Neemia 10:28 - ꞌRe Ihâimana Uꞌâsi Mono Zadawa Wasuꞌu

²⁸ Wa norĩ hã Izaraéu nhihudu, sasedoti norĩ hã, levita norĩ hã, 'Re ihâimana u'âsi mono nhorõwa 'ri 'madâ'â'wa norĩ hã, tô taha 'ri're romhuri'wa norĩ hã, isõ're'wa norĩ tô taha 'ri 'remhã, duré uburé 'Re ihâimana u'âsi mono nhimiroti te te 're iwapari pese za'ra mono norĩ hã, wasiré a'uwẽ'õ wanhipti'ai 're, iwazarib za'ra wahâimana ãna 're iwahâimana za'ra mono norĩ hã wamro norĩ me, duré uburé wa'ra isimiza'rese prã norĩ me,

Neemia 10:28 ပူးပေါင်းရင်းမြစ်များ

Esdra 2:70

Tawamhã sasedoti norĩ, levita norĩ, duré ni'wam norĩ a'uwẽ ma tô Zeruzalẽ ãma hã 're hâimana za'ra, duré tame i'ratamhã. Duré tawamhã isõ're'wa norĩ hã, romhuri'wa norĩ hã, 'Re ihâimana u'âsi mono nhorõwa 'ridawa 'madâ'â'wa norĩ hã, duré ihâiba amo isiré Izaraéu nhihudu norĩ hã ma tô 'ri nho'õmo wa, ihi'rata norĩ 're ihâimana za'ra mono zéb ãma 're si'ubumro.

Esdra 6:21

Tawamhã uburé Izaraéu nhihudu norĩ, Babilonia hawi apâ te te sina isiri za'ra norĩ hã ma tô danhimizama na ãma 're idanhoprub za'ra mono nhi hã tihu. Duré a'uwẽ iwasédé Cana'ã ãma 're ihâimana za'ra mono norĩ hâimanazé te te irẽme za'ra, duré Uburé Danhib'apito, Izaraéu nhihudu norĩ te 'Re ihâimana u'âsi mono ãma oto 're wata za'ra mono da, tihâimanazém na te te isaprĩ za'ra norĩ zama hã ma tô duré romnhi hã dame tihu.

Neemia 13:3

Tawamhã ãne hã Izaraéu nhihudu norĩ, roti na rob'ui'éré nhoré te te wapari za'ra wamhã, ma tô tisiré a'uwẽ'õ norĩ, isiré 're ihâimana za'ra mono zém hawimhã sani za'ra.

Neemia 8:2

Tawamhã Esdra, 'Re ihâimana u'âsi mono nhimiroti na rob'ui'éré ré hã ma tô ti'â, aibâ norĩ, pi'õ norĩ, duré ai'uté norĩ rob'ui'éré te te isadaihu'u za'ra da zama isi'rã'õtõzéb u.

Neemia 9:2

Izaraéu nhihudu norĩ na 're ihâimana za'ra mono norĩ hã ma tô uburé tisiré a'uwẽ'õ norĩ nhiti sisani za'ra. Tawamhã tite mono bâ tisi'ubumrozém hawi para na oto hâiwi simasa wamhã, ma tô tiwasété na hã duré tihi'rata norĩ wasété na hã siwẽ'õ za'ra.

Salmu 47:7

'Re ihâimana u'âsi mono ãma asõ're na ãma 're aiwata za'ra wa'aba mono, ta hã daro mono bâ uburé a'uwẽ norĩ ma, apito na 're hâimana mono wa.

Roma 1:1

Wa hã Paulu, Cristu Zezusihi ma romhuri'wa, wa ãma aima rob'ui'éré za'ra wa'wa, Roma ãma 're aihâimana za'ra wa'aba mono norĩ ma. 'Re ihâimana u'âsi mono hã ma tô ĩpisutu, isadawa wasu'u na te tãma 're romhuri mono da, Zezusihi wasu'uwẽ hã te te wama 're i'awaihu'u mono hã te dama 're wasu'u u'âsi mono da, isadawa para.