto apâ wa te wasiwi wahutu aba, 'ri nho'õmo 'wawi wa'ra 'rãihâ hã, wama irowazéb za'ra zé wa te ãma wasiwi pari da.

Neemia 3:12

Taha nhana'remhã ma tô Salu, Haloéhé 'ra, Zeruzalẽ ãma 'ri wa'õno aiwa isipo'o hâiba amoi ãma dama i'rãnho'u hã 'manha, iwa'õno hã. Tahawa i'ra sipi'õ norĩ hã ma tô romhuri na pawaptob za'ra.

Neemia 3:14

Malquia, Recabihi 'ra, 'ri wa'õno Bete-Haquere na isisi ãma dama i'rãnho'u hã ma tô Roprum na 'ridawa za'ẽtẽ nhisi hã apâ 'manha. Tahawa, 'ridawa mono hã ma tô te te ãma azasõmri. Ma tô duré isi'uwazi na itétézé hã te te ãma aza'ra apâ.

Neemia 3:19

Tawamhã ihâiba amo iwa'õno hã ma tô duré Ézé, Zesuaha 'ra, Mispa na 'ri wa'õtõ ãma dama i'rãnho'u hã 'manharĩ pese, dasi'wapéi 'manharĩzé nhimi'warazém nho'remhã, 'ri 'wawi wa'ra wẽ'ẽzéb u.

Neemia 3:7

Tawamhã Melatiza, Gibiã hawi aibâ hã duré Zadõ, Meronote na 'ri wa'õtõ nhisi hawi aibâ hã, Gibiã hawi aibâ norĩ me, duré Mispa hawi aibâ norĩ me hã ma tô Zoiada norĩ nhana'remhã iwa'õtõ na ãma romhuri za'ra, 'ri 'wawi wa'ra na Eufrati-Oeste na romnhisi te danhib'ihâ'a nhorõwa u.

Neemia 3:9

Refaia, Hur na isisi 'ra, Zeruzalẽ ãma 'ri wa'õno aiwa ãma isipo'o wa dama i'rãnho'u 're ihâimana mono hã ma tô duré taha nhana'remhã 'ri 'wawi wa'ra isipru hã apâ 'manharĩ pese.

Luca 13:4

A'uwẽ norĩ hã, Siroé na 'ri sipo'o ãma 're isi'ubumroi mono norĩ nhisiwi, ma tô 'ri 'rãihâ hã waptãrã, da'madâ'âzé hã. Tahawa, ma da'ahâ na ai'utõrĩ ni. 18 na ma 'ri hã da'uprosi. Ta norĩ hã bété, e ma tô danhipai u tiwasédé hã te te 're 'manharĩ za'ra, Zeruzalẽ ãma 're idahâimana za'ra mono norĩ upana. E tahawa, ma tô tidâ'â za'ra.

Zuize 20:1

Tawamhã ãne wa, uburé Izaraéu nhihudu norĩ, hâiwa nhimi'e niwĩ Dãhã nhihudu 're ihâimana za'ra mono hawimhã, Beseba, hâiwa nhimire niwĩ 're ihâimana za'ra mono hawim norĩ me, duré Ziliadi, bâtâ pusizém niwĩ 're ihâimana za'ra mono hawim norĩ me, ma tô Mispa na 'ri wa'õtõ nhisi ãma si'rã'õtõ. Misi dahâiba ne ma tô Uburé Danhib'apito nho'remhã si'ubumro.

Zuize 20:3

(Tawamhã Bẽzamihĩ nhihudu norĩ, Izaraéu nhihudu hâiba amo norĩ, uburé Mispa u te te isai'uri za'ra zém na ma tô waihu'u za'ra.) Tawamhã Izaraéu nhihudu norĩ te anharĩ za'ra ãne: — E niha, ma tô dapãrĩ danhimi'manharĩ wasété uptabi hã watobro.