Neemia 2:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã hâiwa nhimi'e niwĩ oto ĩsipi'rai wamhã, Â'a'a na 'ridawa za'ẽtẽ nhisi u, duré apito te â nhowada u zama wa tô mo. Tane nherẽ, ĩte awaru po're pore hã niha te te ãma saprĩ waihu'u õ di, 'ri sipru wa'waibabamhã.

Neemia 2:14 ပူးပေါင်းရင်းမြစ်များ

Neemia 12:37

Tawamhã Â'a'a na 'ridawa za'ẽtẽ nhisi ãma ma tô sai'urizé Dawihi te 'ri nho'õmo tẽme inomro na hã sai'uri za'ra. Taha pari, ma tô duré Dawihi nhimiromhurizé 'ri 'rãihâ wa'waibaba ro'rahâri za'ra. Taha pari ma tô duré Â na 'ridawa za'ẽtẽ nhisi u siwa'rãmi apâ hã ai'aba'ré, bâtâ pusizém niwĩ 'ri nho'u 're ihâimana mono zababa.

Neemia 3:15

Salu, Col-Hozéhé 'ra, 'ri wa'õno Mispa na 'ri wa'õtõ nhisi ãma dama i'rãnho'u ma tô Â'a'a na 'ridawa za'ẽtẽ nhisi hã apâ 'manha. Tawamhã taha nhisiwimhã 'ridawa upsibizé hã ma tô duré 'manha. Tahawa, ma duré 'ridawa mono hã te te ãma azasõmri. Ma tô duré isi'uwazi na itétézé hã te te ãma aza'ra. Tawamhã duré apito te rob're 're ihâimana mono zababa Siroé na â nhowada nhisi ãma ma tô 'ri 'wawi wa'ra 'rãihâ hã 'manharĩ pese Salu hã, sai'urizé Dawihi te 'ri nho'õmo hawi te te isi'ra tẽme.

Neemia 3:16

Tawamhã Neemia, Azbuquehe 'ra, Bete-zu na 'ri wa'õno aiwa ãma isipo'o na dama i'rãnho'u hã ma tô isãna're iwa'õno hã 'manha, Dawihi ãma da te iti'azéb u, duré â nhowada u, duré dasi'wapéi 'manharĩ'wa norĩ te, romhâ 'manharĩ na 'ri, isisõré mono u.