Neemia 12:30 - ꞌRe Ihâimana Uꞌâsi Mono Zadawa Wasuꞌu

³⁰ Tawamhã sasedoti norĩ, levita norĩ me, ma tô 'râwi si'upsõ za'ra, 'Re ihâimana u'âsi mono ma, iwẽ na hâimana za'ra da hã. Taha pari ma tô duré niha hã dama 'manharĩ za'ra, ta norĩ zama we isabâdâ iwẽ na dahâimana za'ra da. 'Ri nho'õmo 'wawi wa'ra 'rãihâ 'ridawa za'ẽtẽ mono hã duré i'wawi wa'ra 'rãihâ hã ma tô duré tô õne niha hã siwi rob'manha, tãma za'ra hã.

Neemia 12:30 ပူးပေါင်းရင်းမြစ်များ

Zenezi 35:2

Tawamhã Zaco te uburé isõrõwa 're, 're ihâimana za'ra mono norĩ ma nharĩ za'ra, ãne: — Wasiré a'uwẽ'õ norĩ te, ihâiba'õ norĩ ma, romhâibarĩ na ãma 're idawata za'ra mono hã aima ihâimana za'ra wa'wa hã, te za asiwi isãmra 'wa. Ma'ãpé asipese za'ra wa'aba. Duré da'uza ihâi uptob'õ na te za asi'uza za'ra wa'wa.

Esdra 6:21

Tawamhã uburé Izaraéu nhihudu norĩ, Babilonia hawi apâ te te sina isiri za'ra norĩ hã ma tô danhimizama na ãma 're idanhoprub za'ra mono nhi hã tihu. Duré a'uwẽ iwasédé Cana'ã ãma 're ihâimana za'ra mono norĩ hâimanazé te te irẽme za'ra, duré Uburé Danhib'apito, Izaraéu nhihudu norĩ te 'Re ihâimana u'âsi mono ãma oto 're wata za'ra mono da, tihâimanazém na te te isaprĩ za'ra norĩ zama hã ma tô duré romnhi hã dame tihu.

Neemia 13:22

Tawamhã levita norĩ, sipese za'ra da, duré 'ridawa za'ẽtẽ norĩ hã te te 'madâ'â za'ra da, wa tô tãma waihu'u za'ra, wazé pese na sabadu bâdâ hã hâimana da, wẽ uptabi na. “Ĩte 'Re ihâimana u'âsi mono, ma'ãpé ãhã wab zama ĩ'ãma aipo're pu'u. Duré ma'ãpé asimizawizéb za'ẽtẽ zarina hã ĩ'ãma aiwamri na.”

Neemia 13:30

Ãne wa tô sasedoti norĩ hã levita norĩ me, uburé wasiré a'uwẽ'õ norĩ te na 're ihâimana wasété za'ra mono zém hawimhã oto pese za'ra. Duré tahawa, wa tô roti hã tãma 'manharĩ za'ra, tite mono bâ romhuri na hã te te 're rob'ma'wamarĩ mono da.

Ezodu 19:10

Uburé Danhib'apito te duré tawamhã tãma tinha ãne: — Ma'ãpé aimorĩ, dama nharĩ za'ra da hã, ã bâtâ na duré awẽmhã dasipese za'ra da, ĩ'ãma idawata za'ra zéb da hã. Duré da'uza hã te za hâ'upsõ za'ra ni za.

Ezodu 19:15

Tawamhã Mozési te dama tinha ãne: — Ma'ãpé awẽ amo na da, asimire sina aihâimana za'ra wa'aba, pi'õ na asiwaihu'u na aihâimana za'ra wa'aba ãna.

Hebreu 5:1

Duréihã ma tô ni'wam norĩ hã 'Re ihâimana u'âsi mono hã te te 're apisutu, tisiré sasedoti norĩ nhipai u, pire uptabi na te te 're romhuri za'ra mono da, tisiré zudeu norĩ ãma, 'Re ihâimana u'âsi mono ma. Ta norĩ si ma tô 'Re ihâimana u'âsi mono ma, danhoprubzé hã te te tãma 're sõmri za'ra da'upana, ãma 're iwata za'ra mono zéb da hã. Danhimizama ma tô duré da'upana te te tãma 're simro, dawasédé hã te te dama ãma 're i'apari mono zéb da hã.

Hebreu 5:3

Duré ta norĩ hã dawasété u'âbâ si, marĩ hã 'Re ihâimana u'âsi mono ma, te te 're sõmri za'ra mono õ di, dawasédé hã te te dama ãma 're i'apari mono zéb da hã. Si'udâna zama ma tô marĩ hã te te tãma 're sõmri za'ra sasedoti norĩ hã, dasine tiwasédé hã te te 're 'manharĩ za'ra mono wa.