Neemia 12:39 - ꞌRe Ihâimana Uꞌâsi Mono Zadawa Wasuꞌu

³⁹ Tawamhã Efraĩ na 'ridawa za'ẽtẽ nhisi na, Zesana na 'ridawa za'ẽtẽ nhisi na, Tepe na 'ridawa za'ẽtẽ nhisi na, Hananeu na 'ri 'rãihâ nhisi na, duré Cem na 'ri 'rãihâ nhisi na wa tô duré ãma ro'rahâri za'ra ni, Pone'ẽrebâire na 'ridawa za'ẽtẽ nhisi u iwasihutuzéb u. Tame 'Re ihâimana u'âsi mono nhorõwa 'ridawa za'ẽtẽ 'rata, ma tô wanhoré pese na iwasi'aba'rézé hã oto ti'rãsutu.

Neemia 12:39 ပူးပေါင်းရင်းမြစ်များ

Neemia 12:40

Tawamhã maparane dawa'õno hã ma tô 'Re ihâimana u'âsi mono nhorõwa 'ri u hã aihutu. Ãhã wa, ĩte dawa'õtõ nhib'ihâ'a norĩ zu ma tô sasedoti norĩ zama tihâimana za'ra, danhimnhihârâzé te te ihãsi mono hã: Eriaquĩ, Maaséia, Miniami, Micaia, Elioenai, Zacaria, duré Hanania.

Neemia 3:1

Tawamhã 'ri nho'õmo 'wawi wa'ra ma tô ãne apâ dasiwi 'manharĩ ni: Sasedoti tisiré norĩ nhipai u ipire uptabi Eriasibe na isisi hã, duré sasedoti isiré norĩ ma tô Pone'ẽrebâ na 'ridawa za'ẽtẽ nhisi hã siwi 'manha apâ. Tahawa, ma tô ãma sima romhu'u za'ra, te te siwi isaiwĩrĩzém na. Taha pari ma tô oto ãma siwi te te sasõmri 'ridawa za'ẽtẽ mono hã, 'ri 'wawi wa'ra 'rãihâ na. Cem na 'ri 'rãihâ nhisi u ma tô duré 'ri 'wawi wa'ra wahutu na hã ãma siwi tita, duré Hananeu na 'ri 'rãihâ nhisi u zama.

Neemia 3:25

Tawamhã taha nhana'remhã iwa'õno hã ma tô Pala'u, Uza'ihi 'ra hã 'manharĩ pese. Ta hã ma tô 'ri 'wawi wa'ra 'rãihâ wẽ'ẽzém hawi i'manharĩ na romhuri hã ãma sãna'rata, apito nhimiromhurizé 'ri hawi, apito 'madâ'â'wa norĩ 'ri zahâpâ wa, 're isi'ubumroi mono zéb 'rata. Taha nhana'remhã iwa'õno hã ma tô Pedaia, Paroho 'ra hã 'manharĩ pese, bâtâ pusizém niwĩ ro 're ihâimana mono u hã, Â na 'ridawa za'ẽtẽ nhisi 'rata, duré 'ri 'rãihâ 'rata, 'Re ihâimana u'âsi mono nhorõwa 'madâ'âzéb ãmamhã. Ãhã 'ri hã te Ofe'u na 'ri nho'õmo wa'õtõre 'rata 're sa, aibâ norĩ 'Re ihâimana u'âsi mono nhorõwa 're, romhuri'wa norĩ 're ihâimana za'ra mono zéb ãma.

Neemia 3:3

Hasenahã 'ra norĩ ma tô Tepe na 'ridawa za'ẽtẽ wamri hã siwi 'manha. Tawamhã wedepo'o hâza'õno hã taha na ma tô te te ãma sa'ra za'ra. 'Ridawa isurure zama ma duré taha na te te ãma siwi tété, isimasabzé mono bâ. Taha pari ma tô duré isi'uwazi na itété mono zé hã te te ãma sa'ra za'ra.

Neemia 3:6

Tawamhã Zoiada, Paséiaha 'ra, Mesulã, Bezodiaha 'ra me ma tô 'Ridawa 'rata na 'ridawa za'ẽtẽ nhisi hã apâ 'manharĩ zahuré. Tawamhã wedepo'o hâza'õno taha na ma tô ãma te te aza'ra zahuré. 'Ridawa isurure zama ma duré taha na te te ãma atété zahuré, isimasabzé mono bâ. Taha pari ma tô duré isi'uwazi na itété mono zé hã te te ãma aza'ra zahuré.

Neemia 8:16

Tawamhã uburé dawairébé wamhã, ma tô wede panhipti hã dasiwi 'wasari ni. Taha pari ma tô õne haré romhâ 'manharĩ na 'ri hã dasiwi ãma 'manharĩ za'ra ni, danhorõwa 'ri nhisi hâpâ mono bâ, 'Re ihâimana u'âsi mono nhorõwa 'ri zahâpâ ãma, Â na 'ridawa za'ẽtẽ nhisi nho're, 're idasisõpẽtẽ pese za'ra mono zéb ãma, duré Efraĩ na 'ri za'ẽtẽ nhisi nho're, 're idasisõpẽtẽ pese za'ra mono zéb ãma zama.

Zuwã 5:2

Tawamhã Zeruzalẽ ãma te aibâ hã 're sãmra, ihâzé ré hã. 38 na ma tô oto ãma tiwahu, tihâzé te te 're sépata mono ré hã. Ta hã te dame nomro, ihâzé ré norĩ me, itob'a norĩ me, duré i'rãtẽire norĩ me, duré ihi'ré norĩ me zama. Pu'u 'rata te ta norĩ hã 're simi'wara, pu'u wawẽ 'rata. 'Ri 'wawi wa'ra ãma, pu hã. Tame 'ridawa hã pone'ẽrebâ 'mazasizé hã. Hebreu norĩ mreme na Betezata na 'ridawa nhisi hã. Pu'u 'rata te uridi hã 're simasa, 5 na ihâiba hã. Tame te da'ahâ na 're danhimi'wara uriti wa, ihâzé ré hã. Hâiwa ãma Danhib'apito uptabi ma romhuri'wa zô, te dasina 're danhimipari za'ra. Ta hã te we 're ne hâiwa hawi, â hã te te 're upi mono wa, 're âsisasisi mono da. Tawamhã ni'wa hã â sisasisi ré, te te isi'rai 'rada hã te za séptârâ.