Neemia 13:19 - ꞌRe Ihâimana Uꞌâsi Mono Zadawa Wasuꞌu

¹⁹ Tahawa, sabadu bâdâ 're sãna'rata mono wana ré, robra wi 'ri nho'õmo te, 'ridawa za'ẽtẽ mono hã da te 're sitob za'ra mono da, duré sabadu bâdâ si'utõrĩ wapsi apâ da te 're 'ridawa za'ra mono da hã wa tô dama waihu'u. Tahawa, ĩte aibâ norĩ 'ridawa za'ẽtẽ norĩ ãmamhã wa tô sõré, te te rob'madâ'â za'ra da hã, 'ri nho'õmo u hã sabadu na hã da te oto 're ro'mazasi za'ra mono tõ da.

Neemia 13:19 ပူးပေါင်းရင်းမြစ်များ

Neemia 13:20

Tawamhã sipu'u pese na marĩ wede'wa norĩ, sexta romhuri 'rãsudu bara na 'ri nho'õmo 'wawi wa'ra 'rãihâ babarã na hã ma tô ãma ti'awẽ za'ra, misi mara na niha wamhã, maparane mara na.

Neemia 7:3

Tawamhã wa tô tãma nharĩ zahuré, bâdâ na're zarõtõ wapsi, 'ridawa za'ẽtẽ mono bâ da te dasiwi 'ridawa za'ra mono da hã te te dama 'ru zahuré da. Rob'madâ'â'wa norĩ, romhuri te te siwi sazâri za'ra wana ré, 'ridawa za'ẽtẽ mono hã bâdâ isébrézéb ãma da te duré dasiwi sito mono pari, da te dasiwi tété mono da hã, te te dama 'ru zahuré da hã, wa tô duré tãma waihu'u zahuré. Tawamhã wa tô duré tãma 'ru zahuré, Zeruzalẽ ãma 're idahâimana za'ra mono norĩ 'remhã rob'madâ'â'wa da, ni'wam norĩ te te apisutu zahuré da hã. Tawamhã te za nima norĩ rob'madâ'â'wa 'ri 'wawi wa'ra 'rãihâ nho're tisimasisizé mono bâ hâimana za'ra, niha wamhã duré nima norĩ tinhorõwa nho're mono na.

Zuwã 5:10

Tahawa, ma tô zudeu norĩ nhib'apito hã tãma nharĩ za'ra, ãne: — 'Re ihâimana u'âsi mono ma tô dama roti, da te 're romhuri za'ra mono tõ da, sabadu na hã. A hã isimiroti 'madâ'â ãna te asa'warizé hã 're i'â, romhuri zahârizém na.