à hã levita norĩ nhib'a'uwẽ wa'õno hã sito pese na Babilonia ãma 're ihâimana za'ra mono zém hawi, apâ isi'aba'ré norĩ hâiba za'rata na rob'ui'éré: Zesua norĩ hawi a'uwẽ, Cadmi'éhé me, Hodaviaha sipoto zarina a'uwẽ hã: 74 na dahâiba hã; Asafihi nhihudu norĩ isõ're'wa hã: 128 na dahâiba hã; 'ridawa 'madâ'â'wa norĩ Saluhu nhihudu hã, Atehe nhihudu norĩ me hã, Talmoho nhihudu norĩ me hã, Acubehe nhihudu norĩ me hã, Hatitaha nhihudu norĩ me hã, Soba'ihi nhihudu norĩ me hã uburé simisutu hã: 139 na dahâiba hã.
Neemia 12:8 - ꞌRe Ihâimana Uꞌâsi Mono Zadawa Wasuꞌu8 Levita norĩ nhisi hã duré ãne: 'Re ihâimana u'âsi mono ãma, danho're na 're idawata za'ra mono zé, te te dama 're i'wani za'ra mono norĩ hã: Zesua, Binu'i, Cadmi'é, Serebia, Zuda duré Matania. အခန်းကိုကြည့်ပါ။ |
Neemia 12:8
12 ပူးပေါင်းရင်းမြစ်များ
Tawamhã sasedoti Zozué, Zozadaquihi 'ra, isiré ihâimana za'ra norĩ hã, isiré ihâiba amo sasedoti norĩ hã, Zorobabé, Salati'éhé 'ra zama, duré isisãnawã norĩ hã ma tô Izaraéu nhihudu norĩ te, 'Re ihâimana u'âsi mono ma danhoprubzé zata nomrizéb da hã siwi 'manha, Mozési, 'Re ihâimana u'âsi mono nhib'a'uwẽ nhimiroti na rob'ui'éré zarina.
Matania, Micaha 'ra, Zabdihi nhihudu, duré Asafihi nhihudu hawimhã a'uwẽ. Ta hã ma tô 'Re ihâimana u'âsi mono nhorõwa 'ri 're tãma 're idamreme zusi mono zéb ãma danho're na ãma 're iwata za'ra mono da hã, danho're te te dama 're 'wani. Duré Baquebuquia hã, Mataniaha pawapto'wa na 're ihâimana mono. Abda, Samuaha 'ra, Gala'oho nhihudu hã, Zedutu nhihudu hawimhã a'uwẽ.
Tawamhã levita i'rãnho'õmo norĩ hã ãne: Hasabiasi, Serebia, Zesua, Binu'i, duré Cadmi'é. Tawamhã ta norĩ siré, ma tô 'Re ihâimana u'âsi mono ãma 're iwata za'ra mono zém na isõ're na te te ãma 're sada'âbâ za'ra, isõ're simasap sina, 'Re ihâimana u'âsi mono nhib'a'uwẽ Dawi, tinhimiroti te te ihirizéb zarina.
ကြော်ငြာတွေ