Neemia 1:7 - ꞌRe Ihâimana Uꞌâsi Mono Zadawa Wasuꞌu

⁷ Wa te 're i'manharĩ za'ra mono zém na hã, wa tô aiwi 're wawasété za'ra tô. Duré asimiroti hã wa te wasiwi 're wapari mono õ di. Duré Mozési asib'a'uwẽ ma, asimiroti ihiri zarina 're wanomro wẽ pese mono õ na wa tô 're wahâimana za'ra.

Neemia 1:7 ပူးပေါင်းရင်းမြစ်များ

Esdra 7:6

Esdra hã rowaihu'u pese 'wa. Duré Uburé Danhib'apito, Izaraéu nhihudu norĩ te 'Re ihâimana u'âsi mono, Mozésihi ma, tinhimiroti na rob'ui'éré hã te te tãma isõmri waihu'u wẽ 'wa, te 're mo. Tawamhã ta hã ma tô apito Artazesihi u hã mo. Morĩ wamhã, ma tô uburé te te tiwi iwaptẽrẽzé hã tãma tisõ. E marĩ wa. Uburé Danhib'apito, Esdraha ma, iwẽ si te te tãma 're apisutu mono wa. Ãne ma tô ta hã Babilonia hawimhã mo, Zeruzalẽ u hã,

Salmu 89:31

marĩ te i'ruzé te te siwi 're wẽ'õ za'ra mono wamhã, ĩmreme te te duré sima 're tété za'ra mono õ wamhã,

Salmu 89:32

wa za wa hã iwasété za'ra u'âbâmhã te tãma 're rob'manharĩ za'ra za. Wa za duré te tãma 're arob'manharĩ, marĩ na te te 're i'upa za'ra mono zarina.

Daniéu 9:11

Uburé Izaraéu nhihudu norĩ hã ma tô tihâimanazém na asimiroti hã siwi pru. Ma duré asimiroti nhiti apa za'ra. Wawasédé hã wa te aiwi 're 'manharĩ za'ra mono wa, ma tô wama ipisutu za'ra, ropire hã duré romhâimanazé ipipa hã Mozési te te ãma irob'ui'éré zarina wanhisiwib za'ra waptã'ã da hã.

Daniéu 9:13

Ãne na Mozési hã te te ãma irob'ui'éré zarina, ma tô oto marĩ ipipa hã wazô tiwatobro za'ra. Ãne nherẽ, wa norĩ wawasédé, wa te rẽme waihu'u za'ra õ di. Duré a hã Uburé Danhib'apito, wate 'Re ihâimana u'âsi mono apâ 're iwa'awẽsãmri mono zô hã, wasima 're wanhopré mono õ di, wawasété nhiti 're iwasi'ré za'ra mono zarina, duré sena na asimiroti hã wa te 're iwapari pese za'ra mono zéb da hã.

Apocalipsi 19:2

Marĩ na te te upai ãna, te i'uwaibaba si te te dama 're arowairébé, sena na. Pi'õ siwa'âbâ zô 're isisõmri mono 're ihâimana wasété mono zéb zarina, isine daro mono bâ 're dahâimana wasété za'ra mono wa, ma tô 'Re ihâimana u'âsi mono hã iwasédé hã ãma tihi. Ma tô wẽ'õ pese. Isib'a'uwẽ norĩ te te 're simroi mono wa, ma tô 'Re ihâimana u'âsi mono hã uprosi, pi'õ hã.