Neemia 13:25 - ꞌRe Ihâimana Uꞌâsi Mono Zadawa Wasuꞌu

²⁵ Tahawa aibâ norĩ ma, wa tô pẽtẽ za'ra. Wa tô duré 'Re ihâimana u'âsi mono nhimi'ahârizé hã sada waptẽrẽ za'ra. Tahawa, wa tô duré hâ za'ra. Wa tô duré séré zano za'ra. Tawamhã 'Re ihâimana u'âsi mono nhisi na wa tô tiwi waptẽrẽ za'ra, niwamhã i'ra norĩ hã wasiré a'uwẽ'õ norĩ nhipi'õ na hã 're mro zahu za'ra mono tõ da.

Neemia 13:25 ပူးပေါင်းရင်းမြစ်များ

Esdra 10:5

Tawamhã Esdra, hâiwi oto sa wamhã, ma tô sasedoti ipire norĩ ma hã, levita ipire norĩ ma hã, duré uburé a'uwẽ norĩ ma hã tãma 'ru za'ra, Secaniasi te te tãma inharĩ za'ra zéb zarina te te siwi 'manharĩ da, te te siwi iropisutu da hã. Tahawa, ma tô ropisutu za'ra oto.

Esdra 7:26

Ni'wa, ate 'Re ihâimana u'âsi mono nhimiroti duré dama i'rãnho'õmo nhimiroti te te wapari õ wamhã, te za õne haré awa'awi tãma rob'manharĩ ni. Ãhã wamhã, te za wĩrĩ ni, niha wamhã ti'ai wa'õtõ nho'õmo amoi u si morĩ da, te za dasiwi satõrĩ ni dasisiti. Duré niha wamhã, te za isimarĩ hã dasiwi tiwi waibu za'ra ni. Niha wamhã, te za dasiwi sẽrẽ ni, dazazéb 're.”

Neemia 13:11

Tahawa wa hã, dama ipire norĩ, 'Re ihâimana u'âsi mono nhorõwa 'ri, te te siwi rẽme za'ra wa, wa tô tãma pẽtẽ za'ra. Taha pari levita norĩ zô, duré dama isõ're'wa norĩ zô, wa tô ĩhârâ za'ra, apâ 'Re ihâimana u'âsi mono nhorõwa 'ri u sihutu da hã. Tawamhã wa tô apâ we te te 're irob'ma'wamarĩ mono zé mono bâ hã te anhoré.

Neemia 13:17

Tawamhã wa hã wa tô zudeu norĩ ma, ipire norĩ ma tãma pẽtẽ za'ra. Tahawa, wa tô tãma nharĩ za'ra, ãne: — E niha ma tô iwasédé hã asiwi i'manharĩ 'wa! Sabadu bâdâ hã ma tô duré asiwi iwasété 'wa!

Neemia 13:24

Tahawa i'ra norĩ aiwa ãma isipo'o na, te Asidodi mreme na hã, duré damreme ihâiba amo na hã 're mreme zusi. Tahawa duré zudeu norĩ mreme na hã 're mreme zusi waihu'u mono õ di.

Neemia 5:13

Tawamhã ĩsi'awasisizé isinhai ré hã wa tô waze. Te wazere wamhã, wa tô oto sãsã'ã. Tahawa, wa tô tãma nharĩ za'ra ãne: — Ãne te za 'Re ihâimana u'âsi mono hã ai'masãsã'ã 'wa, asimiropisutuzé tãma ãma 'mai'uwaimrami aba õ wamhã. Tawamhã te za asõrõwa wa'wa hã aiwi 'maiwazere 'wa. Te za duré uburé asimarĩ wa'wa hã aiwi 'mazani wa'wa, asimarĩ õ uptabi na oto 're ai'maihâimana aba mono da. Tawamhã uburé õme idahâimana za'ra hã te ãne nharĩ za'ra: — Tane tô! Tane romhâimana da hã iwẽ! Tawamhã Uburé Danhib'apito ãma te tiwata za'ra. Tawamhã tinhimiropisudu te te i'manharĩ za'ra zém na hã ma tô oto duré ãma uwaimrami za'ra.

Neemia 5:6

Tawamhã wa hã Neemia, dasiwapsari te wapari wa, ma tô sina ĩnhiti'ru waze.

Salmu 119:53

Wa sa'ẽtẽ 're ĩnhiti'rui pusi u'âsi, iwasété norĩ asimiroti te te siwi 're iwẽ'õ mono u'âbâmhã.

Ezodu 34:16

Ai'ra norĩ wa'wa hã asiré a'uwẽ'õ norĩ sipi'õ na 're mro za'ra mono wamhã, tawamhã te aré ta norĩ hã ĩ'ãma 're ihâimana za'ra mono zém hawimhã ãma tipahâ za'ra, ĩ'upana ihâiba'õ norĩ ãma 're iwata za'ra mono na ãma 're wata za'ra mono da isiré.

Provébiu 28:4

Ni'wa, 'Re ihâimana u'âsi mono nhimiroti te te rẽme wamhã, iwasété norĩ ãma oto 're iwata za'ra mono zé, te wasu'u. Tane nherẽ, te te 're iwapari pese za'ra mono norĩ te sada 're hâimana za'ra.

Zozué 23:12

Tane nherẽ, ãma 're i'anomro aba mono zé 're rẽme za'ra wa'aba mono wamhã, a'uwẽ isi'mairẽme norĩ aiwazari wa'aba 're ihâimana za'ra mono norĩ me 're asihâiba tob za'ra wa'aba mono wamhã, duré ta norĩ me oto asina 're aimro za'ra wa'aba mono wamhã,