Neemia 10:31 - ꞌRe Ihâimana Uꞌâsi Mono Zadawa Wasuꞌu

³¹ Wasiré a'uwẽ'õ norĩ, sabadu na duré siwa'ru nimahã bâdâ iwazéb zahi na, amnho trigu hã duré siwa'ru marĩ te te 're wede za'ra mono da, we te te 're i'wasari mono hã, wa te tiwi 're i'uipra za'ra mono da hã mare di za. Duré 7 wahu iwa 're tobro mono sidâpâsi, wanhib'rata na wa te 're robzuri za'ra mono õ di za. Wa za duré taré marĩ, wa te wasiwi 're iwaibui mono zé hã wa te wasima 're sisisi za'ra.

Neemia 10:31 ပူးပေါင်းရင်းမြစ်များ

Neemia 13:23

Tô taha bâtâ mono na hã, zudeu norĩ ahâ uptabi na, Asidodi norĩ sipi'õ na, amonita norĩ sipi'õ na duré moabita norĩ sipi'õ na 're imro za'ra mono zéb zama hã wa tô a'upsibi me.

Neemia 13:27

E wa norĩ zama, wa za ãne na hã bété duré 're wanomro wasété, wate 'Re ihâimana u'âsi mono, wa te 're iwapari za'ra mono õ zarina, wasiré a'uwẽ'õ norĩ sipi'õ na ãma 're wamro za'ra mono da hã.

Ezodu 12:16

Tawamhã dia 1 bâdâ imorĩ'rata na duré dia 7 bâdâ te ipisutu amo na hã te za asi'rã'õtõ 'wa, ĩ'ãma aiwata za'ra wa'aba da hã. Tawamhã ni'wa hã taha bâtâ na romhuri amoi u hã te te romhuri õ di za. Mram 'manharĩ na si te za iromhuri za'ra wa'aba mo, bâdâ hã te ipisutu amoi u.

Ezodu 20:10

Tane nherẽ, sabadu 7 bâtâ ãma hã dawa'utuzéb da si hã, Uburé Danhib'apito, ate za'ra wa'wa 'Re ihâimana u'âsi mono te wa. Taha bâtâ na 're romhuri za'ra wa'aba mono õ di za, ai'ra si'aibâ norĩ, ai'ra sipi'õ norĩ, pawa'âbâ ãna aima romhuri'wa norĩ zama, duré asimizama aba norĩ zama. Asiré a'uwẽ'õ norĩ asipti'ai 're, 're ihâimana za'ra mono norĩ zama te te 're romhuri za'ra mono õ di za.

Ezodu 34:16

Ai'ra norĩ wa'wa hã asiré a'uwẽ'õ norĩ sipi'õ na 're mro za'ra mono wamhã, tawamhã te aré ta norĩ hã ĩ'ãma 're ihâimana za'ra mono zém hawimhã ãma tipahâ za'ra, ĩ'upana ihâiba'õ norĩ ãma 're iwata za'ra mono na ãma 're wata za'ra mono da isiré.

Mateu 6:12

Dawasédé hã da te wa'ãma 're 'manharĩ za'ra mono wa, wa te wasina 're i'madâ'â za'ra mono õ ne, a hã duré wa'ãma 're ab'madâ'â mono õ di za, wawasédé hã.

Colosu 2:16

Ãté ni'wam norĩ hã te za ãne na te te aima 're roti za'ra wa'wa: “Romnhi hã siwa'ru 're huri aba mono õ di za. Duré uwa 'rãi wa'u isé hã siwa'ru bâtâ na 're âhuri aba mono õ di za. Duré sabadu na romhuri zahârizém na 're romhuri za'ra wa'aba mono õ di za. Duré a'amo hã 're pusi mono sidâpâsi, 'Re ihâimana u'âsi mono ma, dato da te tãma 're 'manharĩ za'ra mono wamhã, te za dame 're i'madâ'â pese za'ra wa'aba mo. Bâdâ ahâ na pire na dama 're ihâimana za'ra mono zama, te za duré dame 're i'madâ'â pese za'ra wa'aba mo, 'Re ihâimana u'âsi mono ãma 're idawata za'ra mono zéb da, dama ipire mono hã. Ãne hã asina tãma ãma 're uwaimrami za'ra wa'aba mono wapsi, te za 'Re ihâimana u'âsi mono hã te te 're aiwẽsãmri za'ra wa'wa.” Ãne na ni'wam norĩ hã te te aima 're roti za'ra wa'aba mono wamhã, ãma 're saze za'ra wa'aba mono õ di za, dasi'uihâ na danhimi'manharĩzém hawi 'Re ihâimana u'âsi mono hã te te 're da'awẽsãmri mono dai õ wa.

Tiagu 2:13

Nimahã bâtâ na dahâimanazém na te te da'awaihu'u wapsi, da'ãma 're ipẽ'ẽzé za'ra mono õ norĩ ãma, pẽ'ẽzé õ di za, 'Re ihâimana u'âsi mono hã, ti'ab ré da'ãma 're isiwamri za'ra mono õ norĩ ãma hã. Da'ãma 're ipẽ'ẽzé u'âsi za'ra mono norĩ ãma si, te za ãma 're pẽ'ẽzé za'ra.