Neemia 1:6 - ꞌRe Ihâimana Uꞌâsi Mono Zadawa Wasuꞌu

⁶ 'Re ihâimana u'âsi mono, ma'ãpé we ĩ'madâ'â. Bâtâ na duré mara na zama ĩmreme na te aiwi 're irowaptẽrẽ mono zé hã ma'ãpé 're wapari mono, asib'a'uwẽ Izaraéu nhihudu norĩ hâiba na hã. Wa hã Izaraéu nhihudu norĩ me wawasédé wa te 're i'manharĩ za'ra mono na hã wa aima ĩsiwasu'u. Wahi'rata norĩ hawim na wa wawasété na hã 're wahâimana za'ra tô.

Neemia 1:6 ပူးပေါင်းရင်းမြစ်များ

Esdra 10:1

Tawamhã Esdra, 'Re ihâimana u'âsi mono nhorõwa 'ri nho're hi'rãtitõ sãmra sina, ma tô tãma mre, wawa sina, dawasété u'âbâ. Taha ré, ma tô Izaraéu nhihudu norĩ ahâ uptabi na imana wawimhã si'rã'õtõ, aibâ norĩ hã, pi'õ norĩ hã, duré ai'uté norĩ hã. Ma tô duré ta norĩ zama ti'ru'ru.

Esdra 10:11

Tahawa, ma'ãpé ãhã na, Uburé Danhib'apito, aihi'rata norĩ te, 'Re ihâimana u'âsi mono ma, aiwasété aba na tãma asiwẽ'õ za'ra wa'aba. Duré tãma iwẽ hã ma'ãpé 're 'manharĩ za'ra wa'aba mono. Ma'ãpé duré wasiré a'uwẽ'õ wanhipti'ai 're, 're ihâimana za'ra mono ma, 're asa'o hâ za'ra wa'aba mono. Duré ma'ãpé asiré a'uwẽ'õ sipi'õ na ãma 're i'aimro za'ra wa'aba mono hã satõrĩ za'ra wa'aba, si'aba'ré da oto aihawib za'ra wa'aba.

Neemia 1:11

Tahawa, ma'ãpé ĩmreme na te ãma aiwi 're irowaptẽrẽ mono zé hã wapari ãhã na hã. Duré aima romhuri'wa hâiba amo norĩ ai'ãma 're iwata ze za'ra mono nhimirowaptẽrẽ zama te za iwapa. Ma'ãpé duré ĩma 'manharĩ, iwẽ na si ĩma romhâimana da, apito hã iwẽ na te te ĩma rowairébé da. Tô taha wamhã, wa tô uwa 'rãi wa'u isé za'wari'wa na aré 're ĩhâimana, apito ma hã.

Salmu 102:17

Ta hã te za tinhib'a'uwẽ upari ãna romnhiwasi 're ihâimana za'ra mono norĩ mreme hã te te 're awapari. Duré isimirowaptẽrẽ za'ra zé, te te tiwi 're i'awẽ'õ mono da hã mare di za.

Salmu 32:5

Tawamhã ĩwasété na wa tô aima ĩsiwẽ'õ. Ĩnhimi'manharĩ wasété zé hã te aiwi simi'uri õ di. Ĩwasédé hã te aima wasu'u da, wa tô ĩsima rowairébé. Tawamhã a hã uburé ĩwasédé hã ĩ'ãma 're a'madâ'â mono õ di oto.

Salmu 34:15

'Re ihâimana u'âsi mono hã te sena na 're ihâimana za'ra mono norĩ hã te te 're ab'madâ'â pese. Te duré te te tiwi 're irowaptẽrẽ za'ra mono zé hã te te 're awapari.

Daniéu 9:15

Uburé Danhib'apito, wate 'Re ihâimana u'âsi mono, a hã ma tô Ezitu hawi asib'a'uwẽ norĩ i'awazere na asiptede isa'ẽtẽ na 're i'aihâimana mono zé hã ihâi'ré. Tahawa, te duré asisi za'ẽne hã ãhã na zama zahadu 're hâimana u'âsi. Tane nherẽ, wawasédé, wa tô wa te 're 'manharĩ za'ra. Tahawa tô wa norĩ, aiwi i'upai'wa na wa tô 're wahâimana za'ra.

Daniéu 9:20

Tawamhã wa zahadu tãma mre. Zahadu wa duré ĩwasété na tãma ĩsiwẽ'õzém na, duré ĩnhib'a'uwẽ norĩ wasété za'ra zém na zama hã te tiwi irowaptẽrẽ na ãma uzusi, Uburé Danhib'apito, ĩte 'Re ihâimana u'âsi mono wi, sa'a ite iwazéb zahi ma ropibu ma.

