Neemia 11:16 - ꞌRe Ihâimana Uꞌâsi Mono Zadawa Wasuꞌu

¹⁶ Levita tisiré norĩ ma, ipire norĩ, Sabeta'ihi norĩ, Zozabadehe me, 'Re ihâimana u'âsi mono nhorõwa 'ri ãma rowi romhuri 'madâ'â'wa dama zahuré.

Neemia 11:16 ပူးပေါင်းရင်းမြစ်များ

Esdra 10:15

Tawamhã Azaéu 'ra Zonataha norĩ si Ticvaha 'ra Zazéiaha me si te te dazaze zahuré õ di ãma, rosa'rata 'manharĩ na. Tahawa, Mesulã norĩ hã, levita Sabeta'ihi me ma tô simirosa'rata waptob zahuré.

Esdra 8:33

Taha pari maparane si'uiwa na bâtâ ãma wa tô duré oto 'Re ihâimana u'âsi mono nhorõwa 'ri u hã ai'aba'ré ni. Tahawa, prata norĩ hã, oru hã, duré marĩ 'manharĩ mono hã wa tô pire pibu za'ra ni. Taha pari wa tô duré sasedoti Meremote, Uriaha 'ra ma sõmri za'ra ni. Taha siré te ã norĩ hã oto tihâimana za'ra: Finezaha 'ra Eriaza hã; duré maparane levita norĩ hã: Zesuaha 'ra Zozabade hã, duré Binu'ihi 'ra, Noadiasi hã.

Neemia 11:15

Levihi nhihudu 'rem norĩ hã ãne: Semaia, Hasubehe 'ra, Azricãhã nhihudu. Taha hi'rata zahuré hã Hasabiasi norĩ, Bunihi me.

Neemia 11:17

Matania, Micaha 'ra, Zabdihi nhihudu, duré Asafihi nhihudu hawimhã a'uwẽ. Ta hã ma tô 'Re ihâimana u'âsi mono nhorõwa 'ri 're tãma 're idamreme zusi mono zéb ãma danho're na ãma 're iwata za'ra mono da hã, danho're te te dama 're 'wani. Duré Baquebuquia hã, Mataniaha pawapto'wa na 're ihâimana mono. Abda, Samuaha 'ra, Gala'oho nhihudu hã, Zedutu nhihudu hawimhã a'uwẽ.

Neemia 8:7

Tawamhã apâ dawahutu za'ra wamhã, ma tô dasimasabzé mono bâ apâ dasimasa. Tawamhã levita norĩ ma tô 'Re ihâimana u'âsi mono nhimiroti na rob'ui'éré na hã ãma dama saprĩ za'ra. Ãne isisi norĩ hã: Zesua, Bani, Serebia, Zami, Acube, Sabeta'i, Hodia, Maaséia, Quelita, Azaria, Zozabade, Hana duré Pelaia.