Neemia 2:15 - ꞌRe Ihâimana Uꞌâsi Mono Zadawa Wasuꞌu

¹⁵ Tahawa wa tô duré mo, Cedrõ na romharé nhisi u. Tawamhã ĩne mono sidâpâsi wa tô ta hawimhã 'ri 'wawi wa'ra 'rãihâ hã te a'madâ'â u'âsi. Taha parimhã tô õ hã bâdâdi ãma ĩmorĩzéb 'rata na wa tô apâ mo. Oto apâ ĩmorĩ wamhã, Romharé na 'ridawa za'ẽtẽ nhisi na wa tô apâ ãzé, 'ri nho'õmo u hã.

Neemia 2:15 ပူးပေါင်းရင်းမြစ်များ

Neemia 2:16

Tawamhã 'ri nho'õmo 'remhã dama ipire norĩ hã te te waihu'u za'ra õ di bara na 're ĩmorĩzé hã, duré te irowaimrami mono zé te i'manharĩ hã. Ãhã wamhã, zahadu tameb 're ma hã te tãma wasu'u za'ra õ di zudeu norĩ ma hã — sasedoti norĩ ma, dama ipire norĩ ma, da'madâ'â'wa norĩ ma, duré a'uwẽ aimawi za te te dame iromhuri za'ra norĩ ma hã.

Neemia 3:13

Tawamhã Hanu, Zanoa na 'ri wa'õtõ ãma 're ihâimana za'ra mono norĩ me ma tô Romharé na 'ridawa za'ẽtẽ nhisi hã apâ siwi 'manha. Tahawa, ma tô 'ridawa mono hã te te ãma sasõmri za'ra. Ma tô duré isi'uwazi na itétézé hã te te ãma sa'ra za'ra. Tawamhã 'ri 'wawi wa'ra zama 500 metru na ipibuzém na ma tô duré siwi 'manharĩ pese, Roprum na 'ridawa za'ẽtẽ nhisi u.

Zuwã 18:1

Tawamhã Timama ma mreme pari, ma tô Zezusi hã watobro rob u, isiré 're inomro mono norĩ me. Taha wamhã, Cedrõ na ẽtẽ siwa'aba nhisi romharé na ma tô ro'rahâri za'ra, oriwera wede 're isimasa mono zéb u.