Neemia 1:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã ãne hã te wapari wamhã, wa tô nhamra. Ãhã wa, wa tô aiwa'õ. Tawamhã niha bâtâ na wa tô nasi aiwa'õ, ĩsai ãna. Ãhã ré, wa tô mre, 'Re ihâimana u'âsi mono ma ãne:

Neemia 1:4 ပူးပေါင်းရင်းမြစ်များ

Esdra 1:2

“Wa hã Ciru, Persia nhib'apito, wa aima nharĩ za'ra wa'wa ãne: Uburé Danhib'apito, 'Re ihâimana u'âsi mono hâiwa ãma 're isãmra mono hã ma tô ti'ai ãma uburé te 're ida'ab'madâ'â mono da hã danhib'ihâ'a na 're ĩhâimana mono zé hã ĩma tisõ. Ma tô duré ĩpisutu, Zeruzalẽ ãma iwa 're idawata za'ra mono zé 'ri hã te tãma sãrĩ da, Zuda na romnhisi ãma.

Esdra 10:1

Tawamhã Esdra, 'Re ihâimana u'âsi mono nhorõwa 'ri nho're hi'rãtitõ sãmra sina, ma tô tãma mre, wawa sina, dawasété u'âbâ. Taha ré, ma tô Izaraéu nhihudu norĩ ahâ uptabi na imana wawimhã si'rã'õtõ, aibâ norĩ hã, pi'õ norĩ hã, duré ai'uté norĩ hã. Ma tô duré ta norĩ zama ti'ru'ru.

Esdra 9:3

Tawamhã ãne na wa hã te wapari wamhã, wa tô robzei'õzé te, ĩ'uza hã hâiwazu. Tahawa, wa tô duré ĩzéré sano. Wa tô duré ĩsiwatasu zano. Ãhã wa, wa tô duré ĩhâimana zei'õ pese na hã ĩhâiba, tãma ĩsi'rãmi zép te, ãne ma.

Esdra 9:5

Tawamhã oto hâiwa hâ te, danhoprub zatazéb da, bâdâ iwa waptã'ã wamhã, wa tô oto udu, ĩwi irobzei'õzé ĩma sipari wa. Tawamhã ĩhi'rãtitõ wa tô duré 'Re ihâimana u'âsi mono ma, ĩmreme da hã nhamra, ĩ'uza te ihâi wazui ré. Ãhã wa, Uburé Danhib'apito, ĩte 'Re ihâimana u'âsi mono ma, ĩnhib'rada te tãma wẽ sina,

Neemia 2:20

Tawamhã wa ãma tãma wa'rãmi za'ra ãne: — 'Re ihâimana u'âsi mono, hâiwa ãma 're isãmra mono hã te za iwẽ si wama pisutu za'ra, wa te irowa'õtõ za'ra zéb zarina, wama iwatobro za'ra zéb da hã. Wa norĩ hã tãma iromhuri'wai wa, wa za oto ãma sãna'rata za'ra ni, 'ri 'wawi wa'ra wahutu na hã. Tane nherẽ, a norĩ wa'wa hã Zeruzalẽ 'remhã marĩ tede'wa na hã aihâimana za'ra wa'aba õ di. Duré i're 're aihâimana za'ra wa'aba mono nherẽ, marĩ dai õ di, a norĩ wa'wa hã. Duré Izaraéu nhihudu norĩ 're ihâimana za'ra mono zém na 're i'aihâimana za'ra wa'aba mono da hã mare di.

Neemia 2:4

Tawamhã te apito ĩzadanha ãne: — E marĩ te asima iwẽ. Tawamhã wa tô mre 'Re ihâimana u'âsi mono, hâiwa ãma 're isãmra mono ma hã.

Salmu 102:15

Dawamri mono bâ 're idahâimana za'ra mono hã te za Uburé Danhib'apito nhisi hã te te siwi 're wazéb za'ra. Duré uburé ti'ai mono bâ danhib'apito norĩ te za isiptetezém na 're ihâimana mono na hã te te siwi 're wazé.

Daniéu 10:2

Tahawa, si'ubdatõ romhuri 're, wa tô aiwa'õ.

Daniéu 2:18

Tawamhã Daniéu te tãma nharĩ za'ra, 'Re ihâimana u'âsi mono hâiwa ãma 're isãmra mono ma, mreme zusi da, ãma isiwamri za'ra zé te te tiwi waptẽrẽ za'ra da, duré apito nhimirosawẽrẽ dama iwaihu'u'õ te te tãma hâi'ré za'ra da, Daniéu norĩ, tisiwaihu'u norĩ me, Babilonia ãma rowaihu'u pese 'wa norĩ zu, da te uprosi tõ da.

Daniéu 9:3

Ĩma robzei'õ zarina, da'uza ihâi hâza'õtõ na wa tô ĩsi'uza. Taha wa, wa tô duré 'ru'a wa nhamra. Ĩsa hã wa tô duré tirẽ. Wa tô Uburé Danhib'apito 'Re ihâimana u'âsi mono ma, sa'ẽtẽ mre, te tiwi iwaptẽrẽzé te te ĩma 'manharĩ da.

Zona 1:9

Ãne te tãma siwasu'u za'ra, Zona hã: — Wa hã hebreu na ĩwamri. Duré Uburé Danhib'apito 'Re ihâimana u'âsi mono ãma si wa ãma 're ĩwata, hâiwa ãma 're isãmra mono ãma, âporé 'manharĩ'wai ãma, duré ti'ai 'manharĩ'wai ãma.

Roma 12:15

Ni'wam norĩ hã toi uptabi na 're hâimana za'ra mono wamhã, isine te za 're atoi uptabi za'ra wa'aba mo, isiré. Duré ni'wam norĩ hã pẽ'ẽzé uptabi na 're hâimana za'ra mono wamhã, isine te za duré aipẽ'ẽzé uptabi na isarina 're aihâimana za'ra wa'aba mo.