Neemia 1:11 - ꞌRe Ihâimana Uꞌâsi Mono Zadawa Wasuꞌu

¹¹ Tahawa, ma'ãpé ĩmreme na te ãma aiwi 're irowaptẽrẽ mono zé hã wapari ãhã na hã. Duré aima romhuri'wa hâiba amo norĩ ai'ãma 're iwata ze za'ra mono nhimirowaptẽrẽ zama te za iwapa. Ma'ãpé duré ĩma 'manharĩ, iwẽ na si ĩma romhâimana da, apito hã iwẽ na te te ĩma rowairébé da. Tô taha wamhã, wa tô uwa 'rãi wa'u isé za'wari'wa na aré 're ĩhâimana, apito ma hã.

Neemia 1:11 ပူးပေါင်းရင်းမြစ်များ

Zenezi 24:42

— Tawamhã ãhã na â zô ab're u ĩwisi wamhã, wa tô 'Re ihâimana u'âsi mono ma, ãne tãma mre: “Uburé Danhib'apito, ĩnhib'apito Abra'ãhã te, 'Re ihâimana u'âsi mono, wa aiwi waptẽ, we ĩpawaptobzéb zarina i'uwaibaba na si marĩ te 'manharĩ da hã.

Zenezi 32:11

Uburé Danhib'apito, wa aiwi waptẽ, ĩdub'rada Ezauhu wi ĩnho'reptu da. We imorĩzé ma hã wa tô ĩpahi pese, te te ĩwĩrĩ õ'umnhasite, pi'õ norĩ zama, ai'uté norĩ zama te te ĩwi uprosi õ'umnhasite.

Zenezi 32:28

Tawamhã te duré tãma tinha ãne: — Asisi õ di za oto, Zaco na. 'Re ihâimana u'âsi mono ma tô i'wapé. Duré aibâ norĩ zama ma tô i'wapé za'ra. Tahawa, ma tô ãma i'ai'uté za'ra. Ãhã wa, asisi hã za oto Izaraéu na.

Zenezi 40:1

Tawamhã we romhâimana mono pari, Ezitu te, apito ma, ma tô tãma romhuri'wa norĩ, marĩ te te tãma i'manharĩ zahuré zéb zarina sima 'ruzani zahuré, apito ma, uwa 'rãi wa'u isé za'wari'wa norĩ nhib'ihâ'a hã, duré, i'u'ẽtẽ wapu 'manharĩ'wa norĩ nhib'ihâ'a me.

Zenezi 40:2

Tahawa sada siti'ru zahuré wa,

Zenezi 40:21

Tawamhã ãne na Zuzé te te tãma iwaihu'u zahuré zéb zarina si, ma tô tãma tiromhâimana zahuré: Tahawa, apito, uwa 'rãi wa'u isé za'wari'wa norĩ nhib'ihâ'a hã ma tô apâ tisã, uwa 'rãi wa'u isé za'wari'wa na te te tãma 're romhuri mono da. Ma tô duré i'u'ẽtẽ wapu 'manharĩ'wa norĩ nhib'ihâ'a, hâiwi isa'o na da te wĩrĩ da hã dama ti'ru.

Zenezi 40:23

Tane nherẽ, uwa 'rãi wa'u isé za'wari'wa hã, ma tô Zuzéhé na hã po're ha'âri pese. Ãhã wa, tinhimirosa'rata na hã niwamhã ãma po're pu'u õ di tô.

Zenezi 41:9

Tahawa uwa 'rãi wa'u isé za'wari'wa norĩ nhib'ihâ'a hã ma tô apito ma tinha ãne: — Ãhã na ĩwasété na te ãma i'upazém na hã wa oto ĩsina po're puru.

Zenezi 43:14

'Re ihâimana u'âsi mono iwaihu'u pese si niha hã aibâ ma, te te i'manharĩ da hã wa ĩsima wẽ, taha zarina ai'ãma siwamri za'ra wa'aba wa, te te aima waprosi za'ra wa'aba da, asisãnawã norĩ na Bẽzamihĩ me we asiwi siri aba da ãwa. Bété duré ĩ'ra norĩ te simini za'ra wamhã, marĩ hã te 'manharĩ dai õ di wa hã. Ĩ'ra ãna wa za tô oto 're ĩhâimana.

