Neemia 12:1 - ꞌRe Ihâimana Uꞌâsi Mono Zadawa Wasuꞌu

¹ Ã hã sasedoti norĩ nhisi na levita norĩ nhisi me, ãma irob'ui'éré za'ra, Zorobabé Salati'éhé 'ra siré, duré sasedoti ipire Zozuéhé siré, Babilonia ãma sito pese na 're ihâimana za'ra mono zém hawi apâ we isi'aba'ré norĩ nhisi na.

Neemia 12:1 ပူးပေါင်းရင်းမြစ်များ

Esdra 3:2

Tawamhã sasedoti Zozué, Zozadaquihi 'ra, isiré ihâimana za'ra norĩ hã, isiré ihâiba amo sasedoti norĩ hã, Zorobabé, Salati'éhé 'ra zama, duré isisãnawã norĩ hã ma tô Izaraéu nhihudu norĩ te, 'Re ihâimana u'âsi mono ma danhoprubzé zata nomrizéb da hã siwi 'manha, Mozési, 'Re ihâimana u'âsi mono nhib'a'uwẽ nhimiroti na rob'ui'éré zarina.

Esdra 3:8

Tawamhã apâ isi'aba'rézém na maparane wahub 're maparane a'amoi ãma, ma tô Izaraéu nhihudu norĩ, 'Re ihâimana u'âsi mono nhorõwa 'ri 'manharĩ tém na hã ãma siwi sãna'rata, Zeruzalẽ ãma za 're isa mono na. Zorobabé Salati'éhé 'ra hã, Zozué Zozadaquihi 'ra hã, isisãnawã norĩ isiré za'ra hã, sasedoti norĩ hã, levita norĩ hã, duré uburé a'uwẽ norĩ Zeruzalẽ u apâ te te sina isiri za'ra norĩ hã, ma tô siptete na romhuri hã siwi ti'â. Tawamhã levita norĩ 20 na ãma iwahub za'ra nhipai u ma tô uburé dama romhuri'wa da hã pisutu za'ra ni.

Esdra 4:2

Tawamhã ma tô Zorobabé u, duré dawa'õtõ nhib'ihâ'a norĩ u hã ai'aba'ré. Tahawa te ãne tãma nharĩ za'ra: — Wa wasima wẽ za'ra ni, 'ri na wa te aipawaptob za'ra wa'aba da hã. Tô ate za'ra wa'wa 'Re ihâimana u'âsi mono na wa 're wawata za'ra. Õhõ ma si, wa duré wanhimizama zata na wanhoprubzém na hã ãma tãma 're wanhoprub za'ra, Asiriaha nhib'apito Hasa-Hadõ ãme 're wasi'ubumroi mono da, te te we iwanhimroi mono zém hawim haré.

Esdra 5:2

Tawamhã Salati'éhé 'ra Zorobabé, Zozadaquihi 'ra Zozuéhé me 'Re ihâimana u'âsi mono zadawa wasu'u hã ma tô wapari zahuré. Tahawa, Zeruzalẽ ãma 'Re ihâimana u'âsi mono nhorõwa 'ri na ma tô apâ ãma dasiwi sãna'rata ni. Tahawa, ma tô isadawa 'mahârâ'wa norĩ hã duré ãma dapawaptob zahuré.

Esdra 7:7

nima norĩ Izaraéu nhihudu norĩ 'remhã, sasedoti norĩ ré, levita norĩ ré, isõ're'wa norĩ ré, duré 'Re ihâimana u'âsi mono nhorõwa 'madâ'â'wa norĩ ré, duré taha 'ri 're, romhuri'wa norĩ ré. Ãne hã ma tô tiromhâiba, Artazesi hã dama i'rãnho'õmo na 7 na ãma iwahubzéb ãma.

Neemia 11:36

Tawamhã nima norĩ levita, Zuda ãma 're ihâimana za'ra mono hã ma tô pisutu za'ra ni, Bẽzamihĩ nhihudu norĩ siré oto 're si'ubumroi mono da.

Neemia 12:10

Zozué hã, Zoiaquĩhĩ mama, Zoiaquĩ hã, Eriasibehe mama, Eriasibe hã, Zoiadaha mama,

Neemia 12:2

Sasedoti norĩ nhisi hã ãne: Seraia, Zeremia, Esdra, Amaria, Maluque, Hatusi, Secaniasi, Reum, Meremote, Ido, Gineto'i, Abi'asi, Mi'ami, Maadia, Bilga, Semaia, Zoiaribe, Zedaia, Salu, Amoque, Hilquia duré Zedaia. Ã hã aibâ norĩ hã tisiré sasedoti ma, ma tô Zozué 're hâimana mono ré, i'rãnho'õmo na 're hâimana za'ra.

Neemia 7:7

Isiré isib'ihâ'a isi'aba'ré norĩ hã, Zorobabé, Zozué, Neemia, Azaria, Ra'amia, Naamani, Mordecai, Bisã, Misperete, Biva'i, Ne'u, duré Ba'ana.