Daniéu 9:4

Ãne wa tô Ĩnhib'apito, ĩte 'Re ihâimana u'âsi mono ma ĩsiwẽ'õ sina hã tãma mre: — Uburé Danhib'apito 'Re ihâimana u'âsi mono, a hã asa'ẽtẽ uptabi di, duré asiptete uptabi di! A hã ma tô asimiropisutu zahi hã te te 're i'asawi pese za'ra mono norĩ ma, duré asimiroti te te 're iwapari pese za'ra mono norĩ ma, tãma 're i'madâ'â u'âsi za'ra mo. Õne u'â te duré ta norĩ ma asimizawizé hã tãma 're ihâi'ré u'âsi za'ra mo.

Daniéu 9:5

Tane nherẽ, wa norĩ hã wa tô wawasédé wa te 're 'manharĩ za'ra. Wawasété za'ra wa, duré aiwi wasipizari za'ra wa, wa tô asimiroti wi wasina 're wasi'ré za'ra.

Daniéu 9:8

Wanhib'apito, wama i'rã nho'õmo norĩ me, duré wama ipire norĩ me, duré wahi'rata norĩ me, duré uburé wa norĩ hã wa tô wawasédé hã apâ wa te aiwi 're 'manharĩ za'ra. Tahawa, tô uburé aima 're wanhiséb za'ra mono di.

Luca 18:7

Wẽ prã zahã, te za, u, imrotõ hã pawapto. E bété tinhib'a'uwẽ hã te te 're pawaptob za'ra mono õ di za, 'Re ihâimana u'âsi mono hã. Ãté rowa'a na, ãté bara na te za sô 're hãsi, te te 're pawaptob za'ra mono da. E bété te te 're pawaptop su'u za'ra mono õ di za.

Éfézu 2:3

Tane wa norĩ hã, wa aré tô wanhimirosa'rata wasété zarina 're wanomro. Wa te wasima 're iwẽ za'ra mono zéb zarina, wa tô aré wa te wasima ãma 're uwaimrami za'ra. Ãne 're wahâimana wasété za'ra mono wa, te aré tô duré dazu wahâ za'ra, 'Re ihâimana u'âsi mono hã.

1 Timotiu 5:5

Pi'õi mrotõ ma, sena na danhimipawaptobzé tãma ihâimana'õ hã te za 'Re ihâimana u'âsi mono zô si 're simnhasi, marĩ na te te 're pawapto mono da. Bâtâ na te za tãma 're mreme u'âsi, bara na zama, marĩ na te te 're pawapto mono da.

2 Timotiu 1:3

'Re ihâimana u'âsi mono ãma, wa 're ĩwata u'âsi. Marĩ na te tiwi ãma i'upazém na hã, te te oto ĩ'ãma 're ab'madâ'â mono õ wa, wa oto ĩto sina te tãma 're romhuri u'âsi. Tane duréihã ma tô duré ĩhi'rata norĩ hã te te tãma 're romhuri za'ra. Tawamhã tãma 're ĩmreme mono wamhã, bâtâ na, duré bara na zama hã te aima tiwi 're rowaptẽrẽ u'âsi,, te te 're aipawaptob u'âsi mono da.

1 Zuwã 1:9

Tane nherẽ, wawasédé hã wa te 're i'manharĩ za'ra mono na 'Re ihâimana u'âsi mono ma, 'râwi 're wasiwẽ'õ za'ra mono wamhã, te te dama 're i'aropisutu mono zéb zarina, te za te te wama ãma 're a'uwaimrami, te te wama ãma 're a'upai mono ãna. Tãma 're iwasiwasu'u za'ra mono zéb zarina, wawasédé hã wa te 're i'manharĩ za'ra mono hã te te wa'ãma 're ab'madâ'â mono õ di za oto. Te za tô te te wama 're apari, wawasédé hã.

1 Samuéu 15:11

— Sau hã, ma tô ĩrẽ. Duré te tãma iwaihu'uzé hã ma tô ĩmreme rẽ. Tahawa, ma tô ĩwi tirobzei'õ wa hã apito te te i'manharĩzé zabâdâmhã. Tawamhã ãne te te tãma waihu'u wa, ma tô Samuéu wi hã tirobzei'õ duré. Tahawa, mara bâre ma tô mreme 'rãihâ na Sauhu ãma hã mre, Uburé Danhib'apito ma.