Neemia 11:31 - ꞌRe Ihâimana Uꞌâsi Mono Zadawa Wasuꞌu

³¹ Tawamhã Bẽzamihĩ nhihudu norĩ, ma tô hâiwa nhimi'e niwĩmhã Zeba ãma 're hâimana za'ra, Mitima ãma, Aia ãma, Bétéu ãma duré taha uirĩ na 'ri wa'õtõ mono na,

Neemia 11:31 ပူးပေါင်းရင်းမြစ်များ

Zenezi 12:8

Taha pari Abrã, Bétéu na 'ri nho'õmo nhisi ãma bâtâ pusizém niwĩ, ẽtẽ ahâ na 're iromhâimana mono u hã, te duré oto mo. Tawamhã tame ma tô te te sima 'ri nhoré. Bétéu hã te bâtâ zasizém niwĩmhã 're hâimana, duré Ai na 'ri wa'õtõ nhisi te bâtâ pusizém niwĩmhã 're hâimana. Ta norĩ wa'wa te te sima i'ri nhoré mono hã ma tô simasa. Tawamhã tameb zama ẽtẽ za'ra te te 'manharĩ wamhã, ma tô duré Uburé Danhib'apito ãma hã tiwata.

Zenezi 28:19

Tawamhã taha rob ãma 'ri nho'u 're ihâimana mono hã, Rowa'a na isisi hã aré. Tane nherẽ, Zaco hã ma tô isisi na ãma saprĩ, Bétéu na.

Neemia 11:30

Zanoa ãma, Adurã ãma, duré taha 'ri nho'õmo norĩ 'rata 'ri wa'õtõ mono na ma tô 're si'ubumro. Ma tô duré Laqui na 'ri nho'õmo nhisi ãma, duré taha 'rata rom na tiburu ãma 're hâimana za'ra. 'Ri nho'u Azeca ãma, taha uirĩ na 'ri wa'õtõ mono na te duré 're si'ubumro. Ãne ma tô Zudaha nhihudu norĩ hã hâiwa nhimi'e niwĩ Beseba norĩ wa'wamhã, hâiwa nhimire niwĩ Hino na ẽtẽ siwa'aba nhisi wa'wa me 're hâimana za'ra.

Neemia 11:32

Anatoti ãma, Nobi ãma, Anania ãma,

Zozué 8:9

Tawamhã Zozué ma tô, tô dasi'wapéi 'manharĩ'wa norĩ hã satõrĩ za'ra. Te te satõrĩ za'ra wamhã, ma tô Ai norĩ wa'wa Bétéu 're me tame rowa'wa sima'uri za'ra da hã ai'aba'ré, Ai ãma bâtâ zasizém niwĩ. Tane nherẽ, Zozuéhé ãma, romhâ 'manharĩ na 'ri nhoré ãma a'uwẽ norĩ siré hã ma tô ãma ti'awẽ.

1 Samuéu 13:11

Tane nherẽ, Samuéu hã te sadanha ãne: — E marĩ ma tô i'manha. Tawamhã Sau ma ãma sada'â ãne: — Ĩnhib'a'uwẽ norĩ te te siwi ĩrẽme da, nasi apâ isi'aba'ré na hã, wa tô waihu'u za'ra. A zama ãwamhã bété duré we aimorĩ õ di, ĩma ropisutu nherẽ. Filisteu norĩ hã ma tô si'rã'õtõ duré, Mitima ãma hã.

1 Samuéu 13:2

Tawamhã ma tô pisutu za'ra 3 miu na aibâ hã Izaraéu nhihudu norĩ hã. 2 miu na ime ihâimana za'ra hã 'rinho'u Mitima ãma, duré Bétéu ti'a niwĩ ẽtẽ ãma hã. Duré miu na Zonataha me ihâimana za'ra hã, Zibea 'ri nho'õmo ãma Bẽzamihĩ nhihudu norĩ nhipti'ai wa'õtõ ãma hã. Tawamhã tinhorõwa u aibâ isi'mairẽme norĩ hã, ma tô satõrĩ za'ra apâ si'aba'ré da.

1 Samuéu 13:23

Tawamhã filisteu norĩ ma tô dasi'wapéi 'manharĩ'wa misi iwa'õtõ norĩ hã satõrĩ za'ra, Mitima 'rata ẽtẽ nhi'riti na bâdâdi inomro hã te te siwi bâdâdi simri da.