Neemia 11:17 - ꞌRe Ihâimana Uꞌâsi Mono Zadawa Wasuꞌu

¹⁷ Matania, Micaha 'ra, Zabdihi nhihudu, duré Asafihi nhihudu hawimhã a'uwẽ. Ta hã ma tô 'Re ihâimana u'âsi mono nhorõwa 'ri 're tãma 're idamreme zusi mono zéb ãma danho're na ãma 're iwata za'ra mono da hã, danho're te te dama 're 'wani. Duré Baquebuquia hã, Mataniaha pawapto'wa na 're ihâimana mono. Abda, Samuaha 'ra, Gala'oho nhihudu hã, Zedutu nhihudu hawimhã a'uwẽ.

Neemia 11:17 ပူးပေါင်းရင်းမြစ်များ

Neemia 11:16

Levita tisiré norĩ ma, ipire norĩ, Sabeta'ihi norĩ, Zozabadehe me, 'Re ihâimana u'âsi mono nhorõwa 'ri ãma rowi romhuri 'madâ'â'wa dama zahuré.

Neemia 11:18

Tawamhã 'rinho'u Zeruzalẽ, 'Re ihâimana u'âsi mono tite da, te te ipisutu ãma 're ihâimana za'ra mono norĩ za'rada hã, ma tô uburé hã watobro 284 na, levita norĩ hã.

Neemia 12:24

Tawamhã levita i'rãnho'õmo norĩ hã ãne: Hasabiasi, Serebia, Zesua, Binu'i, duré Cadmi'é. Tawamhã ta norĩ siré, ma tô 'Re ihâimana u'âsi mono ãma 're iwata za'ra mono zém na isõ're na te te ãma 're sada'âbâ za'ra, isõ're simasap sina, 'Re ihâimana u'âsi mono nhib'a'uwẽ Dawi, tinhimiroti te te ihirizéb zarina.

Neemia 12:25

Tawamhã 'ridawa za'ẽtẽ 'madâ'â'wa norĩ Matania, Baquebuquia, Obadia, Mesulã, Talmo, duré Acube, ta norĩ hã ma tô 'Re ihâimana u'âsi mono nhorõwa 'ridawa za'ẽtẽ 'rata romnhimi'warazé 're isimasa mono hã te te 're 'madâ'â za'ra.

Neemia 12:31

Tawamhã wa hã Neemia, Zuda ti'ai ãma dama ipire norĩ ma, wa tô tãma waihu'u za'ra, 'ri nho'õmo 'wawi wa'ra 'rãihâ nhisiwi si'rã'õtõ da hã. Wa tô duré maparane dawa'õno isa'ẽtẽ na sima sipo'o da hã tãma waihu'u za'ra, te te ropãrĩ za'ra mono sina sisõré pese na 'Re ihâimana u'âsi mono ãma tinho're na wata za'ra sina, 'ri nho'u hã te te nasi sa'oto za'ra mono da. Tahawa, imorĩ'rata na dawa'õno hã ma tô romnhimire niwĩmhã te te ropãrĩ za'ra mono sina, sõré pese na ai'aba'ré, Roprum na 'ridawa za'ẽtẽ nhisi nho'õmoi baba.

Neemia 12:46

Duréi Apito Dawi 're ihâimana mono hawimhã haré, duré Asafi 're ihâimana mono hawim haré, ma tô isõ're'wa norĩ, 'Re ihâimana u'âsi mono ãma 're idawata za'ra mono zém na danho're hã te te dama 're sãmra za'ra.

Filipu 4:6

Marĩ na 're aihâtâ'â za'ra wa'aba mono ãna, te za oto 're aihâimana za'ra wa'aba mo. 'Re ihâimana u'âsi mono ma, 're aimreme zusi aba mono zép sidâpâsi, te za duré tiwi 're irowaptẽrẽ za'ra wa'aba mo, uburé marĩ zô aiwi 're irowaptâ'â za'ra wa'aba mono zém na hã. Aipẽ'ẽ 're, ãma 're aiwata za'ra wa'aba mono sina, te za asi'ãma duré tãma 're aimreme zusi aba mo.