Mateu 9:6 - ꞌRe Ihâimana Uꞌâsi Mono Zadawa Wasuꞌu

⁶ Ti'ai ãma Dasiré Ipodo hã waihu'u pese di, dawasédé te te dama 're i'apari mono da hã, 'Re ihâimana u'âsi mono zadawa para. Ãne na asiwi waihu'u za'ra wa'aba da, wa za ihi'ré ma tinha, wahutu da. Tawamhã imorĩ'õ ma, te tinha Zezusi hã oto ãne: — Ma'ãpé, aiwahutu. Asa'warizé hã âri, asõrõwa u aimorĩ da oto.

Mateu 9:6 ပူးပေါင်းရင်းမြစ်များ

Mateu 4:24

Tawamhã Zezusi te te ida'apesezém na, ma tô rowasu'u hã te te ropé, Siria na danhipti'a nho'õmo nhisi ãma. Tahawa, ma tô itẽme da te 're 'wasari dahâzé mono bâ, uburé aimawi hã dahâzé da te 're isépata za'ra mono norĩ hã, wa'uburé te te 're iwamnarĩ za'ra mono norĩ hã, duré da'rã siwamnarĩ wa, 're idahâiba popo'o za'ra mono norĩ hã, duré imorĩ'õ norĩ hã. Uburé ma tô taha wamhã da'apese, Zezusi hã.

Mateu 8:20

Tawamhã Zezusi te asa tãma tinha ãne: — Wapsã wawẽre ma, te ab're na isõrõwa hã tãma 're hâimana zara. Duré si norĩ te tizasi hã te te sima 're 'manharĩ za'ra, isõrõwa na tãma 're hâimana za'ra mono da. Tazahã, ti'ai ãma Dasiré Ipodo hã sõrõwa õ di, ãma 're iwa'utu mono zéb da hã. Hâiwi si te datẽmemhã 're morĩ u'â.

Mateu 9:2

Tamomo ma tô ni'wam norĩ hã we siwi ti'â, imorĩ'õ hã isimiwaptâ ré. Imorĩ'õ za te te ipesezém na hã ma tô ãma siwi umnhasi, Zezusi hã. Tawamhã Zezusi hã taha na ma tô sina simirosa'rata waihu'u za'ra, aibâ norĩ hã. Tahawa, te imorĩ'õ ma tinha ãne: — Ĩsiwadi, aiwi robzei'õ tõ. Aiwasédé hã 're i'ab'manharĩ wasété mono zé hã te ai'ãma 're ab'madâ'â mono õ di za oto.

Mateu 9:5

Wa hã dawasédé hã te dama 're i'apari waihu'u pese mono zém na hã, sena na ĩwaihu'u za'ra wa'aba da hã, e niha te za iwaihu'u za'ra wa'wa. Aibâ ma hã, wa tô tinha ãne: “Aiwasédé hã 're i'ab'manharĩ mono zé hã te ai'ãma 're ab'madâ'â mono õ di za oto.” Ãne si ĩmreme na wamhã, aima pibu prã za'ra wa'aba di. Ã hã imorĩ'õ hã wahutu da, duré oto morĩ da, te tãma nharĩ wapsi, te za iwaihu'u za'ra wa'wa, ĩwaihu'u pese na sena na ĩwaihu'u pese za'ra wa'aba da oto. Taha wapsi, aima pibu pese za'ra wa'aba di za.

Mateu 9:7

Tawamhã awa'awi ma tô wahudu aibâ hã, tinhorõwa u morĩ da.

Marcu 2:10

Ti'ai ãma Dasiré Ipoto ma hã tãma waihu'u pese di, dawasédé te te dama 're i'apari mono da hã, 'Re ihâimana u'âsi mono zadawa para. Ãne na asiwi waihu'u za'ra wa'aba da, wa za ihi'ré ma tinha, wahutu da. Tawamhã ihi'ré ma, te tinha oto ãne:

Marcu 2:7

Ta norĩ hã te 'râwi sima ãma rosa'rata za'ra, ãne: — E niha te aibâ ma tinha bété, õ hã, imorĩ'õ ma. 'Re ihâimana u'âsi mono ma, wẽ õ di, aibâ ma, te te inharĩzé hã. Dawasédé hã da te 're i'manharĩ wasété za'ra mono zé hã, ni'wa hã te te dama 're apari waihu'u mono õ di. 'Re ihâimana u'âsi mono ma si waihu'u pese di, dawasédé hã te te dama 're i'apari mono zé hã.

Luca 5:21

Tawamhã rowahutu'wa norĩ hã te farizeu norĩ me tãma nharĩ za'ra, tipẽ'ẽ na, ãne: — E niha ma tô bété õ hã tãma tinha, imorĩ'õ ma. 'Re ihâimana u'âsi mono ma, wẽ õ di, aibâ ma, te te inharĩzé hã. Dawasédé hã da te 're i'manharĩ wasété za'ra mono zé hã, ni'wa hã te te dama 're apari waihu'u mono õ di. 'Re ihâimana u'âsi mono ma si, waihu'u pese di, dawasédé hã te te dama 're i'apari mono da hã.

