Neemia 12:36 - ꞌRe Ihâimana Uꞌâsi Mono Zadawa Wasuꞌu

³⁶ Tawamhã Zacariaha te dawa'õtõ 'remhã nima norĩ, ma tô isãna'remhã ai'aba'ré, ã norĩ hã: Semaia, Azareu, Milala'i, Gilala'i, Maai, Netaneu, Zuda, duré Hanani. Tawamhã Dawi 'Re ihâimana u'âsi mono ãma si 're imorĩ te te sima ãma 're iropta'a mono zém ne hã te uburé 'wasa. Tahawa Esdra, 'Re ihâimana u'âsi mono nhimiroti waihu'u wẽ'wa hã ma tô dawa'õtõ nhowamhã mo.

Neemia 12:36 ပူးပေါင်းရင်းမြစ်များ

Esdra 7:1

Tawamhã wahub ahâ na we 're wahu mono pari, apito Artazesi Persia nhib'apito na 're hâimana mono ré, ma tô Esdra na aibâ nhisi hã Babilonia hawimhã mo, Zeruzalẽ u hã. Ta hã, Arã sasedoti isiré norĩ ma isa'ẽtẽ sipoto hawi a'uwẽ, Seraiaha 'ra, Azariaha nhihudu, duré Hilquiaha 'ra nhihudu.

Esdra 8:1

à norĩ hã, Izaraéu nhihudu wa'õtõ nhib'ihâ'a norĩ Babilonia hawi Zeruzalẽ u apâ Esdraha siré isi'aba'ré, apito Artazesi danhib'ihâ'a na 're hâimana mono ré hã:

Neemia 12:24

Tawamhã levita i'rãnho'õmo norĩ hã ãne: Hasabiasi, Serebia, Zesua, Binu'i, duré Cadmi'é. Tawamhã ta norĩ siré, ma tô 'Re ihâimana u'âsi mono ãma 're iwata za'ra mono zém na isõ're na te te ãma 're sada'âbâ za'ra, isõ're simasap sina, 'Re ihâimana u'âsi mono nhib'a'uwẽ Dawi, tinhimiroti te te ihirizéb zarina.