Neemia 11:3 - ꞌRe Ihâimana Uꞌâsi Mono Zadawa Wasuꞌu

³ Ni'wam norĩ Izaraéu nhihudu, sasedoti norĩ, levita norĩ, duré Salomahã nhib'a'uwẽ nhihudu 'Re ihâimana u'âsi mono nhorõwa 'ri 're te te 're iromhuri za'ra mono, ma tô 'ri nho'u ihâiba amo norĩ ãma tite ti'ai wa'õtõ mono wa, 're si'ubumro. Ã hã Zuda na daza'rui wa'õtõ nhisi ãma dama ipire Zeruzalẽ ãma 're isi'ubumroi mono norĩ nhisi na irob'ui'éré hã:

Neemia 11:3 ပူးပေါင်းရင်းမြစ်များ

Esdra 2:1

Tawamhã Babilonia te apito Nabucodonozo, Izaraéu nhihudu norĩ 'remhã tirob u te te isimroi mono hã, Zuda ãma aré 're ihâimana za'ra mono hã ahâ uptabi di. Ta norĩ hã ma tô Zeruzalẽ u, duré Zuda u apâ sina siri za'ra, tite mono bâ 'ri nho'õmo mono u.

Esdra 2:43

Tawamhã ã hã 'Re ihâimana u'âsi mono nhorõwa 're, te te 're iromhuri za'ra mono norĩ nhib'a'uwẽ wa'õno hã sito pese na Babilonia ãma 're ihâimana za'ra mono zém hawi, apâ isi'aba'ré norĩ nhib'ihâ'a nhisi hã: Zia, Hasufa, Tabaote, Querosi, Sia, Padõ, Lebana, Hagaba, Acube, Hagaba, Salma'i, Hana, Gide'u, Ga'a, Reaiasi, Rezĩ, Necoda, Gazã, Uza, Paséia, Besa'i, Asnate, Me'uni, Nefisĩ, Baquebuque, Hacufa, Haru, Baslute, Meida, Harsa, Barcosi, Sisera, Tema, Nesia, duré Hatifa.

Esdra 2:70

Tawamhã sasedoti norĩ, levita norĩ, duré ni'wam norĩ a'uwẽ ma tô Zeruzalẽ ãma hã 're hâimana za'ra, duré tame i'ratamhã. Duré tawamhã isõ're'wa norĩ hã, romhuri'wa norĩ hã, 'Re ihâimana u'âsi mono nhorõwa 'ridawa 'madâ'â'wa norĩ hã, duré ihâiba amo isiré Izaraéu nhihudu norĩ hã ma tô 'ri nho'õmo wa, ihi'rata norĩ 're ihâimana za'ra mono zéb ãma 're si'ubumro.

Neemia 11:20

Tawamhã Izaraéu nhihudu norĩ, sasedoti norĩ, duré levita norĩ isõ'uma hã ma tô tite ti'ai wa'õtõ mono bâ 'ri nho'õmo mono na 're hâimana za'ra, Zuda ti'ai 'remhã.

Neemia 11:4

Zudaha nhihudu 'rem norĩ hã ãne: Ataia, Uziaha 'ra, Zacariaha nhihudu. Taha hi'rata norĩ hã duré ãne; Amaria, Sefatia, Ma'alaléu duré Peresi Zudaha 'ra nhihudu hã.

Neemia 7:39

à hã duré sasedoti hawimhã, Babilonia ãma sito pese na 're ihâimana za'ra mono zém hawi, apâ isihutu norĩ hã: Zesua nho'õmoi baba, Zedaiaha hawi a'uwẽ hã ãne: 973 na ihâiba hã

Neemia 7:43

à hã duré levita norĩ, Babilonia ãma sito pese na 're ihâimana za'ra mono zém hawi, apâ isihutu norĩ hã: Hodewaha nhihudu norĩ, Zesuaha hawi a'uwẽ hã ãne: 74 na ihâiba hã, Cadmi'éhé nho'õmoi babamhã

Neemia 7:46

à hã 'Re ihâimana u'âsi mono nhorõwa 'ri 're, romhuri'wa norĩ hã ãne, ã norĩ nhihudu mono hã, Babilonia ãma sito pese na 're ihâimana za'ra mono zém hawi, apâ isihutu norĩ hã: Zia, Hasufa, Tabaote

Neemia 7:6

Tawamhã Izaraéu nhihudu norĩ 'remhã, Babilonia te apito Nabucodonozo te te idanhimroi mono siré, ma tô Zuda ti'ai hawimhã da'ahâ na dame ai'aba'ré. Tawamhã ta norĩ hã ma tô Zeruzalẽ u, duré Zuda u ti'ai wa'õtõ nhisi u hã apâ dasina siri za'ra ni, date mono bâ 'ri nho'õmo mono u.

Neemia 7:7

Isiré isib'ihâ'a isi'aba'ré norĩ hã, Zorobabé, Zozué, Neemia, Azaria, Ra'amia, Naamani, Mordecai, Bisã, Misperete, Biva'i, Ne'u, duré Ba'ana.

Neemia 7:73

Tawamhã uburé a'uwẽ norĩ hã tite za'ra 'ri nho'õmo mono bâ duré 'ri wa'õtõ mono bâ 're isi'ubumroi mono zém na hã ma tô oto ãma sãna'rata za'ra, sasedoti norĩ hã, levita norĩ hã, 'ridawa za'ẽtẽ 'madâ'â'wa norĩ hã, isõ're'wa norĩ hã, 'Re ihâimana u'âsi mono nhorõwa 'ri 're romhuri'wa norĩ hã, ni'wam norĩ a'uwẽ taré 're isi'ubumroi mono norĩ hã, duré isõ'uma Izaraéu nhihudu norĩ hã.