Esdra 1:1

Tawamhã Persia te apito, Ciru dama isi'i'rãnho'õmozém na misi imorĩ'rata na ãma iwahub ãma, ma tô Uburé Danhib'apito, isadawa 'mahârâ'wa Zeremiaha nhimirowasu'u zarina timreme hã ãma uwaimra oto. Tawamhã Uburé Danhib'apito ma tô apito Ciru hã 'rãi pi'ra. Tahawa, ma tô dama ti'ru, daro mono bâ tinhimi'madâ'âzéb 'remhã isimiroti na, da te ãma dasima ropéi mono da, rob'ui'éré na duré da'ahâ nho'a da te dasima 're isõré za'ra mono zéb da hã, ãne isimiroti na:

Esdra 7:6

Esdra hã rowaihu'u pese 'wa. Duré Uburé Danhib'apito, Izaraéu nhihudu norĩ te 'Re ihâimana u'âsi mono, Mozésihi ma, tinhimiroti na rob'ui'éré hã te te tãma isõmri waihu'u wẽ 'wa, te 're mo. Tawamhã ta hã ma tô apito Artazesihi u hã mo. Morĩ wamhã, ma tô uburé te te tiwi iwaptẽrẽzé hã tãma tisõ. E marĩ wa. Uburé Danhib'apito, Esdraha ma, iwẽ si te te tãma 're apisutu mono wa. Ãne ma tô ta hã Babilonia hawimhã mo, Zeruzalẽ u hã,

Neemia 1:6

'Re ihâimana u'âsi mono, ma'ãpé we ĩ'madâ'â. Bâtâ na duré mara na zama ĩmreme na te aiwi 're irowaptẽrẽ mono zé hã ma'ãpé 're wapari mono, asib'a'uwẽ Izaraéu nhihudu norĩ hâiba na hã. Wa hã Izaraéu nhihudu norĩ me wawasédé wa te 're i'manharĩ za'ra mono na hã wa aima ĩsiwasu'u. Wahi'rata norĩ hawim na wa wawasété na hã 're wahâimana za'ra tô.

Neemia 2:1

Tawamhã maparane si'uiwa na a'amo si'utõrĩ pari, apito Artazesi nhimi'madâ'âzém na 20 na ãma iwahub 'remhã nimahã bâtâ na apito hã sai ré, wa tô uwa 'rãi wa'u isé hã tãma ti'â. Ãhã wamhã, ĩwi irobzei'õzém na hã te te ĩ'madâ'â õ di aré.

Neemia 2:8

Tawamhã wa tô duré waptẽ rob'ui'éré hã, Asafi apito marã 'madâ'â'wai ma da hã, wede norĩ te te ĩma 'mai'ru da, 'Re ihâimana u'âsi mono nhorõwa 'ri 'wawi 'ri isiptede 're isimapa mono 'ridawa za'ẽtẽ norĩ hã da te dasiwi ãma 'manharĩ da, duré 'ri nho'õmo 'wawi wa'ra 'rãihâ 'manharĩzéb da hã, duré ĩnhorõwa 'manharĩzéb da hã. Tawamhã apito ma tô uburé ĩma sõmri za'ra, te tiwi iwaptẽrẽ hã. E marĩ wa, 'Re ihâimana u'âsi mono hã ĩsiré hâimana wa.

Provébiu 1:29

A norĩ wa'wa hã rowaihu iwẽ hã asima 're wẽ za'ra wa'aba mono õ wa, te õne u'â 'Re ihâimana u'âsi mono, Danhib'apito wazébzé hã asiwi 're iwẽ'õ za'ra wa'aba mo.

Provébiu 21:1

Ti'ai ãma apito nhimirosa'rada, Uburé Danhib'apito ma waihu'u pese di, te te tãma 're i'rui mono da hã, â nima niwĩ 're praba mono da, te te sima iwẽzéb zarina, te te tãma ipisutu ne.

Hebreu 13:18

Ma'ãpé, wa'ãma 're aimreme zusi u'âsi aba mono za, 'Re ihâimana u'âsi mono ma. 'Re iwanomro wẽ mono da si, wa tô wa norĩ hã wa te wasima 're wẽ u'âsi za'ra. Tahawa, marĩ na 're iwahâimana wasété za'ra mono zém na hã 'râwi wapẽ'ẽ na 're wasisãmri za'ra mono õ di oto, wama 're hâimana za'ra mono õ wa.