Neemia 13:23 - ꞌRe Ihâimana Uꞌâsi Mono Zadawa Wasuꞌu

²³ Tô taha bâtâ mono na hã, zudeu norĩ ahâ uptabi na, Asidodi norĩ sipi'õ na, amonita norĩ sipi'õ na duré moabita norĩ sipi'õ na 're imro za'ra mono zéb zama hã wa tô a'upsibi me.

Neemia 13:23 ပူးပေါင်းရင်းမြစ်များ

Esdra 10:10

Tawamhã sasedoti Esdra hã ma tô hâiwi za, para na. Sa wamhã, te tinha ãne: — A norĩ wa'wa hã 'Re ihâimana u'âsi mono ãma si 're i'anomro aba mono õ zarina, ma tô Izaraéu nhihudu norĩ te te 're i'upa za'ra mono zém na hã tiwi ãma 're ihâimo za'ra wa'aba mo, duré asiré a'uwẽ'õ norĩ sipi'õ na 're i'aimro za'ra wa'aba mono u'âbâmhã.

Esdra 10:44

à norĩ ma tô uburé pi'õ dasiré'õ na hã aré timro za'ra. Tawamhã ta norĩ hã ma tô oto timro hã siwi wẽ'õ pese za'ra. Taha zarina ma tô tãma rob'ru za'ra, si'aba'ré da hã 'ra ré.

Neemia 10:30

Wa'ra sipi'õ norĩ, wasiré a'uwẽ'õ norĩ wanhipti'ai 're, 're ihâimana za'ra mono norĩ ma, ãma 're mro za'ra mono da, wa te duré tãma 're isõmri za'ra mono da hã mare di za. Duré i'ra sipi'õ norĩ hã, wa'ra si'aibâ norĩ ma, wa te duré tãma 're ipisutu za'ra mono da hã mare di za, ãma 're mro za'ra mono da.

Neemia 10:31

Wasiré a'uwẽ'õ norĩ, sabadu na duré siwa'ru nimahã bâdâ iwazéb zahi na, amnho trigu hã duré siwa'ru marĩ te te 're wede za'ra mono da, we te te 're i'wasari mono hã, wa te tiwi 're i'uipra za'ra mono da hã mare di za. Duré 7 wahu iwa 're tobro mono sidâpâsi, wanhib'rata na wa te 're robzuri za'ra mono õ di za. Wa za duré taré marĩ, wa te wasiwi 're iwaibui mono zé hã wa te wasima 're sisisi za'ra.

Neemia 13:1

Tawamhã taha bâtâ na Mozésihi nhimi'ui'éré, sa'ẽtẽ damreme 'rãihâ na da te dasima sõré za'ra wa, ma tô amonita norĩ hã duré moabita norĩ hã 'Re ihâimana u'âsi mono nhib'a'uwẽ norĩ me, za niwamhã sina za'ra isihâibatob'õzém na rob'ui'éré hã siwi sõpẽtẽ.

Neemia 13:24

Tahawa i'ra norĩ aiwa ãma isipo'o na, te Asidodi mreme na hã, duré damreme ihâiba amo na hã 're mreme zusi. Tahawa duré zudeu norĩ mreme na hã 're mreme zusi waihu'u mono õ di.

Neemia 13:27

E wa norĩ zama, wa za ãne na hã bété duré 're wanomro wasété, wate 'Re ihâimana u'âsi mono, wa te 're iwapari za'ra mono õ zarina, wasiré a'uwẽ'õ norĩ sipi'õ na ãma 're wamro za'ra mono da hã.

Neemia 4:7

Tane nherẽ, ma tô Sãbalati, Tobia, Arabia hawi a'uwẽ norĩ, Amo na romnhisi ãma 're idahâimana za'ra mono norĩ, duré Asidodi na 'ri nho'õmo nhisi ãma 're idahâimana za'ra mono norĩ, ma tô tizahi pese za'ra, Zeruzalẽ ãma 'ri 'wawi wa'ra 'manharĩ pese na romhuri hã wa te ãma i'uzusi za'ra zé te te waihu'u za'ra wa, duré 'ri 'wawi wa'ra isiprum na dazasizé mono hã wa te wasiwi isito mono zé, te te waihu'u za'ra wa.

Ezodu 34:11

Ma'ãpé ĩnhimiroti ãhã na te aima isõmri za'ra wa'wa hã 're wapari pese za'ra wa'aba mono. Tahawa, aiwana wa'aba wa za amoreu norĩ hã, cananeu norĩ hã, hitita norĩ hã, perizeu norĩ hã, heveu norĩ hã, duré zebuzeu norĩ hã te wano'õ za'ra za, ti'ai hawimhã.

2 Corĩtu 6:14

Cristuhu zazei'wa na 're aihâimana za'ra wa'aba mono norĩ, isazei'õ'wa norĩ hâimanazéb zu, 're aihâimana za'ra wa'aba mono õ di za oto. Rowa'a na 're idanomro wẽ mono zé hã, duré robra na 're idanomro wasété mono zé hã, e aiwa bâ. Mare di. Aiwab õ di. Tahawa, isazei'õ'wa norĩ siré, 'râwi 're aihâimana za'ra wa'aba mono õ di za oto. Tô'ã.

Ruti 1:4

Tawamhã i'ra si'aibâ norĩ ma tô oto timro zahuré, moabita norĩ nhipi'õi hâzarutu na. Azarutu hâiba amo nhisi hã Orpa na, duré ihâiba amo nhisi hã Ruti na. Tawamhã tame 're ihâimana za'ra mono zém na 10 na ãma wahub za'ra pari, ma tô Marõ norĩ hã tidâ'â zahuré, Quiri'õhõ me hã. Tahawa, te Noẽmihi si siwaprosi oto 're hâimana, 'ra ãna, duré mro ãna.

1 Samuéu 5:1

Tawamhã filisteu norĩ 'Re ihâimana u'âsi mono nhimiroti ré wedehâ're te te siwi âri parimhã, ma tô oto siwi ti'â Ebeneze na romnhisi hawi, 'ri nho'u Asidodi na isisi u.