Neemia 2:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã wa tô duré oto tãma wasu'u za'ra, 'Re ihâimana u'âsi mono iwẽ te te ĩma ipisutuzé hã, duré te te ĩpawaptobzé hã. Wa tô duré tãma wasu'u za'ra, apito te te ĩma ĩnharĩzé hã, marĩ mono na. Tahawa, ma te ãne ãma ĩzada'âbâ za'ra: — Tane wamhã, 'ri 'wawi wa'ra wahutuzém na wa te oto ãma sãna'rata za'ra wa'aba! Tawamhã ma tô oto sada rob'ubumro za'ra, romhuri na te te ãma isãna'rata za'ra zéb da hã.

Neemia 2:18 ပူးပေါင်းရင်းမြစ်များ

Esdra 6:22

Tawamhã 7 bâtâ 're, ma tô i'u'ẽtẽ duptoi'õ na dato hã siwi 'manha, to za'ẽtẽ za'ra sina. Tahawa, tãma hã rowẽ uptabi za'ra di, Uburé Danhib'apito hã, Asiriaha nhib'apito, niha oto te te 'rãi pi'rai wa, õ norĩ zawi na si oto 're hâimana mono da, taha zarina 'Re ihâimana u'âsi mono nhorõwa 'ri apâ te te siwi iwahutu na te te pawaptob za'ra da hã.

Neemia 2:8

Tawamhã wa tô duré waptẽ rob'ui'éré hã, Asafi apito marã 'madâ'â'wai ma da hã, wede norĩ te te ĩma 'mai'ru da, 'Re ihâimana u'âsi mono nhorõwa 'ri 'wawi 'ri isiptede 're isimapa mono 'ridawa za'ẽtẽ norĩ hã da te dasiwi ãma 'manharĩ da, duré 'ri nho'õmo 'wawi wa'ra 'rãihâ 'manharĩzéb da hã, duré ĩnhorõwa 'manharĩzéb da hã. Tawamhã apito ma tô uburé ĩma sõmri za'ra, te tiwi iwaptẽrẽ hã. E marĩ wa, 'Re ihâimana u'âsi mono hã ĩsiré hâimana wa.

Éfézu 6:10

Wa za oto roti na aima 'rãsutu za'ra wa'wa. A norĩ wa'wa hã Wanhib'apito siré si te 're aihâimana za'ra wa'aba mo. Tahawa, Wanhib'apito ma si iwaihu'upe hã sa'ẽtẽ na tãma 're hâimana mono wa, te za iwaihu'u pese zarina aihâimana nhiptete sina 're anomro aba mo.

Filipu 2:13

E marĩ wa. 'Re ihâimana u'âsi mono hã aipẽ'ẽ 're, te te ai'ãma 're romhuri u'âsi za'ra wa'aba mono wa, isimipawaptobzém na marĩ na ãma 're sazei pese za'ra wa'aba mono da, duré taha zarina i'uwaibaba si marĩ hã tãma 're 'manharĩ wẽ za'ra wa'aba mono da, te te sima 're i'aiwẽ za'ra wa'aba mono zéb uwaibaba.

1 Samuéu 23:16

Tawamhã Zonata hã ma tô itẽme mo, te te sõpẽtẽ da tame. Tahawa, ma tô apâ ipẽ'ẽ nhiptede hã sina tãma tisõ, za te te sina i'umnhasizé hã isitob'ru norĩ wi 'Re ihâimana u'âsi mono nhimipawaptobzé hã.