Zuwã 10:28

Ta norĩ ma, wa za pisutu za'ra, 're dâ'â za'ra mono ãna, 're hâimana u'âsi za'ra mono da, hâiwa ãma 'Re ihâimana u'âsi mono 'rata. Ni'wa hã te te ĩwi 're waibui mono õ di za, ĩzazei'wa norĩ hã.

Zuwã 17:2

A hã ma tô ĩma 're ida'apisutu mo, ĩzazei'wa 're danomro mono da. Wa hã ma tô duré ĩpisu, uburé dama ĩpire uptabi da. E marĩ da. Ĩzazei'wa norĩ ma, te 're apisutu mono da, robzei u'âsi ĩ'ãma 're nomro u'âsi mono da, duré 're dâ'â za'ra mono ãna, ai'rata 're hâimana u'âsi za'ra mono da, hâiwa ãma.

Zuwã 5:27

Ta hã ma tô duré tãma tinha, ti'ai ãma dahâimanazéb zarina, te te dama 're arowairébé mono da, isadawa para ti'ai ãma Dasiré Ipodo hã 're hâimana mono wa.

Zuwã 5:8

Tahawa, ma tô Zezusi hã tãma tinha, ãne: — Ma'ãpé, aiwahutu. Asa'warizé hã âri, aimorĩ da oto.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:31

Ta hã ma tô 'Re ihâimana u'âsi mono hã ti'â apâ, isimire niwĩ 're sãmra u'âsi mono da oto, dama pire na 're hâimana mono da, duré tiwaihu'u pese zarina te te 're da'anho'reptui mono da. Tahawa, te za te te 're wapawaptob za'ra, wasiré Izaraéu nhihudu mono bâ, wawasédé hã wa te 're rẽme za'ra mono wa, te te wama 're apari mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:34

Tawamhã Pedru te tãma tinha, ãne: — Enéia, Zezu Cristu ma tô aipese. Aiwahutu. Asa'warizé hã sa'ra pese. Tawamhã awa'awi ma tô wahudu, Enéia hã.

2 Corĩtu 2:10

A norĩ wa'wa hã, dawasédé da te 're i'manharĩ za'ra mono zém na hã oto da'ãma 're 'madâ'â za'ra wa'aba mono tõ da, asima 're pisutu za'ra wa'aba mono wamhã, ĩzama te oto da'ãma 're ab'madâ'â mono õ di za tô. Tahawa, aibâ hã tiwasédé ipire hã tô sena te te 'manharĩ wamhã, wa za tô ĩsima pisutu, asarina wa'aba, iwasédé hã te oto ãma 're 'madâ'â tõ mono da, simisutu ato sina asiré 're aihâimana za'ra wa'aba mono da apâ. Cristuhu nho'a, wa ãne na hã aima ĩsiwasu'u za'ra wa'wa, iwasédé hã za te oto ãma 're i'madâ'â mono õ na hã, aibâ ãma.

2 Corĩtu 5:20

Tahawa, ma tô Cristu hã datẽme wazatõrĩ za'ra, isadawa para, wa te dama 're sadawa wasu'u za'ra mono da. Ãne, wa wa te dama 're roti pese za'ra, Cristuhu nhisi na: “Ma'ãpé, 'râwi asi'madâ'â za'ra wa'aba, 'Re ihâimana u'âsi mono hã ai'ãma siwadi za'ra wa'aba da oto.” Ãne na ma tô wa'u'âbâ te te dama 're aroti pese, 'Re ihâimana u'âsi mono hã.

Éfézu 4:32

Marĩ iwẽ na te za dama 're asõprub za'ra wa'aba mo, da'ãma 're aipẽ'ẽzé za'ra wa'aba mono sina. 'Re ihâimana u'âsi mono hã Cristu dazada dâ'â wa, te te ai'ãma 're 'madâ'â za'ra wa'aba mono õ di oto, 're i'manharĩ wasété za'ra wa'aba mono zé hã. Tahawa, a norĩ wa'aba ma, iwasédé hã da te aima 're 'manharĩ za'ra wa'aba mono nherẽ, isine dawasédé hã duré oto da'ãma 're 'madâ'â za'ra wa'aba mono õ di za.

Colosu 3:13

Ni'wam norĩ hã asiré nherẽ, marĩ na te te aiwi 're ro'wa'ré za'ra wa'aba mono nherẽ, ãma 're aiwa'a za'ra wa'aba mono õ di za, ta norĩ ãma hã. Duré marĩ na te te aiwi 're ro'wa'ré za'ra wa'aba mono nherẽ, ãma 're 'madâ'â u'âsi za'ra wa'aba mono õ di za. Wanhib'apito hã aiwasédé te te oto ai'ãma 're i'ab'madâ'â aba mono õ ne, ãma 're 'madâ'â za'ra wa'aba mono õ di za, ta norĩ ãma